極之好粥麵茶餐廳 (Closed)

沿着金魚街一直行，行到嚟呢間 極之好餐廳 。餐廳外面嘅餐牌有成40幾50款午餐，但入到去就搵唔到呢個Menu。呀姐叫我睇牆上既牌，午餐大約十款左右，就求其揀左個豆腐火腩飯。獻汁味道較淡，同想像既味道有出入。豆腐還好，可惜火腩，有輕微怪味。食左幾舊都有種似是疑非既感覺，但由於店員熱情款待，我都唔好意思出聲，直接唔食算數。奶茶味道OK。飯叫左少飯，都真係做得到。雖然店員叫我下次再試其他，恐怕機會微了。

年初三好多餐廳都無開唯獨有間極之好開左門口又話囉哂獎乜乜物物咪走去試下囉xo醬炒豬頸肉公仔麵話哂都係招牌菜式咪試下囉嘩無味既雖然未至於喂狗但係收$57 食碟咁既野真係無下次！

近來天氣開始變凍，打邊爐、火鍋放題等的吃得愈來愈多，多得有點怕怕了，跟大少姐一起到金魚街去買家中主子的罐罐時，就被這間餐廳門外燒煲仔飯的情景深深吸引了！姑且忘記年多前在這裡吃過不太美味晚餐的回憶，今天試試它的煲仔飯！這裡煲仔飯種類在餐牌上是超多的，但因為只有兩個人的關係，我們點了兩個煲仔飯，本來就應該很足夠吧！卻偏偏給餐牌的潮州家鄉蠔仔餅吸引了，而且是 ”細’ 份量的，好吧！也來一份吧！蠔仔餅很快就到了，扁平平的…冷的…不脆的…中間有粉漿的…外邊乾身得要命的…失望到不行的…潮州家鄉的蠔仔餅真的是這樣的嗎…?本以為這間餐廳的食物一如既往地難吃的時候，煲仔飯來到了！那種香味，竟然很令人期待！臘肉臘腸煲仔飯臘肉明明感覺應該很膩，這個卻可以一啖放到口中，完全沒有油膩的感覺，而且那臘肉的香味相當刺激味蕾！臘腸沒有很肥，肥瘦度以個人來說也非常適中，不錯不錯！臘鴨膶腸煲仔飯臘鴨皮沒有放很多，減少了吃"橡筋"的感覺，完全是啖啖肉的，味道濃淡也相當足夠；膶腸則有少許遜色，味沒有膶腸應該有那股香濃，但口感來說是可以的，整體也是相當不錯。因之前身邊有高手教路，於煲的周圍加些少甜豉油就會有意外驚喜，果然不出所

點了一碟泰式豬頸肉撈丁，本來沒有什麼期待，因為一進來就是典型茶記，怎料食物來到面前，看到碟上不是一般撈丁'大兜亂'，而是丁、肉、菜、蕃茄、醬分別放好在碟上。至於味道，撈丁一般較咸，但這裡的撈丁完全不會吃完很口渴，而且豬頸肉有先炸過，非常香口。值得推介！

今日同老公去食飯。叫左碟楊洲炒飯同車仔面。車仔面都還可以。但比起一般既貴！47炆！楊洲炒飯都係48炆。但細碟。女仔就岩食。 男就係攝牙罅份量。重點係！食完我就去廁所喇。老公梗係坐係位等我。啲職員眼超超暗示我們阻住哂。繼而有客到。職員暗示叫我地比位出黎喇既意思。之後一肚氣出左門口。行左陣金魚街。老公肚痛！一路直到回家。肚痛肚疴左幾次！陰公！依家返到屋企。佢重係廁所！第一次食呢度既食物衛生好有問題！！服務又差！！！

今日去左太子搵食，其實哩間茶餐廳經過過好多次，次次都見佢啲人好忙咁整緊煲仔飯好啦，今日夾啱時間，又有啲涼涼地，就去食個煲仔飯暖下啦可能今日閒日，唔算多人，入到去仲有卡位坐煲仔飯種類有幾十種，基本上你up得出嘅餸都有，我地都諗左一輪，最後決定最common嘅餸嘅煲仔飯好搞笑係餐牌話煲仔飯有得跟xo海鮮醬,沙嗲等等不過我地最後要返豉油得啦豉油有辣/原味，我地兩樣都要，辣味嗰隻真係好辣，建議食得辣先好叫，或者要少辣，否則變豬咀不過在場好多人都要辣豉油，可見都有好多捧場客蠔餅(細)由於煲仔飯係即整，大約要等20分鐘，我地就叫個細蠔餅醫下肚先，味道一般，不過就炸粉少，乾身左啲 北菇滑雞臘腸煲仔飯主菜黎啦，熱辣辣，新鮮出爐yummy雞無雪味，臘腸味道都可以，加埋啲煲仔飯豉油無得頂 田雞臘腸潤腸煲仔飯田雞都有肉食，加左辣豉油，野味到陣臘腸加潤腸真係無得輸，煲仔飯嘅好朋友食到最尾仲要剷起煲邊啲飯焦食埋佢總結，下次黎太子又多一間搵食好去處，食煲仔飯唔洗次次去到廟街先有得食

小學時，每星期都會和伯娘到金聲戲院附近的極之好買一包包豉油皇炒麵回家吃。現在，店子搬到太子了，偶爾會見到掌廚的廚娘烹調的招牌炒麵。是日到訪不見她的影蹤，改點了這裡另一主打：豉油皇炒出前一丁。選了三絲炒（$48），但與心中所想稍有不同。肉絲、青椒、洋蔥感覺是較上火的組合。雖然是惹味，但不僅是出前一丁本身，三絲亦見多油，感到有點飽滯，不過，出前一丁是炒得條條分明，不糊口的，亦見師傅功力。但味道濃而油的東西，實在吃得辛苦。推薦指數：2/5至於，凍奶茶味道更是差，澀得來沒有茶味，甜度過高，有點失水準了。也許，下次簡單點回平日吃的$20炒麵更好，只能怪自己失策了！

今朝去食早餐，坐底，個男員工就不斷同個客人傾計，冇理過我，落完單後，個男員工又繼續傾，勁大聲，之後見有位女士買早餐外賣，個男員工俾左個餐牌個客，又繼續傾，之後仲鬧走個女士，我作為旁觀者，覺得哩間餐廳老闆娘好慘，員工無心工作，趕客，野食係吾錯，但服務態度十分惡劣，和朋友不會再去，感覺好似用錢買難受

Some friends took us here for a reunion dinner. We had several different rice clay pot entrees. Great food although the restaurant itself is somewhat cramped. I guess it speaks to the taste of the food, since despite the cramped space, the place was packed with people waiting outside. Also quite affordable.

其實經過依間小菜館好多次，成日見佢係門口即煲煲仔飯都想試。終於尋晚同男朋友去左試佢個煲仔飯！我地兩個人，叫左一個咸蛋肉餅煲仔飯，一個滑蛋蝦仁，一個炒菜。個滑蛋男朋友好鐘意，因為啲蛋唔會炒得好老，仲有啲蛋汁痴住啲蛋，之後個XO醬炒菜都唔錯，不過我覺得似豉椒炒多啲。煲仔飯都，夠哂熱又多飯焦，啲飯軟硬適中，可以一試

$36一碗雲吞麵不是問題，但比唔到好好貨你，啲麵質一般，雲吞差，湯底超多味噌😓份量麵可以但雲吞得三粒，不過比多粒都無用唔好食一定無下次幫襯，還有服務態度差食物態度地方整潔食物份量

上星期睇TVB李錦聯同安德尊主持<區區開伙>，介紹呢間茶餐廳招牌炒一丁…好吸引喎，於是就心郁郁去試吓即叫即炒夠火喉，炒得條理分明，食落唔dry，仲索索聲油份控制得好好，感覺唔會太油膩，而且仲超多配料至於香炸黃金雞翼好香口，雞皮好香脆，肉質Juicy香滑，一口咬落去滑肉分離！真係唔錯喎果然冇令我失望！

話說某君曾提及想吃煲仔飯，於是民女便問了不少朋友，自己亦在太子旺角附近搜羅了一番，眼見始創中心外有是有一家，但卻不是炭爐燒的，那就有欠風味。終於，在上星期路過，找到了一家在餐廳外燒得熱辣辣的，所以就想去試了。休息天的前一夜，下班確就沒有不外出約會的道理，如他所願的去嚐。平常他好像什麼都吃，什麼也喜歡，什麼也沒太大所謂的樣子，實在難得聽到他會有什麼是想吃的，所以由他有天忽然說想吃起，小妹我便上心了，加以留意起來了。蒜蓉海蝦魷魚煲仔飯70製作需時，等左足足多於半小時，幾回以為是漏單了呀！門口的炭爐明火煮，蒜味相當香，食味吸引非常，尚算彈牙的海蝦，不感是用上新鮮貨，當然不能苛求蝦腸未挑腸。而魷魚呢？！份量普通，味道中規中舉。飯粒加上煲仔飯的甜醬油和紫天椒豉油，吃上去不錯，飯焦也可口，唯餸菜不多，不夠送飯呢，吃剩了不少飯！凍奶茶（跟飯叫只售12）大大杯，叫了少冰，卻還不少冰塊，幸好是碎冰，當堂好喝些，茶跟奶味參半，不過不失。

路過食早餐，唔知點解今朝想幫襯下茶記。入到去係零招呼。其實食茶記都唔會考慮佢既服務。問佢有冇早餐，佢先俾餐牌。我叫左個磨菇火腿奄列，多士加凍咖啡。上餐都好快，一路等果時聞到麵檔好香既薑蒽味。點知，開始食一啖奄列，火腿有啲啲酸味，磨菇真係好fresh，係個罐頭開出黎俾你，基本上係無調味，無處理。塊多士烘過，唔洗加錢，but，佢應該係啲好平既白麵飽。咖啡過得去，算okay，不過個人覺得正常都好甜。一路食有兩枱遊客，老闆用四十萬既笑容同親切既英文國語去招呼。到我準備好俾錢，我放左係收銀枱，諗住等老闆過黎睇睇先離開。點知老闆話：得啦！你放低係到走啦！出左門係到諗，俾呢個$32食個咁既茶記早餐，究竟我食左啲乜? 我拎呢$32出黎，會唔會係同區搵到更好食既茶記（唔計服務）？

也曾有這麼的一天，每逢假日，都相約友人到旺角、銅纙灣「蒲」。那時還年輕，玩樂、購物、遊蕩就是頭等的大事，吃嘛，也沒有甚麼要求、只求快、飽肚，然後又再玩個痛快!旺角來說，最常光顧的是好旺角、樂園、極之好一類的港式麵店，當中，極之好是回頭率最高的一間，時些年它的炒出前一丁可是一時無倆呢。多年以後，偶爾也會光顧，但感覺人氣已是大不如前，它又好像變回一間尋常食店，相信不太多人知道它曾風光一時吧!這天，到金魚街閒逛。極之好就在金魚街附近，多年前它已從旺中遷往此地。店樓高兩層，地下層有多食桌，部分是卡位，空間也寬敞好坐。牆上則貼上褪色的照片，是那些年店方憑金黃雞翼炒出前一丁奪冠的豐功偉績。時值六時，已接近半滿，如果再晚一點客人便要上樓上用餐了。這兒的侍應說話雖然有點粗聲粗聲，但態度熱情，推介時令的菜式後，見我們仍未有意下單也沒有來催，鄰桌女士要求轉卡位店員也儘量安排，港式小店文化，仍能在這兒感受得到。下單後，立即送上飲品，效率真快!凍檸茶($12)和凍好立克($12)，都是茶餐廳飲品，只是大大的一杯已教人十分感動，冰下得不多，抵飲!當中檸茶茶底以不同茶葉溝成，茶味香濃，檸檬也下得慷慨。車仔麵($3