極品刺身 (Closed)

極品壽司喺深水埗都有試過啲嘢都OK 今次行大埔經過見到有就試吓質素如何選擇都幾多下好少外賣壽司店有蠔食🦪仲係即叫即開即整後悔冇叫多幾件整體嚟講價錢實惠 值得encore

唔係講緊佢要好L好服務態度，只係要求正常都做唔到，態度好差 好似食客欠L左佢咁 ，應該唔會細個食個陣既老細 而家個d全部態度都西（大隻仔好d） 唔願做咪L做丫嘛 打電話想叫定先又串77咁 寧願食爭鮮都唔會再幫襯

離晒譜，話說一陣去朋友屋企食飯，廢事兩手空空，就是但買支酒，見近日上善如水幾多人飲就隨便入咗極品刺身買。平日放工會買盒雙拼刺身，見68又幾抵食，雖說唔太新鮮，但都叫肥美。入到去見到上善就即買即走，之後上巴士一check, 出面一支上善如水720 ml price.com 最貴賣160，百佳網購都唔洗160，佢夠膽死話200 蚊係特價。我臨時臨急都無格價照買咗，真心誇張，貴少少唔緊要，貴多過兩成唔太老實。

諗住情人節而家咁嘅疫情就諗住買啲壽司返去二人世界，點知去到人多擠迫之餘，等左啲壽司成一個鐘先有得攞走，賣相都幾整齊嘅，初時以為都幾滋味！返到屋企滿心歡喜諗住醫肚，真係見到都唔開胃！未見過啲壽司面頭嘅刺身係唔滿仲見到白飯，好似啲吞拿魚茸薄過張紙，三文魚籽得個幾粒，求其到一個點，食到一半已經掉咗。激氣嘅係辣味三文魚竟然冇辣味，都唔知係咩黎，根本就唔符合商品說明條例，唉，真係冇下次！價錢又貴。寧願去壽司店嗰啲餐廳食都好過買佢返去食🙄

未試過一間態度咁差既一入舖頭 完全唔知係咪做緊生意無人理你架 咁算啦 我自己問完全唔知佢賣乜都算喇 👍🏻想揀下生蠔 刺身問佢有咩生蠔 無水洗面咁態度差到不得了兩個店員完全似趕客多過做生意無放display出黎比客睇架客人黎到要自己估估下有咩野食買估唔到就唔好買咁第一次幫襯就中伏

是這樣的 本人因比較喜歡光顧小店 咁啱上網見到超級城附近有這間刺身店 所以特意前來試試 今次主要是來買生蠔的 入到該店生蠔沒有明顯地顯示出來 於是我問店員有哪款生蠔 我跟進地問有沒有來自蘇格蘭的 他竟然說蘇格蘭的唔好食所以冇做 我再問一問如果這三款我們自己開蠔 價格可否平一點 他說沒有 你可以去一田睇 於是只買了 兩件吞拿魚磚 本來想幫襯小店 點知換來一肚氣 決定唔會再幫襯這店 結果去咗一田雖然每隻價格比開店貴兩三元 但起碼幫襯得開心 希望寫這篇食評 畀大家參考

成日都會叫呢間壽司嘅外賣，因為佢開得夠夜，九點後仲有特價，非常好。最鍾意食呢度嘅比目魚壽司。記得一定要叫佢火炙，魚嘅脂肪會溶係舊飯到，加埋鹽同胡椒食真係不得了，好香！夠膽可以叫佢嘅生牛肉壽司，牛肉夠肥，好食。其他壽司選擇亦都夠多，馬刀貝，海膽同生蠔都有，都幾新鮮芥辣同豉油比得好疏爽，每次都比好多唔會唔夠。

如題幫襯都有兩年 但都係兩三個月食一次！直至14/3/17 叫咗28件左右！認真無一件係好食之餘啲紫菜係好溶溶爛!另外叫咗三件三文魚子軍艦全部無鋪平之餘(每件各有8粒左右)係未食過三文魚子！仲要十幾蚊件想點！？？？永遠唔會再幫襯依間黑名單

老公生日前夕, 特許佢今日唔洗煮飯, 我負責去買壽司, 本來想去一田或百佳, 突然諗起極品刺身, 仲可以買生蠔食! 轉身就去喇! 一行入舖頭就聞到陣陣既醋飯味, 和蠔的鮮味... 今次沒有我喜歡的生蠔種類, 而且SIZE 偏細, 雖然有美國珍珠蠔做緊買4送1, 但不是我杯茶, 唯有開始揀壽司啦, 佢有單件壽司揀, 大約$4- $10/件, 但我唔想花時間同埋懶既關係, 我响雪柜揀左2盒壽司拼盤, 一大一細就算, 臨比錢時見到D 翡翠螺都几大隻, $15/隻, 就揀左2隻啦! 壽司不算很好味, 新鮮程度一般, 可能是拼盤的關係, 如果揀單件壽司的話應該會好D, 因為晚上7點半, 他們還在製作緊單件壽司, 但比起超巿壽司真係有過之而無不及既, 醋飯起碼唔會硬掘掘先, 魚生也沒有出水, 沒有鯹味! 唯一要彈既就係, 醋飯太大舊, 妹仔大過主人婆, 2個人食20壽司竟然都有D滯..... 原來呢隻買翡翠螺, 佢係會幫你刷乾淨同埋切埋片入晒盒咁, 真係好有心, 我ORDER左翡翠螺之後諗住好快PACK 好, 但等佢幫我處理, 都攪多左5分鐘... 翡翠螺D肉好甜, 好爽, 一點也不靱, 其實我覺

大埔有呢間野真係好, 每逢口痕, 就外賣几隻番屋企食, 同老公止下d 蠔癮.. 我每次都會膽拖 Gillardeau, 因為貪佢夠大隻, 成隻嗒, 塞滿個口, 好滿足,跟住另一款就會叫師傅介紹時令既... 今次就係 Gillardeau 拖 Irish rockGillardeau - 超級新鮮, 蠔味較淡, 爽口, 一D 都唔 creamy, 純粹以體型取悅我... Irish rock - 蠔味也偏淡, 但也比Gillardeau 濃一點, 可能是時令, 都算大隻, 而且很肥美... 這裡買生蠔一向有保證, 你可以自己揀, 或者請師傅幫你揀, 買左好多次我地都係請師傅揀, 從來冇失手, 師傅喎, 失手會好瘀既 !!!

壽司係好多hk人鐘意食...所以都越開越多賣日本野鋪頭見間野都開左幾耐...有次放工"盲中中"入去睇下有咩食都係啲散件壽c....拼盤.....生蠔....翡翠螺咁....我見到都想買黎試下但見到廿幾蚊都係細細隻...所以放棄左...結果買左個拼盤壽c返屋企食味道都ok.....當時都已經9點幾...如果係擺左成日...品質有變都食得出喇只係見應該就黎收工...所以做特價$55蚊買黎醫下肚....感覺良好起碼三文都肥...仲有兩件花之戀同帶子....買散件都唔只咁既價