楊記麻辣魚館 (長樂街)

Open Now

Now Closed

一向都幾鍾意食辣，行過附近見到這間，價錢都唔算貴，所以入黎試試水煮牛肉食得辣之人，當然要試下水煮菜式，食肉獸就當然食水煮牛肉，滿滿的辣椒係面就知道足料，牛肉都嫩滑，送飯真係一流。串燒羊肉見其他客人都有點，所以跟風試下，羊肉唔錯，而且切開一粒粒，方便夾起食，一食串燒，就好想加多杯啤酒。麻婆豆腐麻婆豆腐唔係間間都好食，因為豆腐要保持嫩滑不散而且很難，而且重點在於麻，很多時只有辣沒有麻，這間的麻婆豆腐不錯，大碟之餘味道都很足

黑洞咁大個都係第一次食川菜咋朋友帶路 餐廳喺佐敦地鐵站附近位置幾方便睇番餐牌 果然大部份見以辣味為主對黑洞來講都係一個挑戰成班gathering叫咗好多餸食黑洞精選幾款值得推介俾大家大盤花菜 呢碟菜目測都見到幾件大辣椒但原來唔單止有辣味 蒜香味都幾突出花菜同五花肉撈埋一碟 又幾正喎泡椒田雞認真 黑洞都好多年冇食過田雞 因為煮田雞實在太多功夫出街亦都唔係度度有得食田雞肉口感爽脆 骨頭亦吾算好多而且份量十足麻婆豆腐 麻辣個味辣得幾爽喎 岩晒撈飯食就算唔想食得太辣既黑洞都接受到豆腐夠冧但又無爛蓉蓉 加分整體來講今次川菜初體驗感覺良好本身唔太偏好食辣嘅黑洞黎講幾有特色而且一班人食可以叫多幾款開心share

成日都掛住大陸嘅酸菜魚，不過要約齊朋友返去真係有難度，今次就到朋友去咗佐敦食酸菜魚。。酸菜魚嘅份量都幾多，一上枱見到好多辣椒，啲魚冇骨，除咗有酸菜之外，亦都有辣味，真係好醒胃，越食越辣。所以食完個酸菜魚，再食返一碗四川涼粉，見到啲辣椒油真係立即覺得頭痕，不過啲涼粉都幾滑，個喉嚨真係着火，最鍾意係涼粉入邊仲有花生，增加不少口感。除咗酸菜魚，我哋仲叫咗一個啤酒鴨，噱頭十足，鴨已經斬件上檯，幾方便食客進食呢。而且味道都幾入味。

平時很少吃川菜或麻辣的菜式，不過今次朋友介意，又想吃一吃水煮，所以黎試試，價錢都十分親民。酸辣土豆絲用黎做開胃菜一流，酸酸地又辣辣地，為等陣的麻辣做個熱身，而且口感一流，唔錯。串燒羊肉每塊羊肉都有串串，食串燒始終用手吃先有風味，一上枱就知道足料，香味充足，肉的口感都剛剛好，重要的羊騷味都不錯，因為很多香料幫手，所以互相配合，很好吃。水煮魚食的辣的人，都必點的名菜，魚肉十分嫩滑，而且估唔到都幾大盤，即刻感覺幾抵食，辣味好足，食到我滿頭大汗

今次影得比較少相d，因為返工放 lunch 禁岩經過黎食個午餐，但原來都幾正喎！鍾意食呢個既朋友真係一睇就知係咩！佢就係麻婆豆腐，好耐都無食過禁正既麻婆豆腐了，因為總之佢有既就係，豆腐滑！麻度夠！辣度岩岩好！用黎送飯一齊食，係真係一個好好既選擇啊黎一個好惹味，辣到你會一路繼續話好辣，但又要繼續食既 干鍋肥腸！大家見到佢d辣椒都知佢係有返禁上下辣度既，肥腸經過炸香後再加入香菜辣椒等配料，令成個味道都好刺激好吸引，肥腸既口感又煙煙韌韌禁，真係好好食！我就好喜歡囉！最後一個就有啤酒鴨，有無食過鴨但係滿有啤酒味，又帶有辣味禁先，佢就係了！鴨件當然本身都已經炆得好林，肉質唔韌，而且好入味，未食過既朋友係可以試試既，因為真係好特別以上既份量其實都夠 3-4 人食，所以可能大家去開附近既話，不妨去食個 lunch or dinner 呀

有朋自遠方來，梗要帶佢食好野。 朋友嗜辣，又想食中菜，雖然我唔食得太辣，但為左陪佢，就帶佢嚟「楊記麻辣魚館」一試。呢度當然有辣野食啦，水煮魚係必點，麻辣味帶出魚片嘅鮮味，仲落左我鍾意嘅芫茜調味，更加好味。 望落好似好多乾辣椒，但實際又唔係大辣，反而係麻香味撲鼻，朋友單就呢味餸就食左兩碗白飯，大叫YUMMY~鐵板田雞都幾足料，入面好多田雞件，走過油，特別惹味香口。唔辣嘅菜式都唔錯。 串燒羊肉細細舊，調料醃得夠入味，配埋啤酒確係一流。 

我不嬲對內臟「敬而遠之」，朋友就唔理我叫咗個干鍋肥腸，「咩都試丫嘛」。 肥腸用鐵鍋上，配料有辣椒、蒜粒同芫茜，上枱已經聞到勁香，見朋友二話不說一啖紅椒一啖肥腸，我都認唔住試一舊。 紅椒入晒味，有少少麻痺感，仲有蒜粒嘅咸香，加埋彈牙肥腸，真係勁惹味兼易「上癮」，我都忍唔住開始勁食，仲有衝動想叫多鍋。😜西湖牛肉羹不嬲係我至愛，牛肉軟腍兼肉味豐富，食得出係鮮牛肉；另一樣不可或缺嘅係芫茜，呢度就毫不吝嗇咁落咗好多，飲落淡淡香味，正！

麻麻辣辣夠開胃!夏天胃口真係一般，可能太熱搞到口淡淡，晚上同同朋友經過佐敦，決定入黎食辣開開胃😋四川扣肉雖然夏天想食啲開胃野，但都阻止唔到我同朋友想食扣肉既衝動😂肉質煮得又香又腍，甜甜地一啲都唔油膩泡椒田雞田雞既菜式好少見，可能少人食同埋難入貨。田雞食既唔係啖啖肉，係佢既鮮味! 田雞幾新鮮，肉質都幾甜，加埋泡椒去煮，入口幾惹味👍四川名菜宮保雞丁! 見到紅卜卜既辣椒，口水已經流不停聞落仲香味十足，唔好睇佢雞肉好似好乾，其實又滑又juicy，又辣又香夠開胃😍

以前呢個位係一間好好味嘅茶餐廳，轉左手之後變左間特式川菜餐廳。今日試左個$50麻辣牛肉飯，加$3有凍飲，麻辣汁有得要bb辣，bb辣岩岩好，惹味得黎又唔會覺得辣到噴火！不過上菜先知麻辣牛肉唔係牛肉，係麻辣牛展🤣但係都好食嘅！下次好想試埋其他菜！

食得麻辣抵得渴，唔知點解身邊啲朋友咁鬼鍾意食麻辣嘢，好彩我又唔係完全唔食得辣。今日佢哋就帶咗我嚟呢間食四川菜嘅菜館，一睇餐牌當然係麻辣嘢居多，不過都有唔辣嘅四川小食。. 朋友最鍾意係👄四川涼粉大熱天時嘅天氣仲要食辣嘢其實真係好辛苦，會滴曬汗。涼粉辣得黎仲透心涼，好鬼正😋重點係辣椒油唔會好多，唔似出面其他餐館，有機會食完之後個胃頂住頂住。. 至於我呢個食得辣，但係又唔係非常好麻嘅人，我力推呢個金銀饅頭。金銀代表啡色同白色，亦即係炸饅頭同蒸饅頭。每個饅頭嘅大小啱啱好， 炸饅頭外脆內軟，唔會好油膩；蒸饅頭雖然冇咁香口，但係亦都唔會好乾，點樣食最好？個人推介食法， 夾上有醬汁嘅肉類，另類滋味😋. 酸菜魚🐟最近喺香港同內地兩邊都極流行，變成網紅食物。至於一個好味嘅酸菜魚又會係點？我覺得酸味必定要係最出眾嘅味道，但係又唔可以蓋過魚嘅鮮味。呢度酸菜魚份量剛好，好怕出面嘅酸菜魚大大份，食完唔使再食其他，但係呢度嘅份量比你有機會試更加多唔同嘅食品，而且價錢合理。.麻辣嘅味道真係見仁見智，呢一間就正中我嘅心意😋💕

今日同屋企人出街食飯因為好似好耐都冇食過辣野所以我哋就揀咗呢一間麻辣魚館見到上網嘅評語都幾好 就諗住喺度試吓食黎得魚館 我哋叫咗佢嘅招牌酸菜魚啲魚嘅份量都幾多 開頭以為會好腥食落口都幾嫩 唔會話一大陣味 同啲醬汁撈埋一齊 好夠辣可以嗌幾碗飯嚟食都得另外叫咗手撕包菜 都幾新鮮要用手摵嚟食 有啲酸酸地幾開胃食幾啖酸菜魚再食呢個 個感覺都幾得意最後叫左麻婆豆腐 煮得好入味啲豆腐唔會話好易爛 配合埋啲油條脷都食到麻麻辣辣咁 又係另一送飯佳選鍾意食辣嘅人可以試吓

星期日一家人出街食飯，但天氣炎熱，應該搵乜嘢食呢！個仔話去打邊爐，爸爸話去食中菜，我就提議去了佐敦道（楊記麻辣魚館）食四川菜， 因這餐廳有我喜歡食辣味道的美食，今晚就由我嚟決定啦！拍青瓜，本身不是太喜歡食青瓜 餐廳用了秘製醬汁再加上辣椒，再張青瓜拍至扁身，能夠索曬所有醬汁，令到青瓜食起上嚟入曬味道，同是十分爽口 。翠綠色的西湖牛肉羹。西湖牛肉羹，本身已經超喜歡食芫茜，所以這道菜是我最喜歡，材料分別有主角，大量芫茜、碎牛肉、豆腐等，食起時要再加上 白胡椒粉及麻油，十分配合。夫妻肺片，炆得夠淋身，再吸收埋麻辣的味道，食起時十分惹味，要叫碗白飯先。

今日係佐敦成班朋友一齊決定食下中菜，見大家都會食下辣野今次就試一試呢間楊記麻辣魚館。黎到魚館當然要食下酸菜魚架啦，成日食酸菜魚都好怕成大煲但冇魚，但係呢到材料十足，酸菜味都算突出，魚肉嫩滑，個湯汁送飯都係一絕。下一樣想介紹既係夫妻肺片，麻同辣味都十足，成道菜火喉十足，肺片爽口入味再加上火辣既感覺好上癮。西湖牛肉羹，上面有好多牛肉碎，食羹最正係有一種順滑既口感，呢到做到個口感同時牛肉碎有鮮味。總結其實同一時間都仲叫左好多唔同既小菜，成餐飯都好有鑊氣同時啲麻麻辣辣既感覺食落真係好過癮，服務質素不錯，一大班人有機會黎到佐敦都可以一試。

難得約埋一大班朋友去食飯，有朋友提議去食川菜，我哋就決意去佐敦長樂街嘅「楊記麻辣魚館」，因為我哋喜歡佢夠地道夠正宗。菜館裝修簡單，勝在座位闊落同地方乾淨，牆壁上都貼上食魚，就吃水煮魚的解釋及內容，相當專業同講究。嚟到大家都紛紛點菜，我哋就點了四川涼粉 、青笋臘肉、酸菜魚、大盤花菜及四川扣肉。四川涼粉 - 涼粉煙韌爽口，浸透了麻辣紅油醬汁，十分惹味。青笋臘肉 - 青笋爽脆，臘肉惹味，配上辣椒炒後更增香口。酸菜魚 - 是菜館的招牌菜，大大盤份量十足，魚肉夠滑，麻辣味搶口，入口先感麻後漸漸辣感就出來，辛辣感有好層次。大盤花菜 - 椰菜花及豬肉片炒得好有鍋氣，遠遠都聞到香味，味道夠辣， 辣得嚟都幾過癮。四川扣肉 - 一層肥一層大瘦的豬肉，十分吸引，夠入味而且很香濃，入口油脂滲出，相當香口，配白飯一齊食超正，邪惡指數滿份。

今日去一間川菜館食飯，因為有一班朋友喜歡食辣一齊品嚐美味菜式，為什麼這樣說因為之前食川菜得個辣字，少了食物味道，第一個推介是食尖椒魚頭+米粉，魚頭煮起來好滑脫脫一定要叫少辣，因為如果你們食得辣也要先試了辣程度先，因為大辣是非常非常辣的你們要小心留意，還有一口串羊肉也好軟淋淋，有一個菜是咸肉炒菜是好有鑊氣味道好適中，一定要試吓，有個炆鴨也有個不錯味道，皮蛋也是一定要食，因為好有皮蛋味加少少辣也不錯的選擇。