森森小屋

Open Now

Now Closed

見到呢到新開嘅茶餐廳，於是同一班同事過來試下。舖頭細細，位置不多，所以都等左一陣先有位。午餐款式不算多，但價錢都幾相宜，平均50蚊左右有一個lunch, 仲包野飲。豬扒好多塊，但係無乜洋蔥，同埋色水好深，feel 到係用濃醬汁大火煎豬扒，已經近乎少少炸嘅口感，減緊肥唔敢食太多...隻蛋應該係日本蛋，都有蛋香，同埋煎到有少少燶邊，惹味，但伴碟嘅係茄子，我麻麻地，同埋佢整到好油... 食左1 2舊就果斷放棄。飯嘅話就係珍珠米，煙煙韌韌咁。整體嚟講偏重口味+油，所以減肥人士要慎選。不過要讚一下佢個咖啡唔錯，香味十足。

從舊店觀音廟已有幫襯開，員工有禮細心，走餐具少甜次次都無甩漏。外賣包裝完好，豬扒已預先切件，食用方便，蕃茄湯底無乜味精，唔口渴！$27 雙拼麵早餐性價比高！會再幫襯，值得支持的小店！

有heart小店.價錢公道，同事点了沙拉豬扒钣，我點了粟米魚柳飯，連配菜都好好食，份量夠，食出有水準味道，老闆很友善有礼貌。Lunch 仲包埋即磨意大利咖啡。🥰。48元午餐包飲品，超值!!!D飯仲係用日本米。見到坐對面的叫了一個常餐，賣相也好好。 下次一定會再試下。今次第二次來了，會繼續支持!!