棟記飯店

Open Now

Now Closed

買了團購，去用兩張。點到笫二張，叫同一樣；那個所謂經理已經好似我無俾錢，又黑面。我叫奶茶外賣，加兩元。無問，題，我只是十五秒後想改豆槳，個經理竟然話入了單，改不了。但好明顯，仲未整，我跟他說，都仲未整。他可以晦氣說他要好多嘢，改不了。最好笑，個奶茶五分鐘才到。仲有個麵又來錯，又可以唔洗改單又可以改。食品，不錯；團購價超值。但那個非常經理，真是不知所謂。

放工原本相約食放題，點知無位唯有往上環街市食dinner，三人叫了XO醬西蘭花朱頸肉，腰果炒肉丁和豆腐火腩煲(期間見到店舖的家貓很可愛!) ，XO醬西蘭花朱頸肉d肉好爽，腰果炒肉丁好夠火候，腰果肉丁都好爽脆，唯獨豆腐火腩煲d火腩肥肉太多，如果多d瘦的火腩就好d，整體食物都不錯，絕對有驚喜。

今天因為太多事要做，結果差不多四點才到上環市政大廈的瑞記吃公仔麵，進食期間，見到隔離的棟記巳開始準備晚市，有員工在開枱，也見到有員工在認真地切著大盤的菜，橫掂這裹離我家不遠，就決定晚上再來棟記吃晚飯。星期日的八時多，巳有不少食客在進餐。棟記佔了成半個場。這裹冷氣充足，地方算整潔光猛。今天和男友叫了啫啫雞煲，XO醬西蘭花炒猪頸肉。啫啫雞煲先來，雖然有煙，但就不是煲到微燶，有些失望，不過味道是ok的，雞件也很多，猪膶有很重酒味，有幾件冬菇，最香口是燶了的蒜頭與洋葱。XO醬西蘭花炒猪頸肉，西蘭花爽脆，猪頸肉炸過，這碟餸極惹味，好味。其間叫了大枝裝可樂，夠晒冰凍，只需八元。白飯六元大大碗。這裹經濟實惠，餸菜都大大碟，絕對有回頭。

第二次幫襯，專程去食「菠蘿生炒骨」。家常feel...好味！沒太酸，骨也炒得好脆，份量一啲都唔欺場。抵食兼好味！盛惠四十五大元，值！另外叫咗上湯唐生菜和三色蒸水蛋，蒸蛋上得較遲，差唔多食完先嚟，也蒸得過老。或者街市熟食檔始終多男人幫襯，大杯酒大塊肉，好豪，也好嘈。喺呢度唔好要求食環境。生炒骨補番數。

八月十五日 (星期一)繼上回家回熟燒之成功深明上環街市是臥虎藏龍之地決定與老公仔將之逐一追擊第一站來到棟記就像普通的茶餐廳,以碟頭飯為主班腩將乎鋪滿整碟飯肉質尚算新鮮嫩滑豆腐永遠是班腩的好朋友豆腐盡吸班腩汁,令人滿意飯粒精塋,令人特別開胃以這個價錢實難再要求太多廚房等齊三碟一起炒,要多等一會極之香口,沙爹味濃而不辣口烏冬煙韌,牛肉則有點"嚡口"材料同樣豐富,而且油不多,有點驚喜!期待第二回追擊!!!

是日晚飯地點由老友介紹:上環熟食中心.上環區我已經好少去,這地步更加是第一次入來.好驚訝上環有一整幢市政大廈以後到上環叫做有個地方玩樂了.老友帶由另一面門口直上,可以乘一層扶手電梯就到熟食中心門口,這裡是一層冷氣開放的大排檔,對於剛走完香港公園變得大汗淋漓的我們更為興奮場內有數間店,不知道邊間好,先在場內轉一圈.從菜牌中格價才決定.最後選擇處於大門口的棟記,一來棟記佔地最大,相信沒有長期客量/歡迎度都好難有如此'勢力'吧.二來當然是食物價錢較為平點點見到店前放了一盤鹽魚.原來是鹽焗鳥頭來,六十元一條大大的,我們也想試下.落單後店員才將魚皮剪開再奉上.入口後才知道烏頭是帶點凍,好似食打冷菜呢.佐一碟麵豉汁,不過味很咸魚身勁之厚肉地,可惜魚肉毫不滑,是帶著鞋的質感,雖然當中有黃油,不過少,欠缺魚油香.不過以這價錢來算,這條魚毫無疑問算抵食!第二味是豉椒炒蜆,大大碟的份量都是$45豉汁香濃,加大量蒜蓉炒,非常惹味和有鑊氣!蜆肉無沙,肉質爽.九成蜆都帶有肉,餘下一成是開殼無肉及完全沒開殼,是接受的數目來是日是旦是翠塘豆腐初嚐此味是在利來小廚(九龍灣),那個驚為天人的美味,至今印象難忘所以知道後

元旦日去左上環棟記晚飯~~同屋企人山長水遠黎食叫左唔少野~椒鹽九肚魚 <呢個有d唔係幾夠味,整體ok>南乳蒜香骨 <呢個好味道哦~~>蒜蓉白菜仔 <呢個可以話冇味lol>京都骨 <麻麻地拉>埋單$261仲有白飯x5啤酒x1

自從上次响街巿食過一次lunch 覺得超唔掂之後, 就再無興趣試晚飯. 尋晚都係因為友人話有間羊腩煲好正, 所以先破例去試, 點知去到果個人又話唔記得咗食過邊間, 於是就求其揀咗一間嚟試1) 羊腩煲+生菜 $120 - 整體嚟講ok, 但唔係最好味, 羊腩本身唔太羶, 反而唔濃唔淡o既汁就有少少羶味, 羊肉唔肥皮好乾淨無毛, 可以連皮都食埋, 而支竹同生菜份量亦好多, 所以價錢合理2) 西檸雞 - 皮炸得香脆可口, 雞本身都好滑, 西檸汁調較得啱啱好, 略帶少少酸, 如果唔夠酸又可以篤埋d檸檬喎, 不錯小菜白飯x1 + 大可樂x12人共消費 : $180

今日去咗上環熟食市場到買外賣返公司食。係棟記到買咗盒鮮茄蛋牛肉飯炒底。整體都幾好，只係啲汁甜咗少少。同埋有味精，不過出街食飯點會無味精吖。

第一次到上環街市吃飯，唔算好旺，地方尚算清潔。一行四人試了數款小菜。粟米魚肚羹：幾足料，不過味道唔突出，一般啦！土魷蒸肉餅：肉餅肥瘦適中，肉質軟腍。土魷先切粒浸腍，並混在肉餅中，既香又能增添口感，唔錯。鹽焗烏頭：都幾大條幾有魚味，OK喎。滑蛋蝦仁：滑蛋做得幾好，夠滑。蝦仁夠大隻及爽口，只是鮮味略遜，應是雪藏貨。計及價錢，可接受。咸魚雞粒炒飯：幾香，唔油膩，OK。

2009-02-04一大班人又易搵位又化算o既，o係上環呢度，街市大樓一定係選擇之一基本上我就o黎食晒呢度咁多間了就坐了落呢間未試的午餐$30 但唔o岩feel，另選豬什炒麵呢度上東西慢了一點點炒麵是脆的那種，正，o岩feel。無熱氣感覺豬什有豬肚、豬月閏、豬腸、肉絲，非常足料，係o的月閏仲有血水。食唔晒，好少何，咁應該真係幾抵順帶一提，同事的豆腐斑腩午餐變了時菜斑腩，感覺差得遠……但無叫佢換

十月十七‧晴 也說過，不會去慶祝什麼周年紀念的，因為什麼紀念日也只是普通一日，也還不是這樣的過。好像是日，忙得頭暈腦漲，吃飯也求其來這個熟食中心，希望快手搞掂。 拿著文件邊吃邊看，不知如何住了來這邊，既來之則安之，就要了碟芙蓉蛋飯。 一時十五分落單，一等就廿分鐘，飯全不見影。見隔離左右也在等，況色不對，當然去追單。而飯也是一追就來，比其他坐低比我早的人客更早有得吃。 蛋熱辣辣的，煎得面層脆，而內裡還濕潤，吃起來有蛋香，不錯，獨嫌其做得不夠厚身；材料豐富的，有不少的洋蔥及叉燒在內，味道是淡了一點，如果可以加點「色」就一流。飯底極多，要了「扣底」的，相信是完全忘記了吧。 飯要追才有得吃，凍咖啡沒有追，就算等到吃完，近二時也未來，大家來這裡吃，要知道門路了。 埋單22蚊，便宜抵食。