樂園牛丸王 (Closed)

我同女朋友黎呢間野食dinner﹗一入到去先無招呼，坐低水都無一杯，等左一陣才有人落單，叫左碗牛腩河粉「多腩汁」﹗黎到碗野，你都唔好話多腩沖丫﹗d湯清得不得了，正常地可以話係無落到腩汁添﹗d腩又硬又唔入味，重要碗野唔大﹗女朋友果碗也是如此，

聽人說牛丸王出名，就去試下。。上次同男朋友一人叫了一樣野食，男朋友叫牛腩河，D牛腩LUM都死..食落口痴牙..我就叫左個牛根河，數埋得3粒牛根,其他系牛腩..唔通牛根會+埋D牛腩??服務又差..食食下有個員工無拉拉坐系我面前食包,呢個唔系問題..但可以系好忙個段時間食咩??杯水都唔俾杯..我們好快甘食完就埋單!!好失望!!

上星期二晚去大角咀辦點事後再出旺角買d野，九點幾想吃個quick dinner，於是光顧這家旺角中心對面的樂園牛丸大王（因為方便搭車返屋企），每次去樂園都必定會吃牛肚，因為樂園的牛肚一定是金錢肚，而且炆得好腍，於是叫碗紫菜牛肚麵，因為時間不早所以不算很爆滿，但叫的食物還是要等五分鐘才送到面前（對比總店速度真是慢了），等候其間有幾個阿姐大大聲你話我我話你，有少少火藥味，好似街市。碗麵味道OK，但不夠腩汁，匆匆吃過便埋單走人。還是覺得舊金聲戲院附近o個間好一點！

星期六晚去開旺角,就入去樂丸食下好耐都無食既黑椒牛丸河,以前一向唔落醬料,但係今次小牛勁推介,話樂園隻酸辣醬係獨家,又見個阿姐剛剛先筆出黎,咪姑且一試囉!落左唔係好多,但係第一啖已經好夠味,感覺上又真係幾惹味,撈淡淡既河粉係幾好,之不過,食多兩啖,尤其食到尾,就發現太辣喇!所以呢,下次真係落好少好少已經夠!同埋,上次黎,食明明唔會俾腩汁,但係今次無叫佢俾佢都自動俾左,如果好似我咁唔鍾意腩汁,記住事先聲明啊!

牛丸如果叫出名的話，我試完後覺得平平無奇，魚蛋又有腥味，D阿姐一係係道發夢一係係道吹水，入到去意為自已去食自助餐。

2007年12月8日，樂園又是跟另一半陪爸媽去看醫生，回家前到對面的樂園吃粉。牛根丸米粉四寶河粉牛雜麵炸魚角麵淨雲吞菜我又唔覺得它的牛丸很好吃，也不大粒，牛味不濃。炸魚角好腍，都唔彈鮋 雲吞反而好D。河粉都夠滑，OK。牛雜唔係好香喞。整體都麻麻。

星期二去咗樂園食lunch，叫咗牛肚河走青，玉泉忌廉，埋單＄２７，＄２０蚊一碗粉，在旺角區可說是貴，但食落都算大碗，牛肚亦比平時十幾蚊碗嗰啲多，在場所見，食客都算多

星期五一個人梨呢度食野, 叫左碗牛腩米加凍檸茶26蚊, 牛腩好鞋好難趙, 米粉有d未煮淋, 一舊舊味道一般, 我公司附近既牛腩好食好多,不過都食得落口既, 因為肚餓同份量唔多, 聽講呢度最好食既係黑椒牛筋丸,下次如果再梨都係食呢個算啦……….

四個人一人食一碗麵, 每人加六元多杯飲料; 再加芥蘭仔和通菜.我叫了魚餃麵加紫菜. 魚餃一入口就"laat"親個嘴! 麵較少. 朋友的魚麵要加七元, 份量就... 其中一位朋友的那碗麵, 芽菜才是"主菜", 魚麵和那些丸類相若, 真離鋪-- 還是叫湯河最實. 通菜煮得過熟.阿姐們的service有待改善.

每當OT 完放工，腦裡面就只有牛腩河。呢度最岩一個人搵野食。牛腩好冧唔"un"，炸魚皮夠香口唔腥。魚麵就普通左d ，食唔飽既~

傳說樂牛蛋&魚麵一流,同屋企人講過醫頭咁啱又肚餓,就興奮咁提意試下想食好耐嘅'魚麵'點知屋企有細路,無計,注定要讓路過對麵大家樂食細路仔野不過終於頂唔住,'魚麵'嘅好評喺我腦入便喺咁浮現,抛棄家人獨自過對麵食野唔駛醫到唔駛講梗喺要食魚麵,再見有高貴嘅花膠牛蛋麵$28,咁就一於兩樣試下,轉左做魚麵底+&8哇..一啖牛蛋一啖魚麵就覺得對家人唔住,花膠牛丸本以為喺花膠&牛混合手打成牛蛋,口感極其有新意,點知原黎喺包心牛丸,花膠無味,牛蛋水準亦十分大路,周圍都食到魚麵食左兩口已經唔想食,兼份量十分細,完全食唔出所謂嘅魚味&彈牙不過大拿拿&38一碗麵,順勢扒埋兩啖松人,翻去睇下侄女嘅焗豬扒飯未食完畢咗幾啖填肚,fa....簡直人間美食(相對頭先戈碗)一句講曬.....以後打我都唔會再去

朋友要左個炸魚餅河,我要左個黑椒牛丸墨丸河,一碟介蘭,墨丸好食,唔係粉丸,黑椒牛丸都ok,炸魚餅入面有魷魚粒,介蘭好新鮮,唔老...加多兩支可樂.....飽晒.丕過覺得明苑得食d....

都幾好味不過我friend 嗌既黑樣牛丸真係好好味!!學生仲有杯野飲送!!

十蚊麵雖然平...但環境都唔應該差到咁掛....好污糟...午飯時間人流多, d待應就咁執走d野連枱都唔抹就走人。而e間麵店lunch time會開放埋酒家o個邊俾人入去食ga!我試過同d同學去食lunch (8個人)首先去麵店o個邊問有冇位啦~個待應a叫我地去酒家o個邊坐...去到酒家o個邊,待應b就叫我地番去麵店o個度...仲話有位wor...lunch o個陣已經超肚餓ga la,仲要俾佢地推黎推去...ok!搵到位坐好之後~就立即點野啦~上菜都算快~但係我好唔鐘意d牛丸次次都唔同lor一時係黑椒丸...一時有d牛肋咁o個物體...真係次次都新鮮....最近e間野俾自由行淪陷左la~大家唔介意同佢地好似"一定人"咁食野~就去la~不過小心俾佢地撞到呀~因為o個度真係好窄。不過, e店野唯一就好在上菜快~有效率!!

(4/3/06)睇完戲夜,食碗粉,真是好選擇。好耐以前,食過個魚麵,又"鞋"又唔飽,咪攪喇。唔知點解,今晚見到有生灼牛肉麵,諗都唔諗就要呢個。唔係好生,有D失望,因為切得唔算薄,熟晒,會唔滑啫。男友食牛丸,貢丸河,兩種丸都彈牙,但當然牛丸好味過貢丸啦!呢度的貢丸,冬菇好少,感覺同豬肉丸無乜分別。食食下發現有其他特色o野,發菜卷,唔記得什麼豬肚丸,etc.下次要再食先。