樂園茶餐廳

Open Now

Now Closed

經常行經樂園，但係就未嚟食過嘢。主要原因係帶住狗狗搵食，而呢度的戶外座位空間感較小，加上呢間茶餐廳都有唔少食客，所以一般我都會行多幾步去樂悠悠，又或者去對面的味屋。不過今次因為要速食，味屋又冇位，於是就帶咗狗狗嚟幫襯喇。嚟到大約係下晝２點，仲有午餐供應，狗狗爸爸點咗一個韓式泡菜牛肉煎蛋飯跟凍飲，而我就點咗係餐牌裡面的涼瓜炒蛋飯。午餐上得好快，仲跟埋例湯。例湯幾足料，其中一碗比較多蔬菜（紅蘿蔔、沙葛），而另一碗就比較多煲湯肉。韓式泡菜牛肉煎蛋飯幾特別，至少一般茶餐廳的午餐係唔會食得到。飯的份量大，牛肉夠稔，加咗泡菜亦令個飯辣辣哋（都唔係BＢ辣)，開胃惹味。至於涼瓜炒蛋飯就等得耐啲，等咗都有10-15分鐘。呢個好似係晚市飯，所以廚房可能要另外預備，比較花時間。呢碟的件頭都係好大，不過因為一送嚟時就急住食、急住走，所以食到最後一啖先影相。對於女士的食量，個飯可以一餐分兩餐食。而且餸都多，涼瓜亦幾好食，甘甘哋又唔算苦。至於座位方面，因為我哋係帶埋狗狗，所以就要坐喺餐廳室外位置，係有瓦遮頭，但因為室外比較多大檯，所以都係要等下細檯。呢度的檯椅排得比較密，狗狗的活動空間一般。如果唔係帶埋狗狗的話，

排骨炒到有少少燶 有啲焦香 而且腍 唔會韌 一咬就可以骨肉分離😃河粉一樣有焦香味 但略嫌老抽落唔夠 顯得有少少「失色」💩同埋炒得太腍 冇左煙煙韌韌嘅口感😕They did a great job on frying the flat noodles and pork ribs👍🏻You would feel a little aroma of burnt🥳But the flat noodles is overcooked which lost its chewiness😕  奶茶偏淡 茶味唔夠 飲落會feel到有少少水水啲嘅感覺🥴The milktea is just a little bit watery 🥴

第一次食錦田樂園茶餐廳叫左盒外賣粟米肉粒飯~~份量岩岩好~~幾好食~~仲叫左杯凍檸茶~~😁凍檸茶唔會好甜（個人認為）下次可以試下堂食~~~~~~~~~~~~~~~