Video
Introduction
環境優雅，以車仔麵及金香雞抄出前一丁為招牌菜式，甚受客人歡迎。
continue reading
Opening Hours
Mon - Sun
07:00 - 04:00
Above information is for reference only. Please check details with the restaurant.
Signature Dishes
車仔面搬左之後變左我的私人飯堂我唔知點解會話唔好味, 但我認同係貴左d, 但絕對名碼實價; 至於服務態度嘛, d 伙計係睇生/熟客有分別的, 我通常去消夜, 服務態度無得頂, 有講有笑.推介:1) 抄公仔面 - 係唔會覺得沖的公仔面, 入味而且好有鑊氣, 40蚊唔叫抵食, 但絕對值回票價! 2) 抄花甲 - 好新鮮, 個汁可以送幾個白飯3) 車仔面 - 分5,6,7蚊, 必食有紅腸(誠意之作, 有煎過先放湯!), 豬腸(有酒味及好入味!), 魚肉茄子, 沙爹sauce(應該係自家制, 有魚仔及干貝) - 記住問佢要辣菜圃放左面到一齊食, 好好味!4) 魚粥 - 食得出係新鮮魚, 有時佢好人俾多個翼位我, 30蚊一鍋, 抵食! 配有炸雲吞皮, 自家制!5) 抄面 - 早去先有, 遲去就買晒, 好味, 即抄!6) 雞蛋葱花抄腸粉 - 即制, 好味! 有分大中小size, 不過都幾貴, 小的也要28蚊.7) 煲仔飯 - 排骨係新鮮的, 有先調味, 火喉控制得很好, 要飯焦有飯焦, 要d飯淋d都可以做到, 勁好味, 約38-48蚊.
continue reading
數天前和我堂弟一家人來這裡吃晚飯點了兩個雲吞麵 (48@1), 三個車仔麵 (所謂既招牌車仔麵) (58@1)加兩CAN 可樂盛惠 $ 2XX在這裡質素的店裡, 實在貴得驚人.不過看在他的獎項名氣份上.....也算了等了一會兒, 食物終於送上.份量 - 小味道 - 普通價錢 - 貴 環境- 差實在是名不副實. 這樣的價錢竟有這樣的質素. 也算了.問題是......... 職員不停的介紹車仔麵. 卻沒有價錢寫在旁邊. 等落單以後, 才告訴我們這樣可怕的價錢 =.= 也太不可思議了吧?
continue reading
今晚試完 以後唔會再試.. 覺得佢只係做遊客生意好呃錢!!! 邊度會有1間茶餐廳買細油炸鬼要20蚊!!! 條油炸鬼用咩油黎炸呀?!以為自己睇錯...粥好普通.. 夏門炒米.. 無味可言...
continue reading
呢排天氣凍, 經常去食宵夜粥套餐暖下身有幾款粥揀, 試過艇仔, 唔係幾掂, d料唔夠多反而個皮蛋瘦肉粥幾驚喜, 粥就預左有d稀架啦但大大碗又多皮蛋同雞絲, 加點薑絲真係好暖身連埋油菜同野飲, 埋單30有找如果黎食車仔麵, 就必點豬紅同蘿白豬紅好重胡椒味, 蘿白唔止胡椒味重, 仲好甜, 如果煲耐d更好, 呢家都係稍嫌硬身個辣汁幾好食而且辣味適中我都覺呢到d車仔麵幾貴特別係俾餸好神經刀, 時多時小, 三寶7蚊先得兩件, 真貴環境認真麻麻, 呢到班哥仔侍應有時心情唔好發下老脾大大力掉野, 見慣見熟半夜人小食都幾好, 迫人就咪攪了
continue reading
同朋友講起好想食炒出前一丁，朋友話去呢間極之好。未去時好懷疑，因為之前係度食過車仔麵，唔多掂，可以話係難食，搞到以後唔多想再去。晚飯時間行到入去大把位，我地上左上層坐，兩邊牆貼滿晒飲食周刊的剪報，好多都是推介呢度的炒出前一丁麵。而且呢個菜得過獎，應該唔太差。我地叫左兩樣野share食。首先上菜的係「XO 醬花枝片炒出前一丁麵」($45) -- 淨係睇個樣都食指大動，未拎上檯已經聞到陣辣味。食落有少少辣，花枝片唔韌，口感幾好，配菜都唔少，有大蔥、洋蔥、甘荀、芽菜、紅椒、青椒同埋粉蛋絲，丁麵其實都唔算油，可能因為我食過d仲多油的炒丁麵，我覺得呢個做得真係幾好。之後上菜的是「招牌黃金雞翼炒出前一丁麵」($45) - 呢個仲好味 ，因為無咁辣之餘，仲可以食到出前一丁果種炒味。黃金雞翼放左係丁麵的面，排成一個十字，可以睇得出係有舖排過的，雞翼炸得好香又唔會太油，佢層皮香脆得來又唔會炸到一大舊。雖然份量都幾多，太美味的關係我地好快清晒兩碟。呢度其他野食唔敢推介，呢個炒出前一丁真係值得食。四十幾蚊一個炒丁麵係比其他茶餐廳貴but 好味好多。至於侍應的態度，就如同之前的食評所講一樣，會同客人吹下水，講下笑，搞下爛gag，我覺得咁做都係想搞下氣氛，不用太介意。
continue reading