標記樂園潮州粉麵 (Closed)

凍野飲都係$5 杯, 反而豆漿又係$5 就貴!,油菜又係$5 我叫左牛根丸麵, 都抵食,$ 10 ,你唔可以要求D 乜, 不過佢煮到D 麵真係好爽身! 我男友醃碗河粉都唔差.正,下次會再來, 不過衛生麻麻, 地下幾多垃圾

14 April, 大約晚上9點幾, 諗住去平時去開果間食碗牛腩河, 點知無開門, 一直行就去到呢間標記. 一入去無人理我, 又無人落單, 等左一會, 我大叫要個呀姐落單佢先識應我. 叫左碗雙丸河.o的河粉太淋,唔太好味,再試吓的丸先,唉....豬丸個心凍, o的魚丸都唔錯, 食食吓, oh...NO. 比我發現左隻"小強", 無錯, 即係蟑螂, 我即係同個位呀姐講啦, 佢一手想搶我碗野走, 我即時用筷子叉番低碗野, 我話你想點呀, 佢即刻無聲出. 有無攪錯呀, 咁都有, 想"毀屍滅跡"...無咁易!佢話比多碗我, 心諗唔洗啦, 點知你會唔會加料吖, 佢就話唔洗我比錢, 我好嬲咁走左.出左門口, 諗一諗, 我應該比錢佢, 然後用手機影左幅相做証據, 肚痛即刻告佢間野.間野地吓好鬼污穢, 總之唔入去食.呢間幾十年歷史既標記, 衛生好有問題, 夠膽去試既小心佢加搭多o的料比你!!!

今日去完九龍圖書館之後,同男友去搵野食~行左一個圈,求其搵左呢間黎食~d野就幾低,味道一般,我食左個四寶粉,佢食左墨丸麵,再加碟菜心同埋炸魚皮,都係$35~

平時行過，見到成日都幾多人，間鋪出面又有各種肉丸賣，唔會太差啩？噚晩行旺角，終於去試咗一碗雙丸米同一碟菜芯，加埋都係$15。碗雙丸米每種丸有兩粒- 魚蛋較好，牛丸就太多粉加上有D 靭嘅物質??就麻麻喇‧味精當然有，不過都可以，唔會食完成晚好口渴咁。碟菜芯唔會多油但有足夠蠔油，乎合健康原則。地方- 坐位密度同去食大排檔差唔多咁啦！

個個豉油王鵝腸又凍又冇味...仲要食到好大陣強水''拿''過...其他野都ok...oyster congee 幾多oyster..不過入去食野d人個樣都幾''惡''

$10 碗潮洲粉麵開到成行成市，旺角行完一輪，求其是但搵落肚就算，於是便跟男友入坐，環境服務當然不能奢求，預一張六人迫八個人坐，手撞手，不過快夾平，就算一碗唔夠飽，加底都係俾多$5。兩人各要了牛肚粗和墨丸麵，細係細碗，但對女孩子來說加碟油菜份量剛剛好。至於質素就絕不能有要求，幸好也不太差，只是牛肚太韌和麵條淥得過久，兩個人埋單只係$33，仲想點？