正宗山西刀削麵店 (Closed)

上星期五晚晚飯時段,突然好想食刀削麵平時黎呢間都係嗌涼拌豬耳刀削麵但呢次想轉一轉就叫左熱拌豬耳刀削麵涼拌個汁個蒜啲同後勁勁好多熱拌呢個汁就無咁辣食物可以 好有嚼勁不過呢間刀削麵人真係好多 舖都唔係大一個人食等位都等左15分鐘左右而且無飛仔派無得行開

男朋友一直食開，佢話好味就帶左我去食，本身想食麻辣，不過喉嚨痛最後簡左牛肚魚腐刀削麵，湯底夠味，刀削麵夠彈牙，吾會好似食緊太軟既麵。男朋友推介炸醬必食佢話好食過x仔啲炸醬哈哈⋯另外配豆漿不過可能都多人去食，要排隊等等位。

今晚李公子指明要食刀削麵，一於去荃灣路德圍啦，夜晚7點左右到，剛好門口的四人座有兩個空位，因繁忙時間，都是要搭桌的，全店滿座。望落個menu，都算多選擇，有埋年糕可選。熱拌，上面橙色是辣醬，好香，令到碗麵更加有味道，碗麵個底會比較多水分，套餐連一杯熱飲，熱豆漿，不會太過溝水，還好。李公子特意叫左有湯的刀削麵，湯麵都會濃味，可以唔加調味料，而豬頸肉則是分開上，底有麻辣汁，香！埋單兩個人既價錢，可接受。

早上十一時經過荃灣，原本想來快閃吃個米線，可是時間太早, 附近的米線店都未開門。好想食辣，見這間山西刀削麵已在營業，所以就入來試一下。由於時間太早，我是唯一一個客人，點了餐，話咁快就到。單拼45,雙拼48, 當然係叫雙拼，岩哂我呢啲一次過想食多唔同野嘅吃貨。麻辣肚絲拼大腸，麻辣醬下了不少，但唔算好麻辣。鹵水大腸炆得淋淋又入味，好食。肚絲爽口清涼，配埋麻辣油蒜蓉真的好開胃。蒜泥豬手，份量不少。豬手煮得淋，又有點咸香;蒜泥中有生蒜粒，加入了酸醋，令豬手冇咁膩，味道清新感立即提升了不少，十分驚喜。刀削麵配以多䓤醬油湯底，麵質煙韌好咬口，大大碗非常飽肚。 加多杯冰凍豆漿，唔太甜，非常滿足。

話說想食蘭州拉麵所以去番原本係橋底果間，點知去到見到光榮結業，門口大閘又貼左張紙話想食可以去其他分店，見呢間係附近未去試下，點知中伏！佢地原來冇賣拉麵，咁好啦於是叫左個麻辣豬扒刀削麵，個fd就叫左雲吞刀削麵。首先個炸豬扒係又乾又硬，我諗佢已經炸好放係度好耐，而以前係即炸鬆脆可口既。而個刀削麵本身真係唔知想點，麵身又硬，有厚有薄，有長有短，似粉條多過刀削麵..跟住朋友個雲吞佢地係唔識包既，因為d雲吞皮可以就咁拿埋一注，煮唔透變左好硬，上海雲吞皮用香港雲吞包法，都好創新。

自從荃灣的刀削麵店出左名之後都好耐無黎食過喇, 因為每次經過也大排長龍, 而且坐得非常擠迫。不過今天和同事說起此店, 就一於來碰碰運氣啦! 幸運地, 我們一行 4 人中午時間來到, 不用等位便可入座了。店來的環境一般, 兩邊排著四方桌。這裡最出名就係刀削麵喇, 麻辣至啱我地口味, 於是點了 4 碗麻辣”麥麥”刀削麵啦。每款麻辣刀削麵(跟一餸) 配豆漿或熱飲, 承惠 $48。每款餸同麵係分開上嘅, 所以有四款麻辣餸可以 SHARE 食:麻辣豬耳 - 四款之中, 辣度最少, 豬耳切條夠爽口, 蒜蓉味偏重麻辣牛肉 – 上碟後發現原來係五香牛展黎, 牛展切薄片鹵得夠入味, 配上辣油及蒜蓉很惹味, 不錯!麻辣牛腩 – 牛腩比較韌, 食 1-2 小塊已經有點 UN 心 UN 肺麻辣燻蹄 – 麻辣配燻蹄是很匹配的組合, 涼拌夠開胃, 辣辣地味道很夾, 好吃!每款餸的份量挺多的, 可是麻辣醬分佈不均, 有些很多, 但豬耳卻只有少量麻辣醬在面。麻辣味不算正宗, 沒有花椒粒, 亦沒有麻得感覺, 似辣椒油加蒜頭粒(因為切得頗大粒的，蒜蓉或蒜泥較好)淋在面上, 吃前要先拌勻啊。不過味道尚算不錯, 如果喜歡重口

今日跟朋友去左荃灣打羽毛球，換完衫都已經十點幾，好多鋪都收左。最後黎左食刀削麵， 估唔到咁夜都坐滿人。打完波好累唔想用腦，所以就要睇圖叫野食😂小弟唔食辣好麻煩，所以叫左豬軟骨刀削麵。點知....咁鬼大碗。豬軟骨勁大舊勁淋，d骨都好易咬。刀削麵個闊度都幾似河粉，但口感完全唔同，食落感覺唔似用機器整，好好味。不過跟餐杯豆漿唔夠喉;如果唔係咁夜食會叫多杯。

終於有幸食到路德圍呢間出名嘅山西刀削麵原來好多人黎食，等位等左一陣先有位叫左個擔擔醬加豬耳擔擔醬一上枱已經好香辣味，但食落口唔算辣，夠香口。入面d肉碎瘦肉較多，唔會好肥～豬耳比較幼條，淋身，我自己就鐘意食爽口卜卜聲，所以麻麻地～另外男朋友叫左個紅燒豬手滷水雞翼，豬手無咩肉，膠質同骨較多食唔到幾紅燒，反而雞翼夠入味。不過唔知點解個麵夾起黎好滑，底中間好似有少少硬身～呢到都勝在夠大碗都夠惹味，係坐得逼d辛苦d～

又是我的荃灣日記系列，是日為星期五，與數名舊同事來到荃灣吃頓簡單午餐，選了這家山西刀削麵店。認真想了一下，刀削麵我還真少吃，沒啥經驗，評價應該也不太準吧......香辣豬軟骨刀削麵: 先說豬軟骨，所謂的香辣我起初還怕太辣，誰料毫無辣味，反而像極微辛的黑醋豬軟骨，算入味和軟腍。麵底方面份量還真不少，甚感飽肚。粗切的刀削麵造功蠻紮實，質感爽而彈，還不帶粉黏，配上香甜湯底，光吃麵也不感味道單調......!

呢間係朋友介紹既，去開個頭就去會一會佢先😏😏 一去到已經有人係到排隊，不過入面都會搭枱 所以其實都好快有位😗🙃😗-1️⃣) 刀削麵好味喎😳😳😳煙煙unun😍😍😍湯底又好味😚😚😚😚-2️⃣) 口水手撕雞👄💦🐔，份量比想像中多👍🏻，而我同男朋友👦🏻都係怕辣🙅🏻‍♂️🙅🏻🌶，所以揀左款無咁🌶既，味道岩岩好 🐔又入味😚-3️⃣) 小龍包🐉🍞都唔錯，皮又唔會話好粉😋😋-💡總結：價錢親民，質素又幾好，如果唔係我住到同嗰到天南地北，我都想再去食啊😫

呢間舖我已經食過好多次都介紹左身邊既朋友去食第一次寫佢食評最最最鐘意食佢既豬頸肉因為一d肥肉都無仲要邊係脆脆地非常好食其他既豬肚絲、雞絲都好好食麵又彈牙～味道岩岩好～我會落曬d辣醬係湯度食有蒜蓉好香好野味

叫左個套餐$48 - 麻辣豬軟骨刀削麵（少辣）配凍豆漿麵同豬軟骨係分開上，所以即使個豬軟骨好辣，個麵唔怕會太辣食唔到其實係第一次食刀削麵，都幾好食。麵條粗幼厚薄不一，可能因為係人手造既關係。麵底個個湯底幾好飲，唔油，不過唔知係咩湯右手邊黑黑個碟就係豬軟骨，豬軟骨好入味，肉質唔乾，但軟骨部分比較硬，唔係咁容易咬。少辣對我黎講岩岩好，上面淋左啲辣椒油同蒜蓉 整體唔錯，但係就唔太鐘意豆漿既味道，有啲怪，下次應該會叫其他飲品

刀削麵質地太硬....不論湯麵或冷麵都係好硬...要咀嚼好耐先吞到，食了小半碗個胃已受不了！立刻要放棄了這兩碗麵！😔另外，炸雲吞又錯完全唔掂，内裏餡料一食落去已經散了，又不新鮮食完一粒已經不想再食第二粒😡😡

荃灣都有好幾間刀削麵，呢一間嘅服務幾好，侍應係姨姨嚟嘅，好有心機幫你包外賣。我叫左麻辣雞刀削麵，麻辣都幾好味，最出色嘅係佢個麵，湯底甜甜地好好味，食完都唔覺得好口渴，冇乜味精，好地道。我個朋友叫咗水餃同埋雲吞，係自己包嘅，好好味。呢間鋪頭雖然地方唔算好大，但係睇到係老字號，唔會偷工減料，啲嘢食係親手做嘅。食嘅時候睇住師傅自己整拉麵同刀削麵，啲拉麵同刀削麵都係人手拉同切嘅好好味呀！價錢係算平，啲豆漿都好好飲。

四川担担醬刀削麵 $45.之前聽人講過好好食 所以再去荃灣就好想試下係咪真係咁好食🙄🙄🙄.如果有早知我唔會揀個醬 冇乜味又好hea咁 叫得四川竟然係唔辣真係有d失望😹d麵削到每條大小粗幼不一咁 咬落都幾厚實下🤔個湯先係重點 好入味 全靠個湯好味先令刀削麵加分我覺得😂👍🏻食完覺得好飽同吹大左😂碗麵都等左頗耐下先上台😂幾廿蚊可以試下既 如果特地去食就不了🤔