正宗山西刀削麵店 (Closed)

星期六午飯時候黎到, 門口有幾個人排緊隊, 不過等左5分鐘左右就有得入!一行二人叫左一碗紅燒豬手刀削麵 ($45連凍豆漿), 同一個牛腩菜飯($45)。呢到上菜習慣逐樣黎, 比碗菜飯你先, 再比牛腩  牛腩入味, 夠腍, 份量都幾多, 碗菜飯就普通, 不過好大碗!等左15分鐘左右刀削麵終於上枱, 係咪逐碗整架呢所以都要等1段時間? 豬手有成4大舊, 炆得好腍, 但豬皮仲係爽脆有口感, 非常不錯, 刀削麵煮得岩岩好, 份量夠, 加d辣椒油perfect! 呢到既麻辣都唔錯架, 值得一食再食既刀削麵!

食過呢間既湯刀削麵，麵質係幾彈牙，但整體覺得無咩特別。但撈刀削面真係出色好多！叫左個雙拼-牛𦟌拼燻蹄兩者都好爽口，份量好多，兩個人食既話可能未必食得哂主角-手撕雞冷刀削麵非常出色既醬汁，橙色係有d似泰色味道既麻辣醬，加辣椒油、醬油同蒜粒撈埋一齊，重口味之餘又好惹味！手撕雞同青瓜絲份量好多，食到尾都仲有。刀削麵好彈牙，每條都輕易沾滿哂醬汁不過食到尾就會覺得有d咸同油左少少，btw重口味既人記得要試下呢款麵！

在荃灣工作一年 這是我最愛的午飯食店幾乎每星期便相約同事吃一次很多同事也會點外賣~有咬勁的刀削面，是師傅即叫即削的，一個字: 認真😄 面的湯底是清湯 我一定會倒配肉的麻辣汁來配面食!!!麻辣牛肉 麻辣牛腩 麻辣豬排 麻辣豬軟骨 麻辣豬頸肉 我全都試過還是薄片的牛肉最可口這裡的冷刀削面也挺清新的 很多配料惟辣度不夠但食到一半會覺得有啲悶/膩午餐還送豆漿解辣呢～半年前 古舊的裝潢更顯風味午飯時間永遠都要排隊，裝修後味道&份量完全沒有改變，也較易等位 )

之前都有同老公食過，但上次我唔舒服就冇叫麻辣。我地大概7點半到去到，都已經排哂隊，好彩等左十分鐘到就入得我就叫咗麻辣豬頸肉刀削麵，而老公就叫左麻辣肥牛刀削麵，配凍豆漿。豬頸肉好快就到左，我就覺得蒜味強過麻辣味，鍾意食蒜就岩哂，佢係一粒粒禁切，唔係一patpat個d蒜蓉黎，豬頸肉同刀削麵係分開上，所以唔使驚個味會淡左，而麻辣肥牛刀削麵就成碗上，又另一種風味。想讚下既係有個女員工好好態度，我地坐低個陣發現地下有人吐左痰，叫佢幫我地拖一拖佢都即刻做，或者你地會覺得佢應份，但人地都可以唔理你繼續忙，不過佢選擇客人為先，所以幾抵讚

今日晚餐去左荃灣間山西刀削麵食叫左一個牛肚五香牛肉刀削麵送凍豆漿一杯....另外叫左個小籠包同生菜碟生菜外貌非常不討好不過食落都ok ge 鹹左小小姐.................小籠包舊肉好"孩" 又無咩汁 一般般.........不過碗麵係幾好既 (食左一半先記得要影相😂) ......個牛肉好有牛味牛肚絲麻麻地 無咩特別 但麵質幾好 幾滑 個湯好夠味 不過相信落左好多味精..................

我本身住荃灣，我近期好欣賞呢間刀削麵，所以經常幫襯，一向都無乜問題，直至昨晚我太太買咗碗刀削麵返嚟，變咗碗米線，我立即去換，點知個個女店員落錯柯打又再唔認，話已經問過我太太幾次係咪米線咁話，講真荃灣路德圍有咁多米線店咁多選擇，呢間店買刀削麵出名，我當然想食刀削麵喇，我又點會刻意食呢間米線，其實重點係店員啲質素好差，落錯柯打唔肯換，不特止，仲要將責任推卸給顧客，我認為食材無問題嘅，但我奉勸大家落柯時最好清楚，外賣時檢查清楚才好離開

香辣豬軟骨刀削麵（$48）麻辣燻蹄刀削麵（$48）麻辣牛腩刀削麵（$48）👅之前試過荃灣另一間山西刀削麵唔算特別好食，今次試下朋友仔推薦既呢間店😎唔知兩間係米同一間呢🤔🤔呢間既刀削麵有煙韌度，但唔係我食過最有咬口既😀但好中意啲麵既麵粉味好香😋😋啲湯既咸度岩岩好👍🏻豬軟骨最好食😝😝夠林夠入味🤗但啲燻蹄好辣🙈🙈我就唔識食，同埋食食下會覺得有啲膩🤔

新年過後心癢癢掛住刀削麵，星期六OT一陣之後，特登同男朋友揸車黎食，無食兩個月就好掛住可能午餐時間，黎到都要等十分鐘先有位我叫麻辣薰蹄，男友叫左麻辣牛腩再加個大既麻辣豬耳，仲有碟菜添，太餓，食左先記得影相刀削麵真係無得頂，口感一流，叫扣底後我都係食唔哂

今日唔想食茶記，又係肉，肉，肉。去左路德圍呢度食菜飯，諗住有啲菜食下。菜飯梗係配炸豬排啦，不過見到好多麻辣款式，又想食麻辣手絲雞，但諗諗下「麻辣手絲雞併豬排」咪豬排都麻辣囉（因為呢度麻辣醬會撈落啲餸度分開上），咪好怪？咁我同落單姐姐講只要手絲雞麻辣，豬排唔辣得唔得？佢話👌🏻原來佢將麻辣料另上，想邊樣辣，悉隨尊便，好啱我呢啲bb辣但又鍾意食辣嘅人，感覺服務到位抵讚菜飯唔油，都好多菜。豬排無鬆肉粉味，炸得香脆。鍾意個手絲雞伴好多青瓜，無咁漏。整體味道其他食客多數食刀削麵，下次試下先

早上考完試後，小編趕住去返工，只想快d食個簡單午餐就離開，所以行經依家刀削麵店時就立即入左去~刀削麵款式都算多，可以跟餐也可散叫，小編最後選左魚腐刀削麵配熱豆漿 ($45)~魚腐唔係平時圓形那款，而是四方形，質感都唔錯，而且食到魚腐味~ 麵質厚度及軟硬程度適中，味道唔錯~ 熱豆漿都幾熱，第一啖飲差點兒燙親~整體味道都唔錯，小編食後覺得應該加多$3作雙併，咁樣小編可以試多一款餸~ 到小編差唔多食完時，店內已經坐滿8成人啦，依家餐廳都幾多人幫襯~

山西刀削面煙韌彈牙，而且每碗的份量都是偏大的，即使order了「小麵」，仍是滿滿的麵底，很有飽足感。雞翼滷得入味，色水夠深，肉質尚算嫩滑，但比較受歡迎的相信一定是豬牛內臟。豬肚爽滑乾淨，大腸也是滷得超入味。必試麻辣金錢肚，爽口之餘加上辣味刺激味蕾，配口咸香湯底，彈牙刀削麵，確是多種口感的享受。即使餐廳內環境較狹窄和服務員態度一般，食品的良好質素還是會讓你妥協，繼續長期惠顧。客人也不時需要門口排隊等候入座。

星期二晚放工同男朋友行荃灣，見到依一間舖頭..男友話依一間好耐之前食過話好好食，唯有入去試一試先🤗🤗平時行過依頭都會見到出面有人排隊，應該都唔會差得去邊既男友就揀左麻辣熏蹄刀削面我就食雙拼刀削面都係麻辣（揀左五香牛肉...即係牛展同埋豬肚）不過個湯底就唔辣既..如果有埋辣就更好啦最後仲叫左兩個小食青瓜同埋泡椒鳳爪...鳳爪比我預期中差...唔辣既如果係野山椒鳳爪會好食好多😬😬

話說呢間刀削麵大隻積真係由細食到大，今日同朋友講起原來默默地呢間野竟然變左聖地，所以大隻積都要黎分享一下咁多年黎既經驗。常食推介：五香牛肉雲吞刀削麵加蒜呢個我真係最常食。五香牛肉係佢間鋪既推介，如果係第一次去食既，會建議你先食呢一個。牛肉好Lum好入味，次次都要食。另外，雲吞係手整嘅，純綷因為自己好鍾意食，私心推薦haha麻辣推介：麻辣豬耳刀削麵另外佢嘅麻辣都係好多人食嘅，其中我最鍾意麻辣豬耳，因為自己平時好少食豬耳，但佢個麻辣加埋豬耳真係好正！記得雖然佢張枱上面係有辣油，但同佢個麻辣係唔一樣架！所以如果鍾意辣既朋友就真係要嗌呢個。小食：醉雞最後我想推薦嘅係佢嘅醉雞！我想講佢個醉雞真係好好食，雖然唔係我食過最好食嘅，但係而呢個價錢真心抵。同埋我覺得佢應該係自己整架，因為好家庭feel. 總知真心，請試一碟。不過有時佢啲肉會hai d,呢個真係睇你彩數 haha! 介紹住咁多先，如果有機會再介紹佢其他有特色嘅拉麵啦！（其實佢都係有賣拉麵架，不過而家要加錢我就少食左喇 )

見到好多人都話嚟荃灣一定要試下嘅刀削麵，當然要嚟試試佢手勢啦！星期五晚，8點幾去到排咗10分鐘左右就有位喇坐低先叫咗個麻辣金錢肚刀削麵😋金錢肚係唔錯嘅，切到細細條面頭好好生蒜，連埋麻辣辣椒會香口啲不過略嫌佢唔係好夠入味下面就係碗刀削麵食到我牙都軟...佢啲麵條削得太厚口感而小小似未熟透嘅年糕食到我個口好攰如果可以削薄啲就perfect喇...食左半碗已經好飽係有啲失望嘅麻辣牛肉菜飯碗菜飯超大份糧不過個牛肉本身諗住好似滑牛咁點知變咗牛𦟌以為呀姐嚟錯咗🙈味道一般啦最後介紹醉雞味道唔錯，小小醉得嚟夠入味嘅仲叫咗杯豆漿我鍾意佢唔係太甜味道適中～整體都可以嘅算係經濟嘅晚餐啦不過未必會好想翻兜囉

這一間刀削麵鋪是我第一次食刀削麵的店鋪。我每次都會食豬頸肉刀削麵，豬頸肉刀削麵的份量好多。刀削麵的麵底好厚，不會太薄，豬頸肉的份量都幾多塊。刀削麵的湯底非常濃郁。非常好食。😍😍