樂園牛丸王 (Closed)

星期日下午去左旺角整d公司野跟手去呢間樂園食左個下午茶我叫左個黑椒豬肉丸河粉,個河粉大約5分鐘就到了,算出菜快!個河粉到左後我覺得個湯好似好清咁,以為唔到飲....跟住我加左佢地提供的辣椒油落個河粉度,當我開始食第一啖的時候先發覺個湯原來好鬼濃的個湯真係好香好好飲,而d河粉亦都算實正有少少硬身夾落去佢又唔會咁易散!! 正!黑椒豬肉丸有少少辣,有口感! 咁有質數的黑椒豬肉丸河粉 值得推介!!

一直認為港式之茶餐廳有其獨特之處，不單單是本地人喜歡光顧，貪圖其快速解決中午吃飯之時間限制；而且外國及國內同胞遊客也喜歡親歷那種快速，好味道和甚至和後面人客背對背坐的感受，但是當您發現越來越多茶餐廳根本沒有動腦筋去改善食物種類，味道甚至是侍應的服務態度等等，是否她們覺得生存不需要依賴改善食物也可以保持，所以多年來還是那樣固步自封，沒有寸進。好像此類以粉麵為主打的茶餐廳，只是把不同的配菜撈來撈去就可以當爲早餐，午餐，下午茶甚至是晚餐宵夜也一樣照搬如也。吃得多也會有點累。好像我們光顧此店之後，看見餐牌無論是什麽粉麵餐也是差不多，所以不如選四寶粉算吧。四寶粉有魚蛋，牛丸，魚片和豬肉丸等等，不過每樣各得一粒，非常珍貴。粉麵的湯底根本談不上有花過心機，只是一碗味精製造的水而已。需要多些纖維所以要多一碟油菜，怎知道加7元只有那樣小的一碟菜，其實我們瞭解油菜是要用來得到更多的利潤，不過也不至於那樣小吧，只有寥寥數條怎可以令人客滿意呢？希望各位茶餐廳東主要是想有可持續性發展甚至做到上市的話，不妨想想多些點子不要還是那樣：吃老本”呢！

平平地一餐. 叫左牛肉, 加上墨丸米粉. 牛肉半生熟, 夠淋, 墨丸爽口彈牙. 男友仔叫左牛什墨丸河. 不過我唔太好牛什, 所以無試到....另外加左碟通菜. 腐孔好香, 但稀左少少以前間中都會黎食碗粉, 雖然坐得唔係咁舒服, 但食呢d咁local既野, 咁先有風味呢!

今次老闆請食下午茶,仲指明要食牛丸,於是順理成章地去樂園買外賣.有人說馳名黑椒牛丸好食,所以我求其點了包心丸拼牛丸.包心丸 - 咬落質地都算彈牙,內裡不是一般的蟹子,而是滑潺潺的東西... 研究一輪,還是同事一言驚醒 - 是魚肚. 我始終覺得怪怪的...黑椒牛丸 - 夠大粒夠彈牙,有黑椒味但並不濃烈,以致一點也不辣,只能說OK.反而與同事交換了粒墨魚丸幾好食; 除了大粒彈牙外,幾重墨魚鮮味,唔錯唔錯.回家上網睇其他食評,原來樂園馳名牛根丸... 噢,下次再試過,或者可以試埋麵同河粉.

18-3-2009無胃口, 無精神, 但仍然要「開工」, 仍然要食 lunch, 求求其其入了呢間又係叫「樂園牛丸」的粉麵度, 食碗四寶河 ($26) 就算.湯底賣相好清, 味道稍鹹, 不過飲完唔口渴, 算啦; 河粉: 薄薄滑滑, 不過淥得稍腍, 愈食愈「發大」後糊糊的, 口感麻麻.「四寶」就有 7 樣0野... 最好食係墨丸, 質地有點實, 但食落幾彈牙, 墨魚味濃濃的, 仲有粒粒墨魚肉及馬蹄, 好食; 牛筋丸都唔錯, 夠彈牙, 肉味濃, 仲有點「渣」, 唔似好多地方的粉團丸, 幾0岩食; 雲吞係 bite size, 蝦多過肉, 新鮮度一般; 潮州札肉, 黑椒豬肚丸及「扭紋」狀的魚蛋就普通得很, 食0左都唔記得; 最唔掂就係魚片頭, 雖然係幾香口又彈牙, 但實在極多沙 (!?), 啖啖「啪啪」聲, 感覺好差.比起隔0黎同名店 (http://www.openrice.com/restaurant/commentdetail.htm?commentid=1973361), 呢度較地 mou 衛生亦較差, 而齋計食物, 就絕對呢度好 d; 不過我應該唔會再0黎食了.

是晚同朋友打完波,就諗住搵個地方食野.朋友就介紹呢間,佢話D牛丸好好味.咁我當然會試啦!雲吞黑椒牛丸米線:雲吞一般.味道都唔錯. 黑椒牛丸,味道麻麻.可能比黑椒搶味. 食唔到D牛味,有點遜色.牛丸牛肚河:淨牛丸會比較好味,又爽口彈牙. 牛肚又夠淋,又入味.

今日同朋友行街,又不知晚攴食乜好..結果嚟咗呢度試下佢吔既牛丸牛根丸, 味道都幾好, 幾彈...面質就差少少啦整体ok

上星期六睇完戲有啲肚餓，返屋企之前就去咗呢間食過好多次都係食魚麪嘅舖頭食宵夜，我哋叫咗： 牛腩河：湯底味道尚算濃郁，不過好似比以前差咗啲，河粉夠晒滑淥得啱啱好，牛腩肥瘦適中，肉味濃郁，而且都炆得幾稔又唔靱，算叫唔錯啦！ 紫菜黑椒牛丸魚麪：黑椒牛丸幾大粒咬落彈牙有肉汁，牛肉味濃而香，牛丸嘅纖維夠粗有質感，得！ 手切魚麪依然咁好食咁彈牙，魚味亦好濃，不過份量真係少咗啲嘞！最欣賞佢放喺羹上嘅蔥花同炸蒜，可以自行決定要唔要定俾埋隔離嗰個！ 可樂始終覺得佢嘅味道真係冇以前咁正，唔通好嘅嘢真係咁易消失嘅？

女朋友想食面, 即刻諗到le 間, 唔係因為好食, 只係記得我地剛剛開始, 我都都食過, 所以就想返0黎回味下叫左雲吞, 牛筋, 一碟菜同冬ot. 無乜特別, 除左個廁所面口好臭...........雲吞都好大粒, 要加色就加色, 同埋唔會幫你撈定d 奇怪料, 都值得一讚, 但係hygiene　真係唔掂, 要抱住大菌食細菌ge心先會食得安心-------------------------------------------------------------------------------------------------------------------今日213 日

好耐無去MK啦...因為都無咩野行...天氣又熱唔係太餓...同屋企人一碗佢叫左肺粉腸河之後叫佢比一碗牛腩汁同一碗蔥因為我地有5個人都算大碗......湯底夠濃好過旁邊果間....湯底無味不過食完好口渴唔知點解....都係通菜街果間好味D...

同細妹行MK行到好累,就搵間平平的食店醫下個胃細妹叫左個牛雜河而我就叫左個牛腩魚麵~加多碟菜心妹妹個牛雜河好足料..大大碗~D牛雜好入味~~加埋個辣椒醬簡直係perfect match!!我o個碗d芽菜仲多過魚麵..牛腩反而係又肥又"un"...相反碟菜心好"林"~~~好快就同細妹清哂我會繼續黎呢度...鐘意食魚麵ge我.....只好繼續默默的忍受"芽菜多,魚麵少"呢個命運吧~

和男友去了幾天旅行，回到hk特別有親切感﹗由於已是凌晨2時多，沒有多少選擇，於是來吃碗麵也不錯。魚蛋河︰份量頗多的，魚蛋很彈牙，而且好像是經過調味的。河粉有很多，滑溜溜的。生菜︰沒想到都蠻新鮮的，很驚喜。不用一會就吃光了，好吃。始終喜歡香港的味道啊。

雲吞麵同牛丸粉二揀一選擇題,結果係食牛丸粉,因為樂園自稱牛丸大王,自然要見識見識!牛丸粉加凍檸茶,簡單又一餐,牛丸都真係唔錯,咬落有肉汁,肉汁滲出牛肉香,唔錯唔錯,牛丸都幾大粒,而且有五粒,其中一粒係牛筋丸,雖然食到痴牙,但係又真係幾好食!辣椒油中辣程度,唔錯again!凍檸茶茶餐廳質素,不過以碗牛丸粉嚟計,都值得再嚟幫襯!

由於上次去新派樂園不大愉快,今次都係去香舊店…唔知點解,服務差左,叫左一樣野,等左好耐都未黎,好似一個肚肚丸牛丸河咁,我地足足等左十分鐘,而且果個時間唔係多人多到做唔切既時候!仲有杯華田,已經見佢無人落單時先嗌,點知都要整五分鐘有多,唔知搞乜!今次都係食生灼牛肉米,但係牛肉份量的確比新店多一點,可惜又肥膏部分又係多一點,但係最奇怪係佢唔知架左d乜野汁定乜野麻油落去碗粉度,搞郅又咸又油,真係唔整好過整!我睇到其他人同埋小牛碗粉,個湯係無呢d醬油,唔知係咪要生灼牛肉先會有,激死呀!炸魚皮就一向食得過,只係$13算貴少少啦!碟油菜雖然$7好似好抵,不過份量真係好少!\問個阿姐有無紙巾,佢話有,但係就要錢,佢隨即係張單度寫個”2”字,然後拎左包Tempo黎…以前覺得樂園都ok,但係唔知點解,而家好似愈來愈貴,兩個人食魚蛋粉都要成百蚊,好似有點唔划算,或者遲d會少d幫襯lu!

沒有正式統計過樂園的分店數量，但相信絕不比 7-11 遜色，在旺角，樂園真的做到總有一間在左近，有新派裝修較舒服的 (價錢相對貴了三蚊左右)，也有舊式的粉麵茶餐廳格局，豐儉由人，我這些上了年紀的人... 當然會選擇到舊式的樂園食碗粉...既然是牛丸大王，本想試雲吞的，最後也改了要牛什河($22)，不一會已瑞上來，牛什以牛肚為多，其次是潤，咬落幾爽口不會太淋，河粉也煮得恰到好處，湯底肉味濃郁，整碗牛什河都甚有水準，絕對值得再光臨!或者下次試試到新式的樂園，看看水準是否一致