極之好粥麵茶餐廳 (Closed)

I spotted this place while walking around one evening- it was easily noticeable since they seem to do their cooking right out on the street. It's clay potrice, so it's pretty visually appealing. I actually looked up reviews for what was a good spot later, and found that this place just had an okay rating. Still,there don't seem to be any places which are overwhelmingly better, so I figured I would come back.They have a bunch of clay pot rice sets, so I didn't explore the possibility of building

返完大陸,見呢間話自己車仔麵唔差,就入去食。但呢間個車仔麵冇價錢嘅,只係話$9一款,然後填左四個餸,收$38都算,但真係好求其,牛丸墨魚丸可以,午餐肉,炸菜肉絲正路野,個湯底唔熱,order時已問佢幾錢,煮左一半先同我講要米粉,就要加$10元,總之就係食到你有啲慶,凍奶茶OK嘅。希望車仔麵有所改進喇,但我就暫時不會再幫襯了。

行完金魚街朋友要搵米線食，見呢間有粉麵就入啦，雖然成日行旺角不過都未食過呢間，如果唔係朋友堅持食米線都未必會入😛點知非常impressed😃, 店員服務好好👍🏻今時今日已經好少遇到，而且店員都係有d年紀點知快手又有耐性....見我地多野主動拎多張凳俾我地擺野，我地見唔到餐牌有米線問佢，原來晚飯時間收起左d點粉麵嘅紙不過佢都即刻拎俾我地....我唔太餓但口痕就叫左個蠔餅同凍檸茶，蠔餅好香而且好足料多蠔仔😋個米線都唔錯架我地share食要碗仔又要叉，佢拎杯茶幫我地浸定隻叉😃，好耐都未遇過d咁貼心嘅茶餐廳伙計，雖然係茶餐廳不過佢d地方都好乾淨，細心d睇餐牌原來佢嘅炒出前一丁攞過奬，而且有好多人叫煲仔飯，聞到隔離枱好香....睇黎下次去旺角多左個選擇😄～服務好又好味嘅地道茶餐廳，伙計值得讚賞～

今日出左旺角做完野，打算去醫肚，行黎行去都唔知去邊度好，行行下見到呢間店，今日又想食湯河，見呢度有，就走左入去。呢度環境唔算好大，一般小型茶餐廳格局，店舖雖然當時冇乜人，但老闆都要我和其他人一齊坐，我覺得唔係太好，但我都無可耐何咁答應，因為都只係食完就走，都唔理佢咁多。我叫了一碗牛腩河，端上來時原來碗河粉都好大碗，牛腩和菜份量都好多，都算幾抵食既，牛腩唔算燘得都唔算好腍，有咬口既，但湯底可能唔係有腩汁，所以我覺得個湯同啲牛腩唔係好夾，牛腩味都不是太好味，只係一般般，其實咁大碗要四十八蚊都唔算貴，但味道就爭啲啦。凍濘茶茶味唔夠，檸檬又唔夠，呢度真係幫襯一次就好夠啦。

簡直無話可說……食物淡而無味。點了套飯飯都難以下嚥，難怪週六晚間店內也很少人落座。不理解旺角怎麼會有這麼低質素的餐廳存在？喝完奶茶就離開了，太難吃食物也浪費掉。

今日行過旺角諗住食個下午茶 見到呢間極之好車仔麵擺出嚟嘅餐牌都好似幾吸引，又不停播放安德專賣廣告， 其他嗰 附近 幾間 無位都人頭湧湧只有佢有位 ，咁就試下啦， 叫咗一個下午茶餐魚蛋河咖啡另外我老婆叫咗個及第粥 ，点知送咗嚟嘅係牛丸麵當堂o曬嘴，咁又等佢換過碗不過要等好鬼耐，竟然係夾底粥嚟先不過一望見即刻打曬突，粥顏色奇怪好似 糊仔 ，粥料食落啲味全部都有陣味，但粥底反而係冇味嘅， 跟住碗魚蛋河終於嚟到嗰啲河粉竟然係碎濕濕淋bet bet 杯咖啡亦都係冇問冇味 唔怪得之佢小貓三幾隻食客啦， 每樣都係食咗幾啖就唔敢再食落去即刻埋單走人， 遲早執

今年冬天不太冷，但到時到候，煲仔飯都會應運而生，因為太暖，今年都係第一次食煲仔飯，今年嘅第一次就俾咗呢間「極之好」茶餐廳喇每台都配備一支煲仔飯豉油，似乎預咗個個嚟到都會食煲仔飯喎【豬潤臘腸飯】$74臘腸得兩件，其實係兩片，算偏小，很矜貴豬膶煲得過乾，可能切得太薄的緣故，失去應該有嘅豬潤汁Juicy 口感煲仔飯有飯焦，幾脆【茄子魚腩煲】$88呢個煲嘅味道，完全打低煲仔飯，味道叫做好食，每件鯇魚腩都先經油泡，去除腥味並保留魚肉嘅嫩滑質感魚腩嘅數目唔少，加加埋埋都有10件八件，但呢個唔係餐，冇飯冇飲品的

一定唔會再去，個飯等咗超過半個鐘加地方污穢都算，侍應嘅粗口令人心都煩埋，問佢俾隻鐵匙刮飯焦佢話冇，「遲啲我幫你刮」，等到佢嚟刮啲飯焦已全焦黑，刮完撈埋就成煲都半黑，食咗少少已食唔到，成口燶味，浪費近半煲。（走嗰陣見到原來要等六個先一齊煲，所以咁耐。🤬）

得五小片，半條臘腸都無煲仔飯$68。話係黃金但係得鹹蛋白碎，三片鮮魷，加兩隻蝦嘅煲仔飯，咁就$82，好似唔捨得俾人食咁。就算幾好食的，性價比咁低，我覺得唔值都，冇下次。

天氣凍又係好時機食煲仔飯喇。係金魚街經過哩間茶記，見到店外面有個叔叔一個人煮緊幾個煲仔飯，望望下就吸引左入去。見佢份量唔算多，所以就同朋友一人一個。我就揀左個滑蛋牛肉飯。所有煲仔飯都係即叫即製，所以等候時間會比較耐。大約等左廿分鐘左右飯就到，打開蓋雞蛋岩岩放上去，所以唔會好熟。輕輕搞伴後就食得。隻生蛋同熱辣辣既飯混合後，都有九成熟，整個飯係超香蛋味。牛都幾滑，不過始終都冇煲仔飯應有既炭爐香味。叔叔見我地舀飯焦好吃力，但主動過黎幫手👍🏼。

很久沒有寫食評，今次真的不吐不快，今晚突然想食車仔麵，所以選了極之好這餐廳，記得佢是出名車仔麵，我選了淨餸雞尖、紅腸、魚蛋、牛筋、芽菜，當佢嚟到時發現多了牛腩，所以盛惠$58，心諗無所謂，好食咪得囉，當我放進口咀嚼，牛腩好不新鮮，有酸酸的味道，當我食牛筋、魚蛋及紅腸也是這樣，應該放了很久，所以只好食雞尖及芽菜，還有食完之後係極度口喝，其實很多小型餐廳也會落味精，但唔該唔好落咁多，真係好鹹。

與家人逛完旺角，都差不多入黑，又是時候去醫一醫五臟六府，走到通菜街，見到極之好的門面也不錯，食物款式又多，於是找個座位坐下來。天氣開始轉冷，吃個煲仔飯當然無可口非，於是點了一個北菇滑雞臘腸煲仔飯，它的味道還不錯，熱辣辣奉上，食帶微焦，有種焦味的味道。另外，還叫了另外兩款小菜，分別是煎蠔餅和炒菜心，煎蠔餅煎得略嫌過火，蛋過老，相反炒菜心炒得不錯，菜葉翠綠，菜莖嫩滑。以街坊茶餐廳來說，價錢和水準已相當不錯。

有人記得佢 n 年前啲炒麵係出名喎, 但嚟到午餐冇炒麵嘅。一入到嚟, 第一件事覺得啲冷氣好凍好凍好凍。 直頭冷病咗。喺門口見到嘅午餐餐牌, 喺裏面係冇嘅, 所以亦都係冇得叫。我叫咗個<xo醬豬頸肉炒河>, 河粉唔好食, 有怪味。河粉唔係沙河粉, 係嗰啲唔知薄薄嗰啲泰式河粉, 唔好食。 豬頸肉, 有四片: 兩大兩小。當然冇食曬啦, 有一嚿豬頸直頭咬極都咬唔破爛, 吞唔到落肚。她叫咗個<豬扒蛋飯>, 佢話個豬扒好食喎。 我食咗一啖豬扒, 係, 起碼好過我嗰個所謂豬頸肉。< 熱奶茶 > 唔好飲, 茶味怪怪, 好澀。< 凍阿華田 > 冇問好唔好飲, 當佢好飲。- - -所以話做食肆, 啲嘢唔使煮得好食㗎, 畀得起貴租, 開喺一個旺區, 做下啲遊客生意, 就得㗎喇。食早餐咁既嘢, 真係好唔忿氣!

極之好係我食過咁多間茶廳入面，炒飯菜類炒得最有水準的一間，冇之一。 無論係食炒飯，定食粉定炒麵，水準都係一流👍🏻👍🏻超香口‼️ 價錢方面亦好抵食，waiter 又好nice,會主動跟你聊下天，好有人情味💯💯

今晚同老公仔撐枱腳, 行過一間煲仔飯話想食, 老公仔即刻話有間仲好味, 於是帶左我轉左幾個灣來到哩間極之好粥麵茶餐廳見到位師傅係門口煮緊煲仔飯, 聞到陣陣香味好多款煲仔飯可以揀, 選擇多籮籮, 最後我都係揀左臘腸雞飯~如果只睇店名, 以為普通ge只提供粥麵, 但原來佢上面仲有個橫額: 車仔麵。又係我鍾意食ge 不過揀左煲仔飯就食唔到甘多, 下次再食車仔麵!店員好好甘拎左兩碗大大碗, 又多湯渣ge蓮藕排骨湯過來, 夠味a><煲仔飯上場, 一打開蓋覺得好香! 第二感覺係好足料! 第三感覺係減肥又要延期了