水門泰式海南雞飯專門店

Open Now

Now Closed

成日都想支持下佢哋😌但係佢哋份量唔少，所以唔太肚餓嘅時候會怕食唔晒會嘥🙈今晚好好好肚餓，啱晒🤩叫左個泰式肉碎煎蛋飯，肉碎好惹味，肥瘦適中，送飯一流👍🏻煎蛋邊少少脆，篤爆蛋黃仲可以撈飯🤤見到晚餐可以加配冬蔭公湯，又忍唔住叫埋😅 冬蔭公湯份量都唔少，起碼分到兩三碗，裡面好足料，酸味辣味鹹味balance得好好👍🏻本人很喜歡👍🏻👍🏻加埋我最愛嘅龍眼冰，是晚超滿足😋但係太貪心，結果食唔晒啲飯🥲

喺西灣河碼頭行過嚟，想食海南雞，一間有位坐都唔係好多人，老闆同老闆娘都好認真，除咗個海南雞飯有少少慢之外，味道都幾好，價錢平，啲飯同雞份量都好抵食，雞肉好滑無骨冇腥味，我下次有機會肯定去食多次

喺這家海邊雞飯店，個海南雞飯真係帶畀我驚喜。雞肉超級滑，啖啖肉嘅咬感又實在，食落去真係滋味十足👍🏻。佢哋咁講求味道，連雞飯都香甜入味，個個飯粒咬落去有嚼勁，真係正！海南雞汁有啲特別，唔係你平時食啲嗰種，係沙薑汁，味道新鮮又提神，提升成碟嘅層次。食落去口口都留低記憶，真係想即刻再嚟一碟！至於泰式奶茶，個味甜甜地，奶香味足，冰冰凍嘅飲落去好消暑。雖然唔敢講話超出期望，但配埋雞飯食，都算係完美嘅組合啦。🍹總括來講，呢次嘅食驗真係唔錯，絕對係個可以同屋企人朋友分享嘅好地方。下次我仲想返嚟試下佢哋嘅其他菜式，例如嗰個叉燒或者係豬手飯，聽落都好夾添！✨😋

剛巧到食飯時間， 路過泰安樓， 見到這間有得坐， 就決定試這間泰國菜， 雖然環境普普通通正正常常， 但職員好好， 落單時， 會溫馨提示係‘’辣‘’， 怕我們食唔到， 這動作雖然細微， 但感覺貼心， 就這點， 我會推薦比朋友. 個冬陰公湯好味， 大家可試試杯泰式奶綠， 味道ok， 奶味重啲，但可接受。

-本身食開綠水門，經過太安樓今次就試下黃水門，而家黃店已經愈嚟愈少🍛【唔正宗去骨海南雞飯】 $45 (8.5/10)佢呢個海南雞飯同水門雞嘅好唔同，個汁係沙薑汁，我覺得幾驚喜，呢個價錢都比得幾多肉，平平地好滿足🥃【泰式奶茶】 配餐$15 (8.0/10)見店員極力推介就試下啦，我覺得還好，還原到泰奶連鎖專門店嘅味-📍【水門泰式海南雞飯專門店】黃色招牌西灣河筲箕灣道57-58號太安樓地下A38號舖將軍澳常寧路2號TKO Gateway地下EF07號舖荃灣楊屋道138號樂悠居樂悠商場1樓27號舖🕑Mon to Sun 11:30 ~ 21:00-

太安樓除咗掃街逐檔食之外都有幾檔可以坐低舒舒服服咁食💛💛💛平時平平地食開文興記雲吞麵，今日時間比較多就揀間泰國野食吓先👻👻水門雞其他舖都試過所以幾有信心係好食🤤🍲🍲今日食個雞飯儲夠力先可以去玩叫咗一個雞飯一個豬頸肉蛋飯雞飯唔少得係油飯！就咁食已經好香，加埋薑蔥仲有滑lulu嘅雞件真係好滿足😌豬頸肉更加有泰國風味，香料同辣味唔少得，加埋半熟蛋撈埋食真係好惹味🔥🔥🔥輕鬆食飽飽、抵食又有冷氣坐，正👍🏻

🐻太安樓糧食🐻🐷泰式滷水豬手飯🍚🐻小評語：以前成日食佢個海南雞飯，啲雞又滑又好食！難得今次去到太安樓，點都要支持一下😍第一次食泰式豬手飯，唔係講笑，個泰汁真係勁好味！豬手比個汁加持左之後更加清爽曬！豬手又夠淋身！食得好開心！🤤🤤價錢又唔貴，認真十個大推介！❤️📍 水門泰式海南雞飯專門店 (西灣河)西灣河筲箕灣道57-58號太安樓地下A38號舖味道😋:🌕🌕🌕🌕🌗性價比💰:💵💵💵💵回訪度🤤:😋😋😋😋

黎到西灣河🤭最出名一定係太安樓掃街掃街掃到又熱又攰 又仲有胃口🤣咁就坐低食個飯啦⍥ 唔正宗去骨海南雞飯 ❙ $45首先佢係跟白飯🤣無油飯咁肥仔另外平時會跟兩三個汁醬但呢到無架！汁醬係一早淋左係雞件上！😬變相就逼你撈飯食不過個醬偏鹹 餸飯又幾岩呢到困然同食開既海南雞飯唔同佢無改錯名架😌😌海南雞比我地想像少但諗深一層四十幾蚊係咁上下🤣🤣好彩都幾嫩滑 亦唔會好肥薑蓉係我食過最唔油既🫶🏻不過不失 唔試無捐失😉⍥ 燒牛肉飯 ❙ $68唔跟飯可以選擇沙律菜燒牛肉份量算多而且燒得幾香🤤都有牛味👍🏻最緊要係夠稔面頭既炸蒜加左唔少分🥰又香又惹味 好好餸飯

認住呢隻黃色肥雞，叫雞梗係有保證雖然個名叫海南雞飯專門店，但係唔係淨係得海南雞好食，連個豬手都真心好出色好有水準，希望大家唔好淨係掛住叫雞而埋沒左佢。嗰日舖頭店員靚女妹妹介紹完之後，即刻唔記得晒咩減肥呀，脂肪呀！骨膠原嚟㗎者，唔使怕肥成碟啪晒～海南雞雞肉幼滑，而且無骨啖啖肉，仲要個雞皮唔會肥膩，要連皮食先正～泰式肉碎飯都料多實在，加埋著煎蛋好滿足～記得叫埋杯泰式奶茶🙏🏻 濃而不澀、煉奶又甘甜又順滑~夏天飲真係完美配搭店員靚女妹妹超級 nice 仲會推介點樣叫嘢食會抵啲～

買左兩盒飯葱油雞飯同手撕雞飯葱油雞無葱油仲要兩盒飯都生米。勁硬完全食唔到！又住得遠，打電話想了解電話又完全唔通！垃圾！垃圾！垃圾！垃圾！垃圾！垃圾！垃圾！垃圾！垃圾！

西灣河水門海南雞之前裝修過後重開，斬雞位置由以前的廚房搬左出鋪頭門口位置，原因不解，但見太安樓人來人往，暴露係太安樓空氣中，買既俾錢既人口水好容易飄到落食物上(雖然有口罩，但感覺唔太良好)。講番隻海南雞，由於我係外賣常客，所以都接近每星期食1，2次，水準都保持穩定，份量都俾足你，因為睇住佢斬。海南雞雞肉都好幼滑，加埋有2款調味料，任君選擇，雞皮都有幾舊，但應該多膏既部份已俾師傅扔走左。P.S. 呢度海南雞是無湯送的。

🚇港鐵西灣河站 2分鐘路程#海南雞飯連鎖專門店見到好多人放工番屋企之前都黎呢度買埋晚餐！🌼去骨海南雞飯＄45-海南雞去晒骨 最岩懶人🫣- 雞皮一d都唔肥膩 仲有d爽😂- 配埋秘製醬汁 好好味！🌼泰式燒牛肉配青木瓜沙律 $68- 燒牛肉好稔 好有牛味-因為唔想又食飯 所以配左沙律-份量好足 好多木瓜蕃茄洋蔥 加埋醬汁 少少辣 正呀🌼泰式雙檸茶 跟餐+$12- 青檸＋檸檬 好懷念ge味道！仲有煎肉餅 手撕雞 都好想食呀🙈🙈下次一定要試！

今日好肚餓，所以適量特別大又食水門雞，叫咗泰式煎肉餅飯同埋半隻海南雞呢度個泰式肉餅好好食，所以次次都必點，幫我今次可能配飯嘅關係，所以個肉餅焗得有啲淋，冇之前齋叫小菜咁脆邊，不過味道依然好食，肉餅鬆軟，調味有魚露，好香好夠味，又唔會濺到好油，所以真係好好食，不過原來呢個係配白飯，就有啲失望，因為我好鍾意食佢哋嘅油飯海南雞一如以往咁嫩滑，雞有雞味，配埋佢個醬汁簡直係一流，半隻份量都好多，啖啖肉食到好滿足

今日試咗個泰式肉碎生菜包，呢個餸幾辣，不過好香，又好惹味，肉碎充滿着愚魯味道，仲有啲金不換嘅香味，配埋爽口嘅豆角，包入生菜，好爽脆，分量好多，略嫌生菜唔夠多，好彩我叫多個油飯，可以送埋啲肉碎食另外嗌咗個雞煲手撕雞併青木瓜沙律，青木瓜好爽口，呢個係用麻辣將手撕雞撈埋個沙律，所以食落又係比較香辣，手撕雞好滑，不過個麻辣醬係幾重手，蓋過咗啲雞味，配埋啲青木瓜食，個口感好正，香滑嘅雞配埋爽口嘅青木瓜，一流但係兩個餸都比較重口味，一盒飯真係唔夠

香葉肉碎煎蛋飯$50.佢開咗唔係好耐，之前一路都好多人，所以都冇機會去試，我星期五晚去，竟然出奇地冇人，所以就試吓，叫咗個香葉肉碎煎蛋飯，5分鐘就有得拎，個樣細細盒，本身以為得好少，估唔到嘅係佢肉碎份量勁多，搵咗好耐先搵到啲飯😂.而且嗰日勁好彩，佢俾咗兩隻旦，我相信有一隻係因為煎爛咗，所以順便俾埋我。就咁睇蛋黃嘅顏色相信佢係用靚蛋，隻色勁似蘭王蛋。😌.肉碎炒到非常之乾，而且幾香，但係個調味好似差咗少少咁，唔止係冇叫佢加辣定唔夠九層塔🧐.CP值及夠飽肉碎方面，比得幾多，飯嘅份量可以加返少少😝.翻啅下次再嚟食，要叫佢加辣，順便問埋佢可唔可以加九層塔😆