樂園粉麵魚蛋大王

Open Now

Now Closed

雲吞米同片頭粗麵都好食，係好有香港特色嘅味道。 加$8菜心質數好高，加$4有冷熱飲。 下午茶$20+ 而家好少見。 支持傳統小鋪，我打算幫佢買魚片頭返屋企煮麵，支持支持！

魚旦拼鳳城水餃河粉 魚旦係彈牙但冇乜魚蛋味🤦🏻‍♀️加上湯底太甜唔知係咪因為加左腩汁 搞到食咩都過甜 冇左佢原本野食啲味..河粉略嫌碎左啲🤷🏻‍♀️另一碗牛腩雲吞麵 牛腩好"un"好難咬 同樣都係覺得湯太甜 唔多正常 其他雲吞水餃味道正常冇乜特別 但下午茶一個麵 可以加$4多標野飲都幾抵 都多街坊同學生食

喺紅磡呢頭行行下，想搵間平平哋嘅魚蛋粉麵鋪頭醫下肚，眼見呢間店舖環境幾乾淨企理。就入去試吓！同一般嘅魚蛋粉麵檔一樣，餐牌都係喺枱面上，同埋牆壁上既⋯叫咗個京都炸醬麵炸醬面同湯分開碗上炸醬味道偏甜，肉粒切得比較大粒。麵質煮得幾乾身，冇鹼水味湯🥣帶點胡椒味，唔會太鹹。整體來講都ok，用左$26

今日晚上沒有吃飯。溫習後，已經差不多睌上九時半左右。想吃點東西才回家，又不想吃得太飽。在紅磡附近，看過幾間餐廳都是一些份量多的食物。見「樂團粉魚蛋大王」主要售買粉麵正合我意，於是決定入內坐下。由於已經入晚食店食客不多，好容易便找到坐下，便叫侍應落單。我看了玻璃枱上的菜單，滿心歡喜，誰知?我點了雲吞麵及熱菜蜜。雲吞麵有四隻雲吞，蔥花及生麵。上枱時，熱辣辣的。不過，份量略嫌太少。雲吞皮較簿。咬開雲吞時，有雲吞汁從雲吞細縫流出來。食起來味道有點怪，不像一般鮮蝦豬肉味道。好重調味粉味。咀嚼後滿囗都是調味粉粹。細嚼覺得味道不新鮮。鮮蝦味道欠奉。蔥花味道不太新鮮，帶不起整個雲吞麵的味道。麵底是"生麵"，麵條的長度大致相同，食起來嘗算彈牙爽口。不過，麵身味道一般，淡而無味。湯底的味道很清淡。熱菜蜜，飲落有濃郁的菜蜜味道。不過，略為甜了少少。總括而言，雲吞麵的雲吞餡料、口感及味道都很差。以這個價錢享用這樣食物是物非所值。

今日行過紅磡附近，見到樂園粉麵，即刻諗番起細個係旺角食嘅樂園，所以即刻入去試下。呢間樂園地方雖小，個勝在乾淨！👍🏻叫咗一碗崩砂腩麵，牛腩好好食，唔口渴，兩個人埋單唔使100蚊！即場加送親切侍應，眼見啲街坊同職員有傾有講，記得哂佢地食啲乜，好溫馨好地道！講番下啲食物先，今日個崩腩好有牛味，啲雲吞又新鮮，有大地魚嘅味道，勁想食完又食！雖然炸魚皮無乜特別，但都好脆口。仲有個辣椒油好香口，又夠味，好似食番舊日魚蛋粉嘅辣椒油咁，正！