樂園粉麵魚蛋大王

Open Now

Now Closed

街坊店午飯時間好好生意坐滿曬～枱櫈都好多油～個碗邊都好油～可能係牛肉湯D油～間舖都比較污糟～坐得比較迫～但係食物味道OK嘅～粉麵檔都係一落單快上快食～趕時間首選秘制牛腩米線～個碗睇落好大其實係多湯～米線份量都唔算多～大食可能要加餸加粉先飽～湯底有好重嘅肉味～要咗多蔥～唔記得叫多腩汁～有芫荽粒、蔥花粒、蒜蓉粒～秘製牛腩好淋好入味～感覺唔係好多味精～食完唔會口渴～牛腩有肥有瘦～有6嚿左右～唔會話好乾好難咬

係附近做完正經事，未食晚飯，但已經成九點，唔想食太飽所以食碗麵分別叫咗牛雜麵，牛肚牛腸米，京都炸醬撈麵，基本上樣樣都好味牛雜夠能夠入味，牛腸啲肥膏好甘香，個湯液都夠濃味，價錢合理簡單嘅晚餐或者宵夜都可以推介

大大碗，墨魚丸彈牙，大推牛坑腩！員工有禮！ 份量好足， 而且價錢比出面粉面平！ 剛新裝修無耐， 環境衛生不錯！✔️魚蛋牛肚紫菜河 （紫菜爽口， 牛肚入味）✔️牛雜米 （夠晒味道，有心製作）✔️牛筋墨魚丸米 （牛筋唔會好硬）辣椒油係靈魂～😋～ 食得辣嘅人會覺夠辣～如果唔食得辣加少少已好足夠！問過員工，辣椒油係自家製嘅！地方方面，去完行陣黃埔，經「大船」aeon 行去都好方便！ 一定會再去食，有時會念念不忘，心思思想再食！

夜麻麻喺紅磡做完嘢，大部份餐廳都閂咗門，見到仲有間粉麵檔未閂門，入去試一試，環境幾乾淨，夜晚10:30pm去，客人唔係好多，坐得幾鬆動。四個人叫咗唔同嘢食：1. 牛三寶麵牛筋牛腩都好好味，啲麵都好爽口，係個湯底稍為鹹咗啲，食完有啲確喉。2. 魚蛋魚片河魚蛋同魚片嘅份量都好多，食落好爽口，值得推薦。3. 牛雜飯食飯有紫菜湯送，牛雜味道都好好，份量都唔錯。4. 秘製牛腩飯同牛雜飯一樣有湯送，牛腩煮得好腍好入味，非常好食。

平時經過呢區又諗唔到食乜就會幫趁佢，因為平、快、正！平時都係買外賣返屋企食，今日見路過而且得20分鐘食lunch，一於試下堂食。由於時間唔多，所以淨係叫左個牛腩河（$35）。餐廳乾淨企理、環境不過不失👍食物賣相正常，湯底加左好多腩汁，令味道更豐富，雖然食完都係會口乾，但呢個價錢有咁既質素已經合格。牛腩炆既時間岩岩好，完全唔韌，而且又吸湯。河粉唔會煮到爛，合格👍總結黎講呢間鋪頭既牛腩河性價比幾高，下次會想試埋雲吞麵👍

想食牛腩麵，上openrice搵下屋企附近有咩好介紹。見到樂園評價都ok,一於試下。雙拼價錢正常，牛雜嘅牛腸同牛肚都好味又淋，試吓牛腩，炆得好淋又入味，雙拼有4-5塊牛腩，我覺得分量都ok, 整體好唔錯，會再幫襯。

下午茶時份响呢頭做嘢開頭仲喺度諗緊食啲乜🤔🤔經過見到呢一間樂園門面同入面都幾企理☺️☺️入去叫咗個牛雜撈麵嘅下午茶餐港幣44連一個凍齋啡走甜😉😉撈麵嘅份量十足，麵質亦都唔錯個人覺得牛雜可以多兩舊就好啦🤭🤭不過佢嘅份量係合理嘅👌🏻👌🏻唯獨是係個湯底比較甜，有啲糖水feel🙄🙄地方好乾淨👏🏻👏🏻潮州粉麵嘅地方算坐得舒服啲姐姐亦都好好禮貌冇趕客🥰🥰都係嗰句啦，呢個價錢今時今日仲想點🤣🤣下次再行開呢頭一定會再幫襯👍🏻👍🏻

樂園粉麵我幫襯過好多次，因為食物質素有水準，價錢亦都唔算貴，至於份量係多係少，就見仁見智，我就認為絕對合符性價比。備註：外賣需另加$1元，各式麵食及飯類，可另外加錢配冷熱飲品。粉麵款式都幾多，但價錢各有唔同，但都係一般食客可負擔得起嘅範圍之內。食物方面～五香牛腩飯真係超級好食，牛腩大概有10件(略帶少少肥膏，夠哂香口)，肉質軟淋入味，而且仲食到有蒜頭嘅香辛味，飯盒更附送幾塊生菜，白飯更淋上好香嘅牛腩汁，真係食唔停口，仲有紫菜湯送，真係認真抵食！除咗牛腩飯之外，仲有牛雜飯、牛筋飯、炸醬飯、豬手飯同崩沙腩飯供應，麵食方面～就有水餃、豬手、牛腩、牛筋、炸醬、牛丸、魚蛋、貢丸等，每種麵食都只係廿幾蚊一碗，真正大眾化價錢，值得一再encore！

叫deliverwoo等左15分鐘就有了！好快～揀左鮮蝦雲吞粗麵～叫嘅時候以為啲雲吞係普普通通嗰啲，冇咩期望但係食嘅時候發現，啲蝦肉好爽口！！超級滿意（我好怕食到蝦肉唔夠彈牙爽口嗰啲雲吞）皮夠薄，口感好好～推薦！！另外熱阿華田比較甜（我冇落糖都比較甜），應該係用煉奶沖～如果鍾意食雲吞嘅一定要揀雲吞啊啊啊啊！好開心，食完之後心情好好  ：）想再食多次！雲吞有四粒，唔係好夠喉～不過麵量有啲少，大概係譚仔嘅3/5麵量左右，如果可以多啲就好了！外賣包裝方面，食粉面好怕送到黎嘅時候已經倒瀉曬啲湯。呢間冇呢個問題，同埋啲盒蓋都好實。可以分開湯pack，所以唔駛擔心啲麵會淋曬啊

作為一個平民 真係唔能夠餐餐大魚大肉 否則會破產呢日經過紅磡 想平平地快食一個LUNCH結果就揀咗呢間粉麵店 呢間店算有空間感 疫情期幫襯都唔會覺得唔聚財 我同我老公因為大食就分別叫咗崩沙牛腩飯、淨魚蛋、上湯拼盤加紫菜同一碟油菜（你哋話咁大食係咪更加要搵平嘢食吖）所有食物最出色係個魚旦呢隻魚旦 係細個食開嗰種白魚旦有微微魚香味之餘 仲要好彈牙 而第二出色嘅 係個辣椒油雖然辣到眼淚鼻涕都出晒嚟但佢真係超級香 超級香嗜辣者絕不容錯過雲吞、韮菜餃同墨魚丸拼盤亦合乎標準 韮菜餃有股好濃烈嘅香味同甜味 至於牛腩飯 其實都好味用嘅部位亦係靚嘅只可惜我老公並唔鍾意呢種偏甜嘅燉煮方法所以佢冇食得好興奮整體嚟講 呢間食店算係好抵食同有水平（但因係我老公賣單 忘記吃咗幾多錢 大概150咁上下）比我哋預期好食

《香港紅磡 樂園粉麵魚蛋大王》疫情下的香港 家裏沒有東西吃 想吃個快餐或外賣但不想劣食住紅磡的朋友有個好選擇😍魚蛋粉麵店到處都有 但不是每一間都好吃樂園 無論味道同價錢都拎滿分價格超平民，$20-40食到你飽‼️但材料絕不馬虎‼️以下幾樣必食：1. 韭菜餃 （餃類全部大大粒超足料）2. 雲吞3. 水餃4. 牛坑腩：脂肪和肉比例完美🤤入口溶化個隻5. 墨丸（新鮮製）現在堂食顧客較少，但外賣單卻接不停，紅磡朋友去試試看吧❤️🤤人均消費：HKD40地址 : 紅磡必嘉街91號#香港#hongkong#hk#香港美食#hongkongfood#hkfood#紅磡站#紅磡#紅磡美食#hunghom#hunghomfood#poly#樂園#樂園粉面魚蛋大王 #港式#魚蛋粉#港式料理#紅磡魚蛋粉#hkfoodie#foodporn #foodstagram #foodblogger#hkfoodblogger#hkfoodblog#foodblog#travel#travelblog

十一月廿四日大約5：50pm, 本人及朋友光顧紅磡必嘉街樂園, 詢問下午茶是否到六点？看完餐牌後, 發覺下午茶只是平了2至4元, 分別不大....之後叫咗清湯牛腩麵x2碗@$32, 再加一罐忌廉疏打@$6....埋單$70....之後離開大约45分鐘, 本人開始胶肚痛, 而朋友回家後一樣情況....😰😭😓未知是牛腩不新鮮？ 抑或湯底太咸？真倒霉.....從未試過吃牛腩麵會胶肚痛....😰😓不會再光顧此店了.....

成日行過，門面差d但咁岩今日諗住平平地試下魚蛋粉又咁岩特價$31 一碗粉仲有菜魚蛋河偏重口味岩我湯底有胡椒微微辣魚蛋鮮甜超彈牙菜就係普通一碟菜但個賣相已經有晒誠意分仲有不得不讚筷子洗得好乾淨 XD $31 仲想點😂

琴日收工同老公 行下行下 都已經十點鐘 諗到諗唔到食乜 所以決定去呢間經營到好夜嘅樂園粉麵度食其實之前都食過一次 有一輪佢做特價 細蓉只需要22蚊不過而家已經變番正價 鳳城水餃麵 呢間畀佢紅磡另外一間出名食鳳城水餃麵嘅舖頭多咗一粒total有三粒 但係相對就細粒啲 咬開都係普通鳳城水餃嘅料 木耳蝦同埋豬肉 不過比例配搭得唔錯 咬落去啲木耳仲好爽 幾有口感配合埋佢特製嘅辣椒油 好快就食曬成碗 雲吞麵 雲吞麵就比鳳城水餃再多一粒 total有四粒 但係份量都係細粒啲 咬落去同普通雲吞冇乜分別 都係有蝦同埋肉 蝦都叫幾大粒 亦幾爽口 好在夜晚唔算太餓 四粒加埋啲麵 都叫做啱啱好飽 呢碗冇落辣椒油 可以食到佢個湯底 個湯底有用大地魚淆過 不過胡椒味就重咗少少 呢度好特別 加油菜只需要八蚊 仲有得揀生菜菜心芥蘭我哋揀咗菜心 全走 份量唔算多 但8蚊嚟講都算係咁 咬落去都叫做新鮮

近排不知因由嘴巴硬要向牛腩/雲吞粉麵去尋，途經妹妹家中牛腩麵癮又再上身一個箭步便衝了進去,一間地道得無發再地道的(牛腩雲吞粉麵舖)、來了一碗簡單的牛腩米粉索價Hk$30大元~牛腩已看到屬較多纖維部份, 帶皮的更沒有多餘肥膏、但咬在嘴巴中不嚡口，肉質炆煮得稔、至於湯底亦不過於死鹹，加上簡簡單單的米粉作配搭今時今日三十元可以換一個有六、七片食得落吞得下的牛腩,自己就覺得值價。