榮安小食

Open Now

Now Closed

一直想試試這間車仔麵，惟每次放工經過，都準備關門！今晚早了一點，終於可以一嚐！門口很多人排隊，到我後面的只剩餘一，兩碗米粉，即是剩菜也沒有很多可以選擇！環境很陳舊，但仍可以接受堂食！今晚點了蘿白，魷魚，豬腸，冬菇米粉*蘿白軟淋清甜沒筋！魷魚有一條鬚，爽口！豬腸碎件，豬腸味頗濃！冬菇厚肉入味！咖哩汁香辣味濃！加一點已足夠！不過米粉份量偏少！總括而言！值得一試！多嚐這傳統味道！題外話，有見不少朋友有感店員態度差，本人親身一試，感覺沒傳聞那樣差，只是沒服務，典型地道快手快腳的文化！

自小在荃灣區長大，素聞這家車仔麵頗有名氣，但從未曾光顧。店子裝修雖簡陋，但看上去像是充滿了懷舊老式香港車仔麵的風味，令人蠢蠢欲試。今天中午席坐下，已聽到疑似老闆的中年男子在喝叱兩位員工，態度惡劣，兩個姨姨只有唯唯諾諾地點頭工作。老闆對待客人也不見友善，惡巴巴的，嚇得我馬上想好吃什麼，然後乖乖付款，不敢多問問題。只見他輕輕燙煮過食材配料後嶄放上碗，再淋上清湯，便完成了一碗車仔麵味道當然是沒什麼味道，食物味道當然重要，環境氣氛也很影響食客心情食慾，真的十分失望，唯一取勝是價錢合理。

呢間野可以再唔需要幫襯。佢一向平，雖然唔係話特別好食，但勝在平。廿幾蚊就有三餸麵，邊到搵呀！隔左一段時間無幫襯今晚再食，照平時咁叫三餸，個阿姐話唔夠三十蚊叫我要多一個餸或者野飲，我地話兩個人一齊叫，佢就話每碗，因為食唔落第四個餸唯有飲野。望住碗野餸仲少過以前，我心諗：「我做咩要攞黎賤！」呢個世代咩都百物騰貴，加價都無可厚非。呢間野又唔願加價，就設所謂每位最低消費三十蚊，餸又比少左，逼你叫多幾個餸，咁你不如加價好過啦！我真係好討厭「最低消費」呢四隻字，好食既就自然食多，唔好食請都無人黎啦！

俾錢仲要受人氣 之前有幫襯過都冇咁衰格 今次去加了規矩 每位最低消費30蚊 我一個人先買了一碗四十幾蚊嘅外賣 其後加多一碗唔夠三十蚊嘅 立刻被十分冇禮貌的店員大喝 俾錢幫襯仲要受啲咁嘅氣 冇見過態度咁差嘅食店 其實客人唔知道可以普通講一聲的 排在我後面的客人也一樣因為這樣被她大喝 簡直一句 不知所謂 以後都唔會再幫襯 十分差的食店

真心失望兒時回憶完全幻滅。叫咗兩份豬紅，雞翼 蝦卷各一份，再加河粉腩汁，埋單33蚊，都係好抵啊。點知超級超級超級難食。直頭好難入口。真係做得好差，出左名就咁hea。。。😩😩😩明明上前就好好味。。唉。

榮安小食呢間車仔麵，雖然門面唔太光鮮，但勝在有內涵。連米之蓮都介紹。榮安小食真係由細食到大。食足10幾年。每次我都想叫好多餸，豬紅蘿蔔雞翼尖係必備。豬紅好入味，仲有少少爽。蘿蔔夠淋夠清甜。雞翼尖超好味。有時間唔中叫吓豬腸、魚肉、雞翼、滷水蛋，都係超級好味。不過唔知點解，今次佢已經冇咗魚肉😭😭😭😭食榮安，一定唔少得佢個辣汁同埋豉油汁，簡直係精粹，一定要落，每樣三匙羹😂😂😂

好耐之前食過榮安的鹵水雞翼，絕對係第一次食過最好味既鹵水。可惜，今時唔同往日，企在店內話事既係一個30來歲的男子，一入店內已被佢呼喝，其實我連有咩餸都未睇得切!成個過程好似得罪左佢咁，攞起個湯匙求其撥d野落碗，就成碗飛在枱面，好似唔洗比錢，向佢乞食碗面細到爆，首先，個碗已經細，d豬腸少到睇唔到，魚旦+豬腸都麻麻，豬腸有陣味，好似無洗過咁除左鹵水雞翼叫做可以，其他只係一般，同第一次食既鹵水雞翼完全兩回事，價錢又唔係特別平，真係純粹地點方便，但全程食氣多過食面!!

食物: 味道尚可,但分量很少,只可以話係小食環境: 店舖細, 老闆態度差, 大大聲喝人價錢: 以為價錢平?咁就錯啦, 係收緊出面正常價結論: 咁我為乜會食第二轉呢???

這店地方不大，環境衛生有點污糟，有小蟑螂在附近，每份食物的份量都很少很少（除左鶏翼)，味道一般，不是想像中的好，曾在深水埗食街吃過類似食物，相比之下，這店明顯較差，談不上什麼正宗車仔麵，只能說是𢲡揸麵，真正𢲡揸的麵，但這店價錢較便宜，介乎三四十元。另外，店員的服務態度也不好，呼呼喝喝的，沒什麼服務可言，特別是那個男的，慢一點分分鐘要挨罵，在這𥚃吃東西，有點貼錢買爛壽的感覺，極之影響食慾條根同心情，不試也冇無所謂。

大家网友平一平理，$27既份量只係1條尤魚蘇，3粒魚蛋，3粒豬紅炸！個老闆根本無心做生意，態度差到冇朋友。仲大声罵髒話話客人。話係香港食野係今既喇，大家明亮既网民就睇完呢篇食評。就不好再光顧這間鋪頭食物質素方面好差，衛生環境欠街。有好多小強經過，加上湯底淡如水。尤魚同白灼冇分別，所以呢間鋪頭早應關門大吉。

同男朋友難得經過, 不如就食車仔麵啦, 今次要左鹵水雞翼、豬腸、油麵食得車仔麵, 食腸油麵係指定動作..............另外推介雞翼尖、腸仔、 豬紅、 魷魚 價錢又平 岩哂學生食，雖然舖入內地方唔大 仲有個樓梯底位,如果唔介意熱 可以考慮坐出面 時至今天，車仔面已面目全非，這兒就唔同，見到乜都食就叫果樣，加上個加辣汁，冇得彈

這間車仔麵已經有很耐歷史，細細個便食開，最喜歡他另外我自己加沙嗲汁😍😍😍😍😍😍😍😍辣味十足，平時我喜歡不加湯的撈面，別有一番風味👍🏻👍🏻👍🏻👍🏻今次叫了腸仔魚蛋，大腸，雞翼，冬菇米粉外賣

講到荃灣出名車仔麵，當然唔少得榮安車仔麵啦！由細到大都見到有人坐係店出面，即使後面嘅人潮熙來攘往，都無阻食客悠然地嘆一碗車仔麵！首先揀麵底，再自由配搭唔同嘅小食，今次得揀左河粉，魚蛋同大腸，好辛辣好惹味呀！雖然門面細細，但幾有地道風味！不過裡面好細，岩哂快食完去行街！

由於近排我係荃灣反工，下晝食lunch又唔知道食咩好🤔 所以就去左哩間車仔麵叫外賣拎反公司食👍🏻今次叫左魷魚、豬紅、蘿蔔河粉（佢送左條韮菜比我）。今次既車仔麵冇咩特別，啲魷魚、蘿蔔唔算好好食或者特別彈牙爽口，只係不過不失。河粉仲碎到不得了😠有3分1係碎既（冇誇張）🙄又吾係滑。佢有咖哩汁同滷水汁比你落落去碗麵度，但其實可能只係吊吊味。之前食都吾係咁，唔知點解今次咁😫可能我吾好彩。總之如果話係因為米芝蓮街頭小食而去食既，係會失望😣另外，我係買外賣，所以睇起黎好似多D，堂食既見到個碗都覺得少，不過如果外賣黎講，又叫夠飽既，價錢係抵既(有3個餸一個麵)，但大食既人一定吾夠飽。可吃可唔吃，如果有得簡，不如吃其他🥐🥐

一間歷史悠久嘅車仔麵檔，其中特別要推介嘅係鹵水雞翼同鹵水蛋，多年嚟鹵水嘅味道同水準都無下降過，保持住必選嘅車仔餸；另外再值得推介嘅係個咖哩汁，味道真係不得了，辣嘅程度直頭無得彈，啱哂一啲鍾意食「辣」嘅朋友