水門泰式海南雞飯專門店

Open Now

Now Closed

唔係油飯 扣分飯好爛 扣分汁唔好食 仲冇另上醬汁 扣分雞一般成件事就係唔好食同區唔止你有賣海南雞飯醬汁另上要加2蚊 我諗好難做得住點解？你個飯煲得爛仲要你啲汁淋野落去 淋到啲飯爛晒呀😅希望可以改善下

今日買咗兩份海南雞飯$55 份醬好好食飯真係濕左啲 硬咗啲浪費咗啲雞希望改善下不勝感激八球波唔知食乜 食咗呢間外賣就係咁 下次再分享 多謝收睇上次瓊媽媽雞飯勁快執咁咗 希望你做耐啲

啲雞幾滑 juicy ，但啲醬用細盒仔分開放會好啲。唔知呢間水門泰式海南雞飯專門店同另一日水門雞飯係唔係唔同?!水門雞飯會分開啲醬放，所以我見到佢直接倒晒落去…我有啲啲驚訝。…正如食燒豬頸肉，我諗都會係自己蘸汁食吧..

最近喺油塘呢個美食沙漠，新開咗間主打海南雞飯的小店，我梗係即係走去試試啦！店子不設堂食，只做外賣。食物方面主打泰國菜式，除咗主角海南雞飯，另有泰式豬手、冬陰公湯等等。今次我叫咗個二人餐。二人餐跟半隻海南雞或豬手、明爐大蝦冬陰公湯、生菜肉碎包、泰式特飲兩杯及雞油撈飯。餐牌上食住雞油撈飯係「任裝」，都幾有趣，我就唔需要加大喇，普通一碗就可以。番到屋企後立即開餐。首先當然試一試主打的海南雞啦，海南雞係會凍上，手法都幾正宗，而且由於我叫咗半隻的分量，所以有齊雞胸、雞髀的部分，而兩者肉質同樣鮮嫩，尤其是雞胸，完全唔嚡口，值得一讚，分量亦充足。雞油撈飯雞油香味不算好突出，飯粒偏乾身，口感一般。明爐大蝦冬陰公湯湯料足，所以湯味亦好濃郁。大蝦有3隻，質素亦見新鮮，幾好，只不過對於不嗜於辣的我有點太太太辣，受不了。如果你鍾意食辣的話，不妨叫番碗挑戰下。生菜肉碎包之前食過的泰菜餐廳的生菜肉碎包，通常肉碎都會調味得比較惹味、有點太濃味，呢間的出品相對地比較平和一點，食起來不會覺得好油膩、好heavy，夾埋生菜食，一流。整體來講，水平中等，但仍然值得一試。