樓下冰室

Open Now

Now Closed

招牌瑞士雞翼 Swiss Chicken Leg $30瑞士雞髀好肥美 超級大隻煮得唔會過熟 咬起上嚟好多肉汁 肉質好滑個瑞士汁甜度適中又唔會過鹹絕對明白點解係樓下冰室嘅招牌菜👍🏻西多士 French Toast $32外皮炸得好脆 但麵包咬落仍然非常軟熟 而且入邊夾住滿滿嘅花生醬 識落層次豐富 最好嘅嘢係蜜糖係獨立包裝分開咁落 要減肥嘅OL可以自己決定落幾多就唔怕肥啦🤣經典沙嗲牛肉麵 Classic Satay Beef Instant Noodle in Soup $50沙嗲牛肉非常入味即食麵煮到剛熟啱啱好 配上超滑既牛乳炒蛋同香脆金黃牛油多士 $50絕對超值💯黎茶餐廳點少得經典飲品 - 話梅柑桔蜜：上火喉嚨痛痰多最啱- 檸檬菜蜜：有潤肺止咳 好喝又對身體有益處

本身去開冰室或者茶餐廳都係諗住食個快飯，大件夾抵食，點知嚟到又有驚喜喎，裝潢用懷舊特色做主題，而且環境乾淨🤣一改平時去茶記食完就想快啲走嘅感覺🙈🍴特色麻辣蕃茄湯通粉 配 牛乳炒蛋 配 招牌瑞士雞髀一上枱嘅份量都唔細，蕃茄湯🍅勁濃郁，食落仲會食到蕃茄蓉係入面，絕對足料😆😆😆！加埋今次係叫左麻辣蕃茄湯，第一啖食已經食到小小麻辣味，個人覺得唔辣嘅，但係有麻辣香，仲要係佢無搶過蕃茄湯嘅味，讚！另外一個主角招牌瑞士雞髀，勁入味！！而且雞髀🍗size都有相當份量，啖啖肉😋🍴樓下三寶飯(自家製免切叉燒、瑞士雞翼、煎蛋)叉燒屬於偏瘦嘅部分，蜜汁嘅味道好香，肉質都嫩滑，(p.s 叉燒係一大舊咁上，呢個就要自己切開了)，而瑞士雞翼係全翼，同雞髀一樣都係咁入味，最後再將蔥油加半熟煎蛋同埋飯撈埋一齊食，依家諗返起都舔舔脷😋🤨不過個飯就略嫌淋咗少少🤏🏻🍴焗芝士西蘭花西蘭花🥦夾嘅時候仲有拉絲感覺😍見到呢個畫面絕對係賞心悅目哈哈哈，白汁味濃厚，而且仲有粟米鋪面，另外份量都幾大😂所以真係好飽🍴焗芝士肉醬薯角本身一睇餐牌已經好想試呢個，因為冇諗過係冰室都有幾多特色嘅小食，一上枱芝士焗肉醬嘅味道勁香，肉醬一啲都唔吝嗇，仲

舖頭走懷舊風，光猛而充滿霓虹燈嘅裝潢，特別喜歡餐牌大多數套餐都可以自由選擇配搭，啱哂我，散嗌小食價錢亦合理。飛哥餐($50)沙嗲牛肉麵 配牛乳炒蛋、丹麥多士••••••麵爽掛汁😋牛肉竟然食得出鮮牛嘅鮮甜😮認真估唔到，份量亦相當大方。炒蛋嫩滑火喉剛好，唔會有啲半生熟蛋汁✅金黃色丹麥酥好夠鬆脆+熱，仲要有牛油塗面👅超級香口麻辣蕃茄湯米線($57)配 招牌瑞士雞髀••••••Wow隻雞髀果然名不虛傳😍瑞士汁唔係死甜嗰隻，而且厲害在滷到表皮非常入味，肉質卻保持不柴不鞋，再沾瑞士汁食😚米線湯底好過癮🤪帶蕃茄粒麻麻辣辣又酸甜，出奇地無違和感百搭飯($55)厚切豬扒 配瑞士雞翼••••••被頭抽豉油驚艷到😍撈埋葱油超好下飯！香煎豬扒帶脆邊，好香口，內裡軟嫩多汁💯菠蘿油($18)••••••大塊厚切鮮牛油好誘人🥰包體最緊要唔會熱溶舊牛油☺️ 外層口感酥脆的菠蘿，麵包紮實不過仍算柔軟，配上一大口牛油食，認真大滿足❤️

樓下冰室聽就聽朋友講過，今日專登來到試下，入面裝修到似舊式冰室一樣，有哂舊式冰室佈置，但坐位就現代化，坐得好舒服感覺亦好乾淨。我叫左個招架蕃茄通粉配瑞士雞翼，個湯底好足料，好多切粒蕃茄，而且有一個滑牛乳炒蛋係上面，好好味。另外瑞士雞翼好入味，因為食太多外面果d瑞士雞翼，得個顏色但唔入味，所以呢間瑞士雞翼加哂分！之後再朋友俾左佢嘅瑞士雞脾俾我試，切開肉質鮮嫩，啖啖肉，裡面都係入哂味，搞到想叫多隻最後無叫到，留返個肚試下其他小食，叫左芝士蒜蓉多士，多士上面佈滿芝士，而且多士好香脆，呢個配搭一流，大家記得襯熱食。我另外點左杯綠椰冰，椰冰下面有d豆豆，椰味香，飲落一粒粒咁，好特別。下次再經開鰂魚涌一定會再黎食，不過上openrice睇原來荃灣都有分店，又可以多個選擇~

呢間係鰂魚涌嘅樓下冰室位置非常方便，地鐵站一出過條馬路就係啦。冰室裝修都幾有心思，有花花牆，又有舊式嘅招牌裝飾。我同男友叫左一個通粉，一個飯，一個菜同一杯菠蘿冰share.蕃茄濃湯通粉配牛乳炒蛋配招牌瑞士雞髀$57落左單之後好快就上枱，上枱果下隻雞髀真係有陣陣香味👍🏻而隻雞髀亦非常入味，正！通粉係用隻好大嘅碗上，所以份量非常多。通粉唔會過淋，炒蛋亦好滑，湯底甜甜酸酸真係好開胃😋黑椒汁西冷牛扒煎雙蛋飯$55因為茄通好突出嘅關係，所以雙拼飯就顯得比較普通，正常冰室水準，汁份量控制得幾好，唔會過多。雞湯浸什菇娃娃菜 $40估唔到份量咁多，好抵食，食多啲菜真係好緊要新鮮菠蘿冰（加$13)我最鍾意嘅生果就係菠蘿啦，所以呢杯野我真係好鍾意，因為真係好多菠蘿，好滿足。飲落仲好refreshing添

服务态度极差嘅餐厅，我睇评论都有好多人遇到果个阿姐，唔知餐厅老细点念嘅。请个态度咁差嘅阿姐帮人落单。食完飯我見到佢幫其他人落單都係咁樣嘅態度。。全程黑臉，唔耐煩，冇禮貌

收工唔想煮飯 又想搵個朋友吹下水，講下工作上既不愉快減下壓，於是約左個住係鰂魚涌附近既朋友，佢提議去樓下冰室食，話依間野食物質素唔錯 . 依間冰室以懷舊主題裝修 一見到個門口已經好有以前細細個同屋企人出去食飯既感覺.黎到依啲懷舊冰室 點可以少左凍檸樂同紅豆冰，推驚大家可以點依兩款凍飲，冇得輸.主食方面同朋友點左兩款都係以蕃茄做主題既食物，一個係蕃茄薯仔米線，另一個就係茄汁炒意粉，兩款食物都酸酸甜甜，食落特別開胃.淨係主食點會滿足到我地，叫幾款小食係必須的.今次叫左3款小食，依次序係口水雞，炸雞翼，同沙律. 因為本人食唔到辣，所以專攻另外兩款小食，好好食，推薦大家. 至於口水雞，相信亦都好好食，見朋友食到停唔到口.食晒咁多野真係飽到嘔，不過真係抵食，大家可以一試！

今日放工去樓下冰室食埋野先去上堂，呢間冰室既裝修好特別，好有香港舊時既感覺！ 我地好肚餓，點左兩個餐、一個小食同兩杯野飲，全部都好有質素有份量而且價錢合理！-自家製蔥花叉燒滑蛋飯$57呢個好似係出名既，果然名不虛傳，叉燒份量足夠，整得好林好嫩，唔會好柴，豉油汁又唔會好鹹，加埋D蔥花係個蛋度，好香好滑，份量絕不馬虎！-金牌咖喱牛腩飯$60咖喱好香濃，牛肉都有牛味，炆得唔算好林，但好有咬口，加埋D飯，撈飯一流！-瑞士汁雞髀$30個滷水汁好好味，煮得好入味，唔會好鹹，唔錯！-綠椰冰/ 華田脆脆（跟餐各加$13）綠椰冰好特別，所以我地揀左呢樣，原來係綠豆整碎再加椰汁，味道好夾；華田脆脆好好飲，味道好香濃，脆脆有咬口，但真係太甜，比較適合偏好食甜野人士！總括嚟講係幾好味又價錢合理既冰室，難怪lunch time 經常排長龍！

唔少餐廳都主打番茄出品，而餐廳名自不然同番茄有關，但”樓下”絕對係例外。當然，佢室內的懷舊裝修亦係賣點之一，但大家的焦點都會落係佢地招牌食物。餐廳標榜每日用大量新鮮蕃茄製作湯底，如果你係一個番茄迷，已經立即心心眼，而且仲好多種不同套餐配搭。特色蕃茄濃湯通粉配招牌瑞士雞髀 $57同時將兩樣招牌食物套餐化，滿足兩個願望。濃郁番茄湯底真材實料，豐富番茄肉，味道鮮甜，加上嫩滑炒蛋配通粉真係無得輸。至於瑞士雞髀又係另一招牌，瑞士汁同樣出色，雞髀大大隻又夠入味。焗芝士肉醬熱狗 $38雖然講起”樓下”大家都會諗起番茄同瑞士雞脾，但係今次反而想講下呢隻熱狗。熱狗夠晒巨型，一隻手都拎唔晒。中間除咗熱狗腸，最正係澎湃芝士肉醬流出嚟。一口咬落去爆芝士肉醬，熱狗包又夠脆，如果你係櫻桃小嘴，呢個熱狗會對你來講係打大佬。華田脆脆 +$10為香濃的華田味加上爆脆口感，絕對係另一個彩蛋。

起身就落樓下食早餐！見到平時去開嗰間坐滿晒，所以就嚟咗呢間啦！我哋叫咗一份火煺通粉餐同沙嗲牛肉公仔麵餐！呢間出名大大份，所以我次次都一定食唔曬！通粉同公仔麵都正正常常！冇乜特別好壞嘅評語，不過我老公話佢哋今日個檸檬茶好差，苦得嚟但又冇茶味亦冇檸檬味，所以飲咗一啖就冇飲啦！違背咗佢一向都話唔好浪費食物嘅作風⋯⋯

今日貓貓去鰂魚涌玩roller。roller前去左樓下冰室食野。好舒服嘅冰室，夠凍位夠闊。熱辣辣嘅天氣係冰室透氣真係好爽喵！貓貓order左個厚切豬扒飯。厚切呀正！最鍾意厚切。豬扒整得好有水份。咬落去口感彈性，好新鮮，而且好夠味。一啖飯一啖肉，惹味！個豬扒份量，嚇傻左，真係好大！仲有呢個茄牛通。濃郁嘅湯底，真係啖啖番茄味，好fresh！牛肉大大舊，好開胃呀喵！你睇炒蛋幾靚。夠滑，加埋係麵包度，牛油同蛋真係好夾！麵包超香牛油味！order個瑞士雞翼小食。未食已經搵到好濃嘅味道。瑞士汁已經滲透入雞肉入邊，甜甜地，好濃好濃，足料嘅醬汁，呢個好味呀喵！飲杯熱檸水同熱檸蜜，坐係冰室吹水，好relax。貓貓好滿足，因為食咁多野，價錢又抵！份量又大。侍應態度好好，係香港黎講，要搵到間好態度嘅冰室同茶餐廳係好難得。keep住呀喵！

人數：2個（男女）日期：9月中時間：2:10天氣：熱好耐之前食過荃灣嗰間幾次但好少係荃灣出沒朋友話原來係呢邊都有～去嚕～叫左兩個瑞士雞髀 蕃茄炒蛋通同一個下午茶餐：丫炒滑蛋厚多士（蛋治）跟蕃蛋通叫野飲半價，下午茶就凍飲加3蚊～叫左華田趣趣同利賓納整體評分：中上上 🍅🍳🍅🍳茄通：炒蛋嘅奶香無完全被茄湯蓋過，略嫌唔夠滑，湯底酸甜適中，整體不錯吃。雞髀：好夠味，但有少少煮耐左蛋治：份量好飽滿～喜愛蛋嘅你走唔甩服務：主動性超高，拎走件蛋治立即收走隻碟環境：本地懷舊風（新式）清潔：都滿意

野是好食的，但是阿姐霸道又惡。是咁的，某一日，我和女同事一齊去午餐，我食雞扒飯，凍檸茶。女同事食奶油豬要拿鍊奶，我舉手問阿姐，然後阿姐啤下我桌上，說：「你吃雞扒飯檸茶，唔準拿鍊奶！」我呆左2秒，然後爆笑，之後問另一個哥哥拿。阿姐真是好利害，唔應該做侍應，應該去做判官？我要不要阿姐批准才可以行入餐廳？我和女同事吃飯，扮下有風度都唔得，要先問過阿姐。因為這件事，都好耐冇去幫襯了，外賣都冇買，費事去到受阿姐氣。

好味指數：🌟🌟🌟抵食指數：🤑🤑🤑如果想簡單食個快飯茶記一直都係不二之選。Lunch time去搵朋友食飯，因為鰂魚涌都算Office區，每到呢個時候就到到都排晒長龍。好彩呢間茶記流動率高，等咗一陣店員就話入得✅香煎蓮藕餅雞扒飯雞扒有少少overcooked，肉質結實同有少少韌；蔥油味道幾重，最好少少咁夾嚟送飯；最有驚喜係蓮藕餅，睇落好大舊以為得大大塊蓮藕，但其實入邊充滿肉碎，蓮藕亦非常腍，煎完酥脆香口，會想再食多塊

係太古坊‘樓下’既冰室 提供多樣化嘅早餐選擇 打工仔經過買就啱啱好🤣我最鍾意佢哋以下呢個早餐配搭吉列魚柳珍寶腸炒蛋 $42吉列魚柳外面嘅炸粉唔會太厚 早餐食都唔會算太油膩 配上牛油多士 兩邊焗至香脆 呢個份量絕對夠飽👍🏻加配一杯港式奶茶 茶味香濃 奶夠滑 落少少糖已經好好飲💯