榮記海鲜館 (Closed)

踏破鐵鞋無覓處，得來全不費功夫，今天終於用開飯來驗證這句話啦，所以特定坐船來到吉澳呢間海鮮館展開美食行動， 店內環境唔錯生意興隆，餐牌選擇琳瑯滿目，樣樣都想食不如就叫個兩人餐再加個魷魚，等左一陣白灼鮮蝦首度登場，相當新鮮甜美開胃，客家鹹雞味道好有新鮮野味感，手打墨魚丸感覺好彈牙好純正，麵醬豆卜蒸排骨肉靚無咩碎骨，郊外油菜都幾大碟煮得認真好食，份椒鹽鮮魷外表靚麗， 熱辣辣炸粉唔厚，炸皮好脆！魷魚好好肉夠厚唔老夠彈性，有時候為左食而遠足系都好值得架！

今日去左吉澳，試左必食既紫菜手打墨魚丸+米粉（$40）結果有點失望。。因為竟然唔爽！但加$5就可以有野飲，我order左五花茶！喺熱到就黎中暑既天氣下，飲冰凍既五花茶，舒服哂~p.s. 見到隔離枱order飯食，大大碟，好似好好味咁，大家可以試下

今日（10-4-2020 Fri）耶穌受難節假期,趁好天同老公去鴨洲,吉澳行,街渡嚟到吉澳係lunch time,所以一上岸後,老公就話要食晏,咁就喺有海膽炒飯嘅呢間食,由於海膽炒飯太貴,所以我哋改食佢哋手打嘅墨魚丸,咁就要唔知幾錢嘅墨魚丸麵,我要$50.00嘅滑蛋蝦仁飯.嘢飲就要自己行去佢另一間舖買,老公就用$15.00買咗一支凍奶茶,飲吓先,味道均勻,口感都滑,唔錯嘅.而由於人多,同只有兩個人做樓面,所以嘢食都要等好耐至到.墨魚丸麵有4粒大粒墨魚丸,麵係即食麵,食吓先,佈裡有粒粒墨魚肉同蔥花,味道唔算濃,而感就好差,散開同軟腍.開頭同枱食客話,佢之前食過話好好食,所以今次再嚟要再食,佢食完話今次差咗.我問佢上次食係幾時?仍答幾年前.噢!不過佢哋擺喺底嘅紫菜好好味.而滑蛋蝦仁飯呢?好大碟,就連滑蛋蝦仁都有好多,炒得唔過火,而原來佢哋加咗啲淡淡哋嘅豉油,又幾好味喎.味道係3.75分埋單計數,老闆娘話墨魚丸,麵$50.00,好貴呀!抵食係2.75分其他:我o衣o家至發覺,佢哋好似冇熱飲,好彩今日唔係太凍.

太座與小學同學到沙頭角一日遊，攜眷一行十四人，遊過中英街和博物館，下午的行程是乘船往就近的離島------吉澳。參觀完島上的天后宮和水月宮，眾人都想試試島上的美食，就是手打墨魚丸，老闆娘建議我們可吃墨魚丸配出前一丁或福字米粉，因方便快捷，每碗三十元。落單後，眾人在店前購買紫菜、魚肚、鹹魚仔等物後，齊齊上二樓的用餐處。二樓地方闊落，沒有任何裝修，四面牆，有冷氣，有風扇，有燈，可放九張大圓檯，看牆上每張檯旁的號碼，應是經常接待旅行團，以方便旅客按檯號入座。這天我們來到已是下午三時多，可能午市已過，樓上空無一人，我們將兩檯合併成眼鏡檯，點了墨魚丸配出前一丁及福字米粉各七碗。每碗的份量頗大，有粒五乒乓球般大小的墨魚丸，據稱並無加進其他魚肉，因此外觀甚為粗糙，每粒除用墨魚膠打成外，還加了墨魚肉粒，口感殊佳，粉麵皆用袋裝貨，不過不失，每碗還加了幾條生菜，算扺食。