永利清湯牛腩 (Closed)

我通常返到屋企附近諗唔到食咩，就會選擇呢間，簡簡單單丶唔多選擇，主要都係牛腩，再加切雞丶燒鵝丶燒肉丶鹹蛋，呢啲選擇。我就比較鍾意牛腩切鷄飯，牛腩少少肥又會好林丶切雞醃製嘅味道啱啱好，唔會好鹹。鍾意佢嘅會跟一碗菜，因為通常出邊食燒味飯都係只跟一條菜確實店舖裏面嘅裝修丶枱枱櫈櫈比較簡單丶陳舊，環境唔算好，但係老闆娘親切丶都係街坊生意，所以好多街坊丶大學生都會嚟食。而且舖頭收得比較夜，凌晨都未收舖，食宵夜嘅好選擇。

星期日黎西環呢邊，本身想食波記，可惜星期日唔開。唯有搵吓附近有咩食，結果揀咗呢間永利。見佢都有燒味就試一試佢，入到黎環境真係唔太理想又有烏蠅周圍飛🤢，但當下諗如果食物ok就算啦...我叫咗個叉燒瀨粉，朋友叫咗個牛腩河，叉燒不過不失正正常常，可惜瀨粉碎曬。牛腩味道幾好👍🏼結論係食物質素唔錯，如果環境衛生情況可以改善就更加好啦

或許可能是因為我在晚上八點左右，才在「西環」「石塘咀山道」光顧完西餐廳，食完我的「草莓西瓜蛋糕」甜品，和鹹蛋黃蕈菇奶油雞肉意大利麵，只差「牛腩」和白飯還未正式食過。但是當時的我精神不知道為什麼，忽然間變得有點懵了，連自己本來應該在「石塘咀」潮州粉麵店裡面點「咖喱牛腩飯」的目標，也忽然一下子完全忘記得一乾二淨。結果我想起直正原因了，原來是因為在「石塘咀山道」「永利清湯牛腩」裡面，有一大部電視機正在擴大聲量，播放新聞報導。我因為不想看電視，想儘快食完「牛腩」和儘快結賬離開，所以一時大意點錯了「牛腩粉」。至於「永利清湯牛腩」「牛腩粉」食品裡面的「牛腩」，有價錢相對比較昂貴的「坑腩」，還有一般的「牛腩」，我選擇享用價錢比較便宜的「牛腩粉」。結果我發現「永利清湯牛腩」價錢比較便宜的「牛腩粉」，「牛腩粉」裡面的「牛腩」其實是一般的「爽腩」，「爽腩」雖然是比較爽口，但是沒有「坑腩」裡面那麼多脂肪，口感沒有「坑腩」那麼多豐富了。「永利清湯牛腩」廚房裡面的師傅，一次過切了很多「爽腩」，鋪滿在「牛腩粉」的餐碗表面上，再加上後來廚房灑在在「牛腩粉」表面上的蒜頭和蔥花，「牛腩粉」整體「牛腩」鹹味都變得很濃厚，

好耐之前食過一次永利牛腩覺得好好食，但因為佢實在離我屋企太遠而冇再食過，今日難得咁岩喺附近活動，即刻拉埋老公去食。我嗌左坑腩河，老公就嗌坑腩飯，飯係比粉麵貴10蚊，本身都唔係好明，不過之後發現配飯既話牛腩份量係多好多，而且仲會配埋一碗清湯，咁呢10蚊都抵俾既。坑腩有牛味，個人口味覺得可以軟淋少少更好，清湯唔油可以直接飲，不過老公就好不滿個飯，飯質軟硬不一，又唔香。我地事前滿懷期望咁去，可能期望過大啦，今次冇左個種驚歎既感覺，甚至覺得有d一般，我諗下次就算再去附近活動，都會搵新餐廳試喇。

The environment might be on the dingy side, but at least clean. Their brisket noodles are superb and value for money; lots of beef! The soup base is pretty good too. Good service attitude, not sure if staff speaks English though. Menu posted on wall; seems to be only available in Chinese.

西環食宵夜真係唔多選擇夜麻麻想食宵夜除咗可可，可以試下呢間雖然入面得幾張檯坐得唔係好舒服但勝在開得夠夜凌晨想食宵夜都算係咁架啦呢間主打係食牛腩今次叫咗個牛腩切雞撈粗呢度嘅撈麵好大碟食完真係夠哂飽最正係呢度有生腸食勁爽口

對上一次來是兩年前，再來港大當然要來吃啦。價值還是好親民的，32蚊牛腩米線。牛腩好肥，如果可以斬斷一點就更好了。我覺得還算可以，店舖好近地鐵非常方便，侍應也很快手。

行完盧吉道睇夜景，再行返落山去到西環已經好夜。起唔知食咩好之際，聽朋友講呢度有間港大食堂，開到夜一夜，叫做永利清腸腩，於是去拜會一下佢。好傳統嘅鋪仔，細細間三尖八角，枱都幾細同埋油淋淋，好在人唔多，唔係都幾逼下。主要係食燒味，咖哩同牛腩。見佢掛起門口啲燒鴨，雞等都知掛咗好耐，都係不了。於是我叫咗清腸腩粉。牛腩有啲韌，湯底咸咸地冇咩特別之後最恐怖嘅事情發生，食食下見到碗湯有啲細細隻嘅飛飛，都唔止一隻。同埋有啲類似鑊燶嘅黑色嘅野...以$34黎講都冇咩好要求，不過冇下次。

🔎永利清湯牛腩宵夜時間🌃🌌永利應該不單止牛腩出名應該燒味都不錯😆☺️因爲見有幾檯客人都叫左燒味飯/粉😆於是👧🏻👦🏻各自叫左碗食👦🏻🔸清湯腩河$34牛腩半肥瘦好滋味，雖然有少許肥膏但不會太油膩湯底非常清🐂🐂👧🏻🔹燒鴨河$32燒鴨肥瘦適中·肉質都嫩的啖啖肉👧🏻推薦蘿蔔，清甜又無渣👍🏻👍🏻👍🏻

晚上九時經過山道這間永利清湯牛腩店，見到店內這個時間客人也十分擠滿，正當感到好奇之際，剛巧有兩位客人埋單，於是便進去試試。 一坐下抬頭見到無數掛在牆上的獎狀和感謝狀，原來此店常常贊助大學及其他機構的function。 原本只想吃此店的清湯腩麵，但看到其他客人很多也在吃著雞腳，詢問之下原來一碟三隻售賣十元，於是便叫了一小碟試試。 雞腳的皮彈口肉質也算淋，配上薑蔥油感覺在吃白切雞。 清湯腩麵34元卻是整碗麵上都鋪滿腩肉，朋友略謙腩肉之間夾著的肥膏太多。 但我又卻覺得非常美味，因為夾有肥膏的腩肉，有入口溶化的質感，不過我們二人都以口同聲地讚清湯腩的湯味 鮮甜。

一出香港大學B出口，在斜路對面就看到懷舊舖面「永利清湯腩」，很有衝動去嘗試一下，感受一下傳統傳承的味道。由於晚飯時間，我點了一碟清湯牛腩飯，等了接近15分鐘，上枱賣相還可以，先試左個清湯，味道清淡也還算可以，不過不失，再試試牛腩，牛味不出，質感一般，沒有入口溶化的感覺，而且so味較重，有點令人失望及遺憾。價錢$45元也還接受，份量正常。環境衛生一般（舊舖不能要求太多），地方細人手有限也不能要求快。

今日去石塘咀睇波，完塲後差不多830，就隨便揾吓嘢食先，原來選擇巳經不多，正打算坐地鐵去别處找食，在站口見到永利清湯牛腩，見坐滿人，就即管試吓啦。儘管地方很細，只有大約6張枱，望落懷舊，但整齊清潔，侍應很有禮貌。雖然入門就掛住一隻隻雞和鴨，但它主打是牛腩，當然是叫清湯牛腩麵啦，味道果然不錯，牛腩夠霖，湯底清甜，好味。叫多碟油菜，腩汁上，但侍應說，他們是清湯腩，所以冇腩汁，最後叫多碟白蘿蔔，清甜，很入味。份量剛好，價錢合理，平均40有找，碟頭飯也只是40幾蚊，加上侍應有禮，同客人傾2句，似乎好多街坊光顧。再細看牆身，貼了很多感謝狀，估計老闆是位善心人。有機會我會再去食清湯牛腩河👍

清湯牛腩麵好好食，牛腩分量亦頗多.燒鵝瀨都出乎預料地好食，同一樂燒鵝比都唔差太遠，價錢就平好多，可以時常食.蘿蔔超好味啊，唔多鋪頭有賣呢個.唯一可惜係唔做午市，無得過黎食lunch

香港大学地铁站B2出口出来，一条向上的马路。马路对面就是这家好吃的牛腩店。正如其他好吃的老店一样，这里的装修不怎么样，甚至在高峰时段是在门口的桌子去吃饭，但是毫无疑问，他家的牛腩的确让人觉得十分舒适。牛腩不会很腻，虽然有肥有瘦，但是咬一口觉得十分好吃，有嚼劲但又不会很硬。招牌毫无疑问是他家的牛腩饭，牛腩加上自己秘制的酱料，十分美味。但是我同学吃的牛腩河粉也很惊艳，河粉实际比较清淡，因此需要加一点辣椒。

有咩開心得過紅雨嘅晚上 男朋友依然願意揸車岀去食宵夜☺️.永利喺石塘咀都非常岀名 價錢合理又好味而且開到好夜 雖然我要破戒(近幾年食少咗牛羊鵝鴨 太毒對皮膚唔好啊💆🏻‍♀️).不過呢碗<燒鴨脾賴粉>真係食到我lamlam脷!!😋啖啖肉之餘 層皮肥瘦適中 個湯其實唔係特別岀色 不過隻鴨脾啲油流咗落去就香咗好多😂 另外加咗蘿蔔 有兩大舊 超甜多汁又冇渣眼見唔少人會單點蘿蔔添㗎👍🏻.而<咖哩牛腩飯>就比較普通 唔特別岀色一睇隻碟就知佢係比較港式兼地道 價錢非常貼地 四十幾蚊可能仲平過茶餐廳👍🏻但係除咗啲牛腩之外就真係讚唔落 ❌飯粒偏硬而且好多一舊舊咬唔開 ❌咖哩汁得辣味又唔香 基本上得隻顔色似係咖哩 🦁牛腩份量多 口感算淋亦有牛味 只係有少少偏肥😌 .下次宵夜時間我都會再幫襯 但係絕對會嗌燒鴨脾賴粉 而唔係呢碟唔咖哩嘅咖哩飯😂..