橋底雞煲

Open Now

Now Closed

第一次食，一入到餐廳環境一般，睇到用餐人數極少，都唔覺得會好食得去邊，但第一次就試下啦，上雞煲同打邊爐配料 都算Ok嘅，但個爐嗰火真係唔掂，煮好耐先滾，真係人都滖啦，每放完食物一次，又要等佢滾點搞啊……食食下野叫佢攞杯飲用水，點知佢話冇水提供，我真係冇野講，水都冇杯，水都冇杯，水都冇杯‼️‼️‼️，即係焗你叫飲料，但唔係酒就係汽水冇其他，又要貴到，都算啦………雞煲都叫做Ok啦，其他食物散叫以前會新鮮啲好食啲，點知又係垃圾級食物，又係貴到乜咁嘅。咁樣真係麻麻地，永無下次附上食物圖，就係咁多食物 + 2罐飲品，埋單900，真係又貴質素又差

朋友成日話食雞煲，特別屯門有間橋底雞煲，今次入屯門順便試下。菜單上有特別推薦的是雞煲，可揀半雞或一隻，一隻比較抵食，若中途想改食半隻，價錢會貴左好多，而且仲係無咁好食。🌟雞煲肉質嫩滑，明顯現炒，好香好惹味，搭配蔬菜和香料的烹調，口感加豐富。🌟牛肩脊鮮嫩多汁，入口後散發出濃郁的牛肉香氣，價錢較貴，因份量不算多，但口感不錯。🌟豬皮爽口彈牙，嚼勁十足。🌟芝士丸、牛丸和香菇丸，一般。同普通凍肉店的丸一樣。🌟生菜份量足，都好新鮮爽口。雞煲味道真係唔錯，好惹味，幾好食。其他就不過不失。

我今晚和朋友第一次去屯門橋底雞煲。到達店舖後, 店員就帶咗我們去舖頭對面大廈地下的一間地舖。當我們進入後,發覺內裡是沒有任何裝修及有點殘舊,只得五張接枱。我們是舖內的第二張枱客人。我心想,吃東西都不計較環境咁多,就坐下,叫了一個二人火鍋雞煲。之後, 男待應都算很有禮貌地給了一盤滾水給我們洗碗筷; 這時, 我朋友要求男待應給兩杯熱水給我們飲,但該男待應說熱水未煲好,所以不能提供。我心想點解有熱水洗碗筷,就沒水給客人飲呢？其後我發覺, 凡有客人要求熱水飲時,他都會這樣回答。我估計是老板教的,原因是……我們叫了餐後,不到五分鐘,火鍋生配料就送到枱上,但雞煲遲遲都不能送上, 等了20分鐘,我追問待應,他說客人多的关係。可是我發覺我之後入坐的第三枱及第四枱的雞煲都上了枱, 原來是女待應誤張我order雞煲送錯枱。最後, 我們足足等了30分鐘,店舖才將雞煲送上。剛吃完雞煲時,筷子都未放下, 該女待應就要求我們埋單。但當我看到張單時,我真有點激氣, 原來一間完全沒有服務的店舖,它居然有一項加一服務費, 試問這項收費合理嗎？啊!香港有這種店舖,怪不得港人,喜歡北上消費啊 這店舖老板做生意,賺錢都完全沒

呢排天氣涼咗 突然間想食雞煲😋依間雞煲之前都有食過 但係已經兩年冇食啦佢嘅味道都keep到水準😍😍😍超級夠味 惹味der~~~~另外我哋仲加咗$45 (+鴨舌) 好食😋餐廳可以選擇Set/散叫我哋覺得個set冇乜特別所以就散叫最後埋單都要七百幾蚊 價錢有少少貴因為配料嘅份量唔係好多 (我哋揀咗半份)🤣餐廳嘅環境都OK坐得幾舒服😌

天氣開始涼涼地，除了煲仔飯同打邊爐，最想食一定係熱辣辣嘅雞煲啦！餐廳環境唔算寬落，但一樣坐得舒服，勝在無限時，可以三五知己圍爐取暖，慢慢傾。我地叫左麻辣隻雞煲，鮮雞肉質嫩嫩，調味佳，配料多，好惹味！吃完雞煲之後的醬汁只要加入雞湯又可變身成為湯底，叫定安格斯牛肉，海鮮或其他配料食材，又可以盡情吃火鍋，一舉兩得，好正！

大約晚上八點叫外賣，叫了一份套餐A，店員回覆蔬菜沒有，補回西洋菜。大約等了45分鐘，店員才表示剛剛完成。回到家中發現無了海鮮及蔬菜，打電話到舖頭店員回覆知道執漏，叫我落去攞返。落到門市，沒有店員在鋪內，等了10分鐘要入廚房搵廚師先知道有得攞，再次返到屋企時發現蔬菜變了蘿蔔，第三次打電話到門市，門市職員話有同客人講冇晒蔬菜，但我只知道他比漏東西我，電話中態度10分惡劣，但因為家中沒有人吃蘿蔔，到最後我又要再落到門市玩食材，對橋底雞煲屯門店10分失望。

味道：微辣雞煲味道尚可，不過應不足料，半隻雞雞煲應該無半隻雞份量，另其他套餐配料只係放題質素環境：實在一般，不過預期為排檔格局小店，故尚可接受價錢：很少見部分枱/位設街邊嘅小店竟要加一，仲要埋單先知(或許顯示不當眼未有為意)，以我所知，附近設街位嘅小菜/串燒，全部不設加一態度：牛肉/水魷上枱時橫掃枱面，與店員四目交投，未有任何發表，展現出真我個性總括而言：綜合味道/態度，性價比之高，應該係附近設街位嘅食店之最

屯門名物橋底雞煲，今次一行11人去食，點左2個雞煲，1個唔辣，1個小麻小辣（麻度同辣度可以唔同）。雞煲一上黎就可以食得，唔單止夠熱辣辣，又好味又夠入味，連洋蔥都已又林又甜，維持一貫水準👍🏻👍🏻👍🏻食左雞就緊係加湯打邊爐，湯底係清湯，同雞煲個味都夾（無衝突😂），係正常嘅。不過，打邊爐嘅食物就無咩驚喜，無特別好食或者唔好食，質素一般，但同價錢係成正比。我地總共叫超過20款食物，都係正常常食，我就唔逐樣打出嚟😂最後，環境同衛生都係屯門普遍大排檔水準，有潔癖嘅朋友就要慎入😏麻辣版 (唔係相䑃，係熱到出晒煙）唔辣版 （係煙阿🤣）

天氣開始涼 又係去食雞煲嘅好時候💃約埋兩個朋友一齊去食🐔雞煲女仔本身細食 所以三個人叫咗一隻雞加左一份鴨舌（微辣）我最鍾意呢度嗰個雞煲醬夠晒濃 唔會太清淡 本身個人鍾意雞煲🤤食重口味食晒啲雞 之後可以再叫其他配菜用個雞湯底打埋邊爐 簡直係完美組合👍🏻講真三個女仔都眼闊肚窄 叫咁多嘢食都食唔晒好彩佢好多嘢都可以叫半份唔使夾硬叫食一大份食唔晒又晒野 咁都唔錯👍🏻希望多啲鋪頭可以好似佢咁樣有半份咁叫唔使浪費食物同埋呢度仲有涼茶order 清下熱氣 都唔錯 👏🏻秋冬天大家又有個好選擇啦😎

屯門內竟然有一間咁滋味嘅雞煲，原來雞煲加埋鴨舌係可以咁好味！呢一個雞煲味係會令人不定期就會想番去食！因為個味道好好加埋竹苼落去吃吸埋個汁d味好好味^_^下次我都會再來！very delicious~~

雞煲醬汁夠乾身，每塊雞件都包住醬汁，亮點是那個惹味濃郁的自家秘製的醬汁，客人可選擇大、中、小、微辣，及大、中、小、微麻辣，甚至走辣，口味按客人喜好秘製醬汁，令人回味無窮。雞件本身醃好味道，配合自家醬汁大火爆熟收汁，原煲炒以細火上桌，香味四溢，令雞件香口而內嫩又Juicy，滋味非常，小編忍唔住叫左枝大啤!

第一次試呢間橋底雞煲！叫左少少辣好惹味呢間唔似其他放題 係散叫嘅細食又想試雞煲就可以試呢間了😂食物質素真心唔錯但因為小店小本經營坐得的確唔太舒服但咁抵食都無辦法啦

因為連續兩次好食經驗，所以今日叫埋老友同住九里遠嘅女友一齊嚟試下，同樣叫中辣小麻雞煲，雞依然嫩滑，不過比咗小辣我哋，我老友覺得啱啱好，但小辣點會滿足到我同女友口味呢，所以中段叫加辣，後加始終差小小。配料今日可以試多少少，因為三個人，全部係好料，只係今日無鵝腸換雞腸，雞腸都美味嘅，女友厨神都話新鲜，我個人都係愛鵝肠，另外估唔到午餐肉同苟菜餃都咁好食，尤其午餐肉。 其它依然正斗題外話，今日一入去叫啤酒，肥妹仔己知叫青島，呢啲咪做嘢囉，仲有其他兩位又同我女友吹下水，嘢好食，服務又好必定再來，唔係賣廣告、好要贊，差就彈，真金白銀！要值！

隔幾日同兩工友再到呢間嘢食，因為好食再嚟。店員認得我同其中一位朋友唔奇，因為只隔幾日，劲嘅係記得你order啲乜嘢，呢位係肥妹仔態度好又有記性，我差點想追佢。另外仲有個幾靚唔長唔短頭髮嘅靚女，又有較成熟嘅姐姐，再加一位年纪大伯伯。都比到客親切感，街坊feel，簡單幾句話，客人舒服亦不覺煩擾。言歸正傳，今日叫一隻雞都係中辣小麻(上次同今次店員都提客人呢間嘢大辣會堅好辣，我心諗我返大陸食辣連四川妹都怕，不過提客人係贊嘅，因身邊工友受唔到咁大剌激)。唔知係咪心情問題，仲好食過上次。 雞煲呢度唔差，上次己經講過，至少屯門區以我評係數一數二。 重點係第二次嚟上述店員會記得你上次食過乜，昵間嘢好似大家庭咁feel。連食兩次食品都唔差，上次嚟都覺得班店員掂，今次經歷必再加分。 身品同店員都好，屯門友未試要試下。建議差不多食完雞未加湯就加份鵝腸煮，好香

今日同工友經過入去試下，雞煲夠味幾好食，店員都有禮貌，配料亦都新鮮，諗唔到咩特别要提，因為更有質素嘅雞煲有好幾間，如果住屯門可以嚟食下，因為更好嗰兩間己經執咗。無嘢好寫，為咗夠二佰字继續。牛囉！ 唔差鵝腸！滑囉，香囉，唔係食膠帶果種雲吞！正路嘢囉貴妃蚌！周圍都咁上下蘿蔔！無渣脆脘腩！唔會好细舊☝️即係新鮮環境就無乜，食雞煲學乜欣賞環境，最緊要隻雞好味夠味，大大啖啤酒隊，同老友講嘢可以大大聲，夠字了。