Video
Additional Information
總廚吳生做廚二十年，係香港知名大公司主廚，曾代表公司參賽拿奬。吳生咁資深嘅大廚做起清湯腩來駕輕就熟。2020第一間係觀塘物華街落腳，就引起唔少轟動，在疫情肆虐期間迎難而上，憑藉專業嘅水准，嚴格的品質控制，先後在油麻地文明里及旺角登打士街再接再厲，在唔夠三年時間連開三間分店。堅持傳統做法，倍受食家追捧。引起各媒體注意更爭相採訪⋯⋯
Opening Hours
Today
10:00 - 22:30
Mon - Sun
10:00 - 22:30
Above information is for reference only. Please check details with the restaurant.
今日收工太肚餓係公司附近搵野食，醒起早排同事介紹話呢間啲牛腩好正，就一於去試下🤭鋪頭裝修簡潔，但係感覺好乾淨企理👍🏻清湯牛腩河🐂個湯底好清澈，飲落去好鮮甜，完全唔會有味精嘅感覺😋牛腩炆得好淋，而且完全唔會柴唔靭，每一舊牛腩都充滿牛肉嘅鮮味，肥瘦適中，完全唔會覺得膩。河粉嘅份量都幾多，夠晒飽肚。個湯底同牛腩嘅味道互相配合，真係好正😋咖喱牛腩飯🥘🐂呢個咖喱牛腩飯真係好惹味！咖喱汁濃稠適中，唔會太稀，亦都唔會太杰，咖喱味香濃微辣🌶️但係唔會搶咗牛腩嘅味道。牛腩一樣炆得好淋，咖喱汁嘅味道滲透咗入牛腩裡面，令牛腩嘅味道更加豐富。飯嘅份量都幾多，而且粒粒分明，唔會太濕。成個咖喱牛腩飯食落去好滿足，而且暖笠笠嘅，啱晒冬天食😋除咗食物之外，餐廳嘅服務都好好，店員態度親切有禮，上菜速度都算快。價錢方面都好合理，性價比高。👍🏻🤑 人均消費：～$75🤩 推薦指數：8.5 / 10📍 餐廳資料：正九清湯腩 (群星大廈) (觀塘)觀塘物華街19-29號群星大廈地下C號舖☆.。.:*・°☆.。.:*・°☆.。.:*・°☆.。.:*喜歡我的食評請Like & Follow🫶🏻 @umi.bengal.foodie#foodie #foodies #foodiegram #foodielife #foodiehk #hkfood #hkfoodie #hkrestaurant #香港美食 #香港好去處 #香港打卡 #香港探店 #香港必吃 #香港美食攻略 #觀塘美食 #清湯腩 #爽腩 #坑腩 #正九清湯腩
continue reading
🏥今日陪爸爸複診之後，去咗對面嘅牛腩麵檔。.唔知你哋屋企嘅爸爸係咪一樣都好鍾意食牛腩麵?每次同佢出街食飯，佢都會建議食牛腩麵!👴🏻👴🏻.今次都唔例外，複診之後就同佢去咗街市嗰邊食呢間平時成日經過又未試過既< 正九清湯腩> 原來係總店。.入到餐廳人流好多，見到好多老街坊同店員傾偈，好有人情味❤️，有個客叫咗碗牛腩擔擔麵，我聽到之後覺得好特別即刻就嗌咗碗。.超級出乎意料地好食，佢有得揀 辣/唔辣。我今次揀咗小辣，佢個辣味超級香，係麻香😍有驚喜，同平時出面食既擔擔面好唔同，呢個好惹味。.平時上海舖嘅擔擔麵通常係配豬扒，配牛腩真係第一次，牛魔王嘅我表示很滿意😌😌平時食豬扒定食唔晒，但佢啲牛腩整得好腍，成碗比我清晒。.當然唔少得爸爸嘅comments, 差唔多80歲嘅爸爸，食牛腩麵既日子多過我做人的日子。.表示牛腩夠腍 無牙🦷都食到，成碗清晒，仲話覺得啲湯好似冇味精，好滿意👍🏻👍🏻👍🏻👍🏻
continue reading
今日經過觀塘物華街見到正九清湯腩，好耐冇食粉麵，記得呢間咖喱好好味，店內坐滿晒客人，口碑不錯。地方雖小，但勝在乾淨企理，小店價錢亦合理。今次試左最鍾意的咖喱牛肚，下次一定要試下呢度馳名清湯腩，見到差不多每枱都點的，確實好吸引咖哩牛肚米濃郁咖哩配上爽彈牛肚，湯底鮮甜，不錯啊腐乳通菜一向好鍾意食腐乳通菜，腐乳好香口，充滿小店風味凍奶茶凍奶茶茶味濃厚，口感幼滑整體來說，店舖雖小，但食物水準不錯，可以一試
continue reading
每到週末家人總喜歡來幫襯這間小店，只因這裡的清湯腩河特別出色，而且價錢大眾化，ＣＰ值相當高。難怪食客不絕，深得觀塘街坊喜愛。而牛腩好食的部位(崩沙腩、坑腩、爽腩)特別快賣晒，是日無緣食到，明天請早！清湯牛腩河(加牛筋) $52+$12牛腩肉列陣切得工整，煮得軟腍。牛筋通透上色，軟彈口感好入味。湯底清甜牛味濃，配河粉食好正，湯可以一滴不留飲晒。紫菜三寶丸米粉 $43有齊魚蛋、墨魚丸、牛丸，三款肉丸都好彈牙，味道唔錯，配米粉清清地幾好食，有紫菜，幾抵喎。炸魚皮 $20炸魚皮脆卜卜，配湯河粉食，完美到呢。酒味醉雞(轉雞脾) $55特別揀了雞脾部位，雞肉雖然好軟嫩，但酒味唔多入味，期望太大有點落差，下次都係主攻牛腩吧！凍菜蜜 $8熱檸茶 $8飲品跟餐抵，大大杯，味道正常發揮。
continue reading
我今日出去觀塘買日用品， 順道約同好友去位於觀塘物華街19-22號群星大廈地下C號舖的正九清湯腩l食午膳，小店型式經營，坐得舒服。我點左個 清湯牛三寶（牛崩沙腩、牛肚、牛筋）撈粗麵 $82，好友點左個 清湯牛三寶（牛肚、牛筋及牛腩）湯幼麵 $64；另外點左個 腩汁蘿蔔 $15，油菜係菜心 $19，餐飲係凍鴛鴦 $8 和凍檸蜜 $8。牛三寶的牛腩炆得軟腍入味，牛肚好味，牛筋有咬囗，牛腩（尤其崩沙腩）牛味濃郁好味，麵底爽口好食；油菜（菜心）新鮮青綠，腩汁蘿蔔爽甜；凍駌鴦和凍檸蜜好飲。
continue reading
You may be interested in