標記樂園潮州粉麵 (Closed)

12.2是日同好耐無見的朋友飯聚….諗左好耐食什麼也沒有結果……行行下….見到這間……打冷….大家都同意…就入左去食啦2個女仔都唔可以叫太多送……豉椒炒蟶子: 好快上碟…..熱辣辣的…不過應該只是一早煮熟蟶子, 然後用豉椒汁炒一炒就上菜。 吃得出只有外層有濃郁豐富的醬汁, 內裡的蟶子比較上沒有什麼味道。 而且欠缺鮮味。 朋友吃到一隻有沙。椒鹽九肚魚: 最近很喜歡吃煎炸的東西。即炸的。 炸槳弄得很好, 沒有一舊舊粉, 而且外脆內軟。 唯一是隔油沒有做得很好, 整隻碟也是油。炒魚面: 魚面沒有魚的鮮味, 而且沒有什麼配料一齊炒。 但卻賣$48, 有點兒貴。2個人最後食到好好好飽, 不算太難食, 但有更多好的選擇。

和朋友逛得累了，才決定在這家店坐下。雖然不知道是否巧合，但總覺得這店在「樂園」附近，又叫「標記樂園」，總有點引君入甕的嫌疑。 反正不太肚餓，就先來兩個小菜，第一個是咕嚕雞球，醬汁調得不錯，入口微酸，剛好中和了炸雞球的油膩，連雞皮都炸得通透，入口卜卜脆，不錯；另外一味涼瓜煎蛋角，可恨我並非愛吃涼瓜之人，但味道微澀，蛋香四溢，是我可接受的範圍。店內很多人選擇打冷，下次可以一試。

十月四日(星期六)今日三人行,同朋友們睇完戲便開始找吃忽然想食下粉面,o甘就走去樂園,點知新店爆曬棚唯有去舊店,雖然環境無o甘新淨,但都幾大同寬敞,冷氣又夠我叫左個雙拼:墨魚丸+雲吞配生面等左唔係太耐就有得食~我覺得成碗面都令人滿意,特別想講啲墨魚丸,彈牙之外仲要有墨魚粒係裡面,非常回味之後我再落埋醋泥食, 唔~好好好好味

食左咁多日貴野 今日食返平少少呢度d麵10蚊碗 為左慳錢既我決定入去!不過你都唔好話平野就一定冇好叫左個牛丸河$10+炸魚皮$3+什果冰$10d牛丸又彈牙又好重牛味 雖然得3粒 都真係好好食炸魚皮唔抵食 得幾塊碎既 下次1定唔會再加什果冰都係 呃錢既 叫多碗麵好過總括黎講 個牛丸河真係好好食 仲要$10咁平 好滿足既一餐 又食得開心 又儲到錢 yeah~

標記的牛腩 食完大肚腩求其搵左間尼食....我叫左碗牛腩河.....唔錯wor...濃郁的湯底腩汁....再加上有又林又大舊的牛腩真係配合得好好之後再加多個波羅冰同埋什果冰....雖然好重罐頭味....不過勝在夠凍....一身暑氣全消了~~

今日要出去拎回鄉證同買野..得自己一個人諗住是但咁搵間野食左就算..點知JOIN到家姐一齊去旺角買野同食野..買到心頭好..餘下金額都唔多了..是但搵左呢間標記冇肚餓..叫左個牛腩飯..$28佢俾左清湯牛腩我..送飯..好怪..牛腩唔淋..冇咩味道..果然清!!!!!!!但份量果然幾多~凍奶茶..唔滑..有D苦..唔好飲家姐叫左個吉列豬加薯條..薯條份量出奇地少..吉列豬亦都凍既..佢話幾難食下..多元化係好..但都要有少少質素吧

2個人晚上回港醫肚~諗住去食肥媽...點知收左....見e間野咁多人 又平,就入去la叫左紐花魚片麵($15),4寶河($15),炒蜆(?) 加芥蘭一碟($5)炒蜆賣晒T^T. d野好快唻到=D...見到個賣相...sosad..碗魚片麵好似好寡....點知食落又ok wo!!d麵爽口彈牙,又帶少少麵香, d魚片都彈牙食左4寶河其中一粒丸,一般貨色芥蘭...叫佢走油冇走到..算....6得岩岩好,ok la食唔飽...去掃街好過!!

星期日都仲要開工，真係苦命，旺角是旦搵個早餐食完先遲到返工，理得佢咁多﹗來左呢間，呢間野細細過時好似已經食過，店內似是做左裝修，0的枱凳都好新淨仲加左好多卡位，乾乾淨淨食都食得開心0的﹗點左個魚皮墨丸麵，魚皮好脆好香，面頭加左0的唔知咩物體食落同出面其他店食落有0的唔同，好香口有少少辣味，好味道﹗墨丸亦都彈牙有咬口，值得一試﹗25蚊有野飲有野食在旺角算係咁﹗滿意﹗

十點收工,收到好友MSN相約在旺角打冷, 即時msg今期焦點食家姚東師傅索吓料......佢推介樂園打冷.十點半到,見到佢哋其他分店爆到坐出街,唯獨打冷舖入面仲有空枱,二話不說就衝咗入去涼冷氣.坐低叫咗四餸一粥.味道潮州三寶,有豆角肉甫,花生和咸生菜,可能夜的關係,豆角肉甫 "淋"哂,不過味道搭救.普通花生,生咸菜就真係值得一試,最後真係幾想encore一碟淨生咸菜送潮州粥食鹵水鵝,原本想叫鵝片但冇,改叫鵝件,有d韌, 師傅切得長得濟,賣相一流,但太大塊,一啖食唔哂,咬開,肥瘦肉又不均....合格囉...都係鵝片正d.芽菜豆腐....普通炒聖子...真係好唔得....聖子本身有沙,師傅大力炒得濟....炒到d聖子殼碎哂...一口肉,一口沙加成口碎殼......想点先?環境+衛生本身對打泠都唔期望高,但係佢環境真係差.地下有餸不在話吓,仲有勁多蚊滋,係成羣結隊咁....心都寒服務舊式服務,舊式態度,都係打冷預咗啲嘢.不過都催過幾次單....連汽水都要催.抵食 計埋得得三分一個餸好食(三寶中的咸生菜)$224倆個人打泠真係唔抵食.後記......一路食一路燥....心想玩嘢呀?姚東師傅推d

日期：二零零八年五月二十八日時間：下午三時十五分地點：標記樂園潮州粉麵人物：我食物：彈牙牛丸河潮州粉麵是潮州菜中極重要的一環，它不但陪著香港人成長，也是香港飲食文化不可或缺的一部分。記得小時候，家家戶戶總有一個不鏽鋼壺，用作前往大排檔外賣潮州粉麵，牛什、牛腩彷彿都是「大人」的食物，作為「細路」的我們，只能選擇丸類或雲吞。那時候，無論那一間潮州粉麵都有一定的水準，香菜、蔥花、冬菜、蒜粒，配上幼滑河粉，和五顆圓圓大大的雲吞，滿足得叫人至今也難以忘懷。今天，雲吞要數「麥」字品牌，魚蛋要到「安利」，牛丸要吃「勝利」，各佔山頭，互不相干。但我最怕的還是本末倒置，店子往往把牛丸、魚蛋做好後，就把其他部分拋諸腦後，令食客失望，雲吞尚且不提，但潮州魚丸和牛丸竟然沒有了潮州風味，豈不是叫人貽笑大方。至今，最令人懷念的還是那粉紅色，外附獨特坑紋的粉麵碗子。元朗美食眾多，久久未能一親「勝利」芳澤，只聞其份量少而回味無窮。今在旺角一帶，不敢亂走，因怕迷路，於是光顧附近的食肆，以解嘴饞。放眼望去，一眾「標記」、「樂園」盡入眼簾，誰真誰假，攪不清，弄不楚，只好碰碰運氣，看能否吃上一碗叫人回味的牛丸河。隨便走進不新

好耐無食打冷喇！見到有標記，光光猛猛即刻入去！一張大檯，坐左3對情侶(連埋我o個pair)各有各食，互不相干。仲可以睇下其他人叫左咩送添！好多人叫烏頭，應該好出名，不過我唔食魚！所以無叫~我地叫左炸蠔餅/豬紅"九"菜/鹵水鵝片炸蠔餅- 厚粉，D蠔都幾大隻，不過炸得太厚！豬紅九菜- 好味喎，抵食！D汁撈飯一流！鹵水鵝片- 入味！每檯必叫~《總結》食物：●●●○○(好味丫！份量剛剛好！)服務：●●●○○(老伙記落單快而準，乾淨利落！)價錢：●●●○○(唔算太貴，合理)

練完歌之後, 例牌的吃個午餐/下午茶, 但是日不例牌的係只有三個人出席, 除了文迪之外, 也可以跟弟兄J好好的傾下計. 最後, 行了來這裡.一連幾間疑似樂園, 也不太理會當中的關係了, 反正也說不清楚. 這次係去了這家標記樂園. 同文迪一人叫一碗再分吃.彈牙牛丸, 秘製清湯牛腩河粉$22: 8分, 想不到這裡的秘製清湯牛腩係幾好的, 有肉味, 瘦肉部份也夠淋, 起碼不會像同類型店的咬落口係死實實的. 牛腩也有連著筋的部份, 更加之甘香. 單單計這個牛腩, 令人喜出望外. 牛丸都彈牙的, 不過沒有隔離的爆醬效果. 湯底只係一般, 無乜味道.秘製清湯牛肚米線$17: 8分, 試了文迪的牛肚, 也相當不俗, 看上去也幾乾淨, 爽口.凍檸賓$10: 6分, 見餐牌寫著凍飲大大杯又有特價, 就要了杯凍檸賓. 個杯就幾大, 但係就相當多冰, 有得飲的其實不太多, 也溝得偏甜. 不過$10一杯, 係便宜的.近日吃了不少牛腩名店, 想不到這家非名店也有一定實力. 喜歡吃牛腩的, 值得來試.

想省錢，誰知竟讓肚子受罪。雲吞麵($15)︰雲吞的蝦很小，不彈牙；雲吞有很濃的胡椒味，麵一般沒有問題。魚蛋河($15)︰魚蛋也是有一股胡椒味，每一粒魚蛋都吃到沙，一定是我倒霉了。男友不信，也試了一粒，同樣也遇上沙。我都沒有再吃下去了。男友說應該是魚蛋不新鮮，所以要用上許多胡椒味去辟味呢。應該是我遇上霉運吧，這次的經歷實在太差了。早知道多走兩步，不要省那幾元，吃牛丸河好了。

次次行經MK,總會去呢到食飯..D河粉好多..D料又系..又平..邊到搵到?!有機會試下打冷先..見到甘多人食!哈"

上星期同家姐行開呢頭..聽家姐講到呢間野甘好食..入去一試..坐位不多..但甘先代表好味!哈"叫左豌貢丸牛根河..好快到..好好味!又平..好低食! 會有下次光臨*