樂富小食

Open Now

Now Closed

由細到大都住係田灣既街坊絕對唔會對老闆嘅態度有咩投訴，呢啲就係街坊小店嘅特色「有性格」😂！喺田灣未有麥當勞之前呢間小食店（田灣人係唔會叫「樂富」係會叫「小食店」就知講邊間），絕對係食感情同童年回憶，而且你想點配搭食材都可以，即叫即煮快靚正，仲會有隱藏嘅餐單炒意粉！！！港式漢堡包絕對價性比高，個包係有烘過絕對唔係凍冰冰，開放式廚房你會見到佢製作過程！至愛意粉配黑椒汁，一定會選炸豬扒為其中一個配搭！

中午同老公又去咗樂富小食店，叫咗兩個外賣，叫咗一個黑椒汁雜扒飯同福檸檬茶，另外一個就要咗黑椒汁雙蛋豬扒飯，豬扒好入味，啲黑椒汁辣辣地好好味，搞到胃口好好，食晒！

見有食評話老闆態度差其實可能係同佢唔熟因為係小店做街坊生意大家講個信字有啲差幾蚊都可以轉頭俾最鐘意食佢地既三文字豬扒意/飯 因為佢地蕃茄味好好食好開胃豬扒炸得好 唔會太多炸粉平日收舖老闆見倒我返屋企都會同我打招呼

呢間小食店係我其中一間至愛嘅食店, 冇套餐焗你飯嘢, 所以我每次都只會買一盒飯就算! 今日買咗個雞髀飯, 其實十次有九次都係呢味, 只係有時會食雜扒飯, 講返今日盒飯, 份量真係多到無得頂, 汁又多, 再加埋隻大雞髀.... 哇~~~~~ super 呀, 隻髀大大隻熱辣辣, 個皮炸到脆卜卜, 一扯開D 雞肉仲好多肉汁又嫩滑....再吃埋個黑椒汁飯, 人生大滿足呀, 呢個黑椒汁唔係普通嘢, 試一啖就已經畀佢俘虜咗, 黑椒配雞髀真係正!!!睇吓隻髀幾大, 真係食完大滿足過去咩呀!!!!

我是由出世住在田灣到現在廿幾年土生土長的原居民....樂富小食亦是由細細個唔夠高俾$幫襯到現在可與老闆面對面傾計...感觸良多.....最終意哩度D豬扒, 炸得又香又脆又唔"UN"...豬扒包- 第一次食既豬扒包都係幫襯哩度, 由細細個賣$6到現在廿年後只加價$3, $9個豬扒包, 即叫即炸仲想點.......雜扒飯- 到今時今日只賣廿蚊的雜扒飯有火腿, 有腸仔, 有雞蛋, 有雞全翼, 有豬扒, 係邊度搵.......凍檸茶- 味道不是很出色, 不過不失, 欣賞的是老闆會幫你篤埋檸檬, 等你坐車飲時唔會"呢hea"(可能有人會唔鍾意, 因為唔知你想要幾酸)炸蛋- 炸魚蛋, 哩味邊度炸都唔死得, 只是坊間已少之又少了...的確男人老闆係比較有性格, 尤其是星期三夜晚同星期日全日, 其餘時間佢都好好人ga!! 女人老闆就更加好人!!寫哩篇食評, 並不是要為平反, 說實在, 老闆也不自在.....只是抒發個人感受......食左廿幾年, 除了味道, 還有感情....第時嫁左出去真係唔知點算..........

一間難食到爆既食店，叫個漢堡包食，黑面老細竟然將兩塊硬包爽住塊涷芝士同凍扒就算，完全冇heart。雞脾一陣雪藏味，又唔夠熟，真係一肚火。最慘係四眼既中年男老細，將D野食"拍"一聲丟0係抬，找錢時又係"拍"一聲掉0係抬，冇當你係人，最後當然冇講多謝啦。住左田灣幾年，幫襯呢間野都有十幾次，野就越黎越難食(求其)、態度就越黎越差，唔係平架老細！