Video
Introduction
店內色彩鮮艷的裝修顯得份外精神,小窩米線和撈米線用料份量豐富,配料選擇多,供食客自行配搭。
continue reading
Opening Hours
Today
11:00 - 21:30
Mon - Sat
11:00 - 21:30
Sun
11:00 - 20:15
Above information is for reference only. Please check details with the restaurant.
近排食米線食上癮，今日就黎咗中環呢間米線舖試下睇下得唔得先。3拼小窩米線 $60 x 2 📌金獎腩肉(+$2)+牛展(+$2)+無錫骨(+$2)(小麻辣)金獎腩肉雖然肥瘦相間，但入口時既不膩口又彈牙；無錫骨(豬軟骨)軟嫩入味，白色軟骨也可輕易咬開；牛展肉質結實，牛味濃郁。📌豬大腸(+$2)+墨魚仔(+$3)+鴨腎(+$2)(小麻辣)豬大腸洗得幾乾淨，無腥臭味，咬落去有嚼勁，味道口感俱佳；墨魚仔滷得入味，鮮甜彈牙；鴨腎肉質緊密，味道甘香爽脆。店員話湯底是自家製純豬骨湯，每日熬製10小時以上，唔怪之得湯頭如此濃郁芳香，味道鮮美；我再混合由店舖親自烹調的秘製辣椒油一齊享用，入口香辣而不嗆喉。另外，原來酸菜都係自家醃製，甜酸度剛好，果然零舍唔同。兩碗米線口感軟硬適中，掛湯能力相當不錯。除此之外，碗裡仲有大量芽菜、韮菜、酸菜、芫荽、蔥及肉碎，非常豐富，如果唔喜歡食某樣配菜，記得要提早揚聲。📌豆漿 +$6 x 2豆漿飲落好舒服，唔會太甜，可幫助解辣。總結呢度米線大大碗，份量十足，食材豐富，價錢親民，米線控絕對不能錯過。
continue reading
今日收工同同事想飲杯嘢前 簡簡單單食個晚餐 就嚟咗附近食米線配料都幾多選擇三拼小鍋米線 $60 $60有大大碗米線 仲有好豐盛嘅配料湯底係純豬骨湯 姐姐話係每日熬整10個鐘頭以上飲落味道都幾濃郁我揀咗小麻辣 帶少少麻香 又唔會太辣 幾好飲der~-金獎腩肉 +$2大大片腩肉肥瘦均勻 炆得好淋好入味 又唔會太油膩幾好味 難怪咁多人嗌-豬大腸 +$2一樣係煮到入晒味 但仍然keep到有口感 好好咬-魚腐吸晒啲湯-豬頸肉 +$3幾厚身又幾juicy-台灣腸好少見米線有得揀自家樽仔奶茶 茶味又幾香濃overall都唔錯 同幾抵食
continue reading
呢間之前喺米線關注組大獲好評😆終於得閒去試吓原來湯底咁正！豬骨味濃郁但完全唔油膩 食完都冇口渴🍲仲有韭菜 酸菜 芫荽 芽菜 少量肉碎 米線亦都好軟滑 聽店員姨姨講 原來每日都熬製10個鐘以上 唔怪得咁濃味 原來仲幾受遊客歡迎 隔離幾台都有啲遊客🫶🏻配餸特別推介腩肉 好入味 好軟嫩 豬頸肉都好正好爽脆🥩另外都試左無錫骨 即係豬軟骨 炆得好淋 但唔會好霉 同樣好入味🥓佢飲品有樽仔奶茶 都幾香濃 茶底都幾香 豆漿好滑好濃厚 唔會太甜🙌🏻
continue reading
🍽️ 豆漿🍽️ 雲耳青瓜小菜食辣之人不能錯過，啲醬汁好入味，幾fresh！🍽️ 三拼小窩米線⭐️ 無錫骨、豬膶、魚腐⭐️ 無錫骨、豬紅、牛展呢個湯底都唔可以睇小，係純豬骨湯，每日要熬製10小時以上！好可惜去到夜晚佢哋嘅王牌腩肉已經冇晒😣😣 雖然食唔到佢哋腩肉，但試咗同樣都係王牌既無錫骨，份量好足又夠曬入味😋😋其實咁多款去揀自己想食嘅，作為困難選擇者，其他菜都好ok～ 舖頭入邊嘅酸菜、辣椒油、麻辣湯底都係店舖親自烹調。唔少得係芽菜、韮菜、酸菜、芫荽、蔥及肉碎，非常豐富，相信男仔嚟食都會足夠！
continue reading
係米線關注組出現過既米線，順路行過黎試下，有中環店唔去直行去左上環店，呢間店既哥哥幾親切，笑容滿臉。中意呢度既炸醬香辣，仲係肉粒有咬口，唔係打碎晒既果種。腩肉幾大片會唔會太多，肥瘦適中， 唔怪得叫金獎。 蘿蔔清甜一定要叫，聽到隔離枱都有落。米線口感岩岩好唔會韌但又唔太淋，夾埋酸菜同芽菜食爽口， 自家製既豬骨湯底有酸辣同麻辣，中麻辣唔錯。腌青瓜是送的， 酸甜脆口好開胃。🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🍽️：橋香園雲南過橋米線📍：威靈頓街91號地舖🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲🌲 #米線關注組 #橋香園雲南過橋小鍋米線 #橋香園 #過橋小鍋米線 #米線 #牛肝菌 #腩肉 #豬大腸 #雞腎 #無錫骨 #香港美食 #香港探店 #香港米線 #中環美食 #上環美食停不了
continue reading