榮發風味美食餐廳

Open Now

Now Closed

這一間茶記，可算是近來小弟吃過次數最多的一所。差不多一個星期總會有一次會過來買外賣回家的....通常我都是來買外帶的，堂食的次數絕對是屈指可算。至於到來吃午或晚飯，印象中今次是首趟....和小友二人兩支公前來食個快飯。小友簡簡單單的點了個叉燒飯，而我則點了個平時在茶記較少叫的蕃茄一口牛腩粒炒河....不要看那叉燒好像很瘦的，咬下去肉質倒是不韌；蜜味算也是挺濃重。若有多少燶邊的話，更正。此外無論飯與料的量皆很足，和外帶時的一樣，一餐可當成兩頓吃....說是"一口牛腩"，事實上大部份牛腩的件頭都並不算十分小，抵食度是甚夠。牛腩不算炆得超軟熟但又未至於咬著一口渣，中規中矩也；茄汁少不免犯下普通茶記的通病，調味及色水皆過濃厚偏酸，幸好下了不少切件鮮茄的這一點倒是要加分；河粉有好些是仍黐成一團的，不過整體上食落卻甚具鑊氣且不見太油膩....一向對這裡沒有期望的我，倒是對眼前的一飯一河有點另眼所看了....

而家商場已經無乜呢d港式茶餐廳，得反連鎖快餐店，想食就要落到來曉麗苑，因為遲左放工，來到屋企人已經叫好晒餸先來凍檸荼，好大杯，但茶味唔夠濃時果生炒骨 時果唔知代表咩，但個汁唔會太酸，我鐘意既雙蛋肉崧浸莧菜個面見到有好多肉崧，咸蛋，皮蛋但莧菜略為太老，唔知係咪唔係唔岩時節粗齋煲略為清淡，南乳味唔夠重干扁四季豆炒得幾有火侯，鐘意佢食落唔會太油，肉碎可以撈下飯鮑片扒生菜家人説個醬汁比較咸，重手左美極煎海蝦都知道唔會用新鮮蝦，肉質較梅，但味道ok的蒜茸蒸斑頭腩粉絲吸晒精華係略嫌太多油，鼓油多左，有d咸斑頭腩骨多過肉，但都滑身清蒸沙巴蒸得岩岩好，魚肉唔會太硬，都算大條每個餸都係餐，包一個白飯，所以價錢都算正常

今日同爸爸去探親戚又未到晚飯時間，但老豆話好肚餓想去搵d 野食醫下肚仔先兩父女係附近茶記歎下午茶餐先好耐冇食過咁邪惡既野啦難得同爸爸出街，什麼脂肪卡路里一於豁出去啦吉列魚柳包炸得香脆，不過略嫌少少咸麵包烘得幾香脆 外脆內軟熱辣辣再配埋紅豆冰雖然邪惡度又再提升但依個下午茶配搭簡直係perfect match 呢紅豆唔會偏甜，粒粒有口感 奶香味重 太耐冇飲了好爽皮今日依餐簡直大解放 🐷同爸爸渡過了一個愉快既下午😂

7月23日晚上，與男朋友和他的外祖母在其屋苑的餐廳食了一餐家常便飯。我們總共點了三款菜式，有半隻油雞、蒜蓉通菜炒牛肉及紅燒斑腩煲。以一間屋苑街坊餐廳來說，這餐飯性價比十分高。雖然，油雞雞肉沒有新鮮雞味，但份量取勝，肉質尚可接受。蒜蓉通菜炒牛肉份量十足，牛肉沒有偷工減料及肉質鮮嫩。而紅燒斑腩煲則多肉多汁而不油膩，火氣十足。總括來說，味道及賣相一定比不上大酒店或大餐廳，但毎位客人都會有老火靚湯一碗，人情味十足。最後，餐廳衛生及職員服務水準符合預期。當然，是以街坊餐廳為標準。

食飯, 其實又唔洗去D好靚既餐廳...好靚既餐廳既野食其實又未必好好食反而, 有陣時居村餐廳可能會有驚喜早前, 堂大佬不停同我地推介佢屋企樓下既餐廳..話佢地既豬手.. 真係好正但講左好耐.. 時間夾唔到... 所以都未試咁岩... 母親節到.. 今次我呀哥又提議我地去榮發試試慶祝母親節.. 我地全部人當然讚成我地大大細細一行13人..好彩有BOOK 位, 如果唔係都應該有排等而我遲到... 一去到就已經有得食西檸雞呢個用雞扒部分食落口啖啖肉醬汁酸酸甜甜, 非常開胃呢一個蠔仔蛋..基本上係餐廳內10枱都有8枱人ORDER呢個小菜蠔仔份量多, 一D腥味都無粒粒大粒炒蛋亦無過老小朋友們大愛椒鹽鮮魷口感酥脆 佐酒一流呢一鍋 金菇肥牛煲, 份量多到流出黎炸手打墨丸外面好脆肉質好彈牙呢個炸豬手, 的確值得推介豬手皮既部份炸得好脆我切落去既時侯大家都聽到好清脆既聲音而肉質亦好腍好入味,配埋佢地既黑椒汁好正~~ 最後上既,  米走雞係同米酒煮的味道似花雕雞但味道就淡左小小如果再濃味D 的話就不錯喇~是日呀哥好開心我地13個人, 但叫左12樣野樣樣都加底...但呢到埋單都係千幾蚊有雞有魚有菜有肉的確超

晚上食飯, 如果太熱嘅媽媽有時都未必會煮唔煮多數都係屋企樓下茶餐廳食「榮發」算係由細食到大, 之前喺樓上商場冇做之後就搬咗黎呢度情永在但食味不在喇而家嘅嘢食比以前差左, 可能請唔到好嘅廚師晚飯送菜普普通通, 唔算太有驚喜不過屋企樓下嘅茶餐廳唔多, 唯獨係佢呢度嘅選擇比較多晚飯有啲餐係包茶同白飯, 有啲就唔包孜然京蔥炒牛肉, 味道比較濃烈鍾意重口味嘅人會比較鍾意, 而且京蔥吸晒醬汁食落好入味! 👍🏻👍🏻👍🏻粟米斑塊-都係普通野唔算太有驚喜, 味道一般玉子豆腐翠玉瓜野菌-唔記得咗個名, 不過呢個係經常叫嘅餸菜, 食落去翠玉瓜爽脆依然而且玉子豆腐係鮮炸再炒, 味道都唔錯架!

食物本身已經無咩質素可言，係無得選擇下先焗住幫襯，可能因為競爭唔多，唔憂做啦，d食物越做越差，d服務更加差到無人有，堂食已經十問九唔應，唔會幫你跟，永遠只會答你等等，等足40鐘見你黑面，先幫你睇睇，通知你整緊（其實好明顯係漏單)外賣自取更加無人會理你，閒閒地都要你係門口等45分鐘以上，所以門口永遠企左班黑晒面既人係到，呢間野都算係我幫襯過最痴線既一間，永遠唔會再幫襯