永和記豬雜粉麵

Open Now

Now Closed

元朗新鮮豬雜第一次寫食評就比左呢間小店啦！雖然雞地大把好野食，但見樓下新開豬雜粉麵飯就緊係要試下啦閒日過去見到雖然人流唔多，但試完之後有驚喜拍得住一d出名既豬雜粉湯底分面，味道一流，飲完唔會口渴無論係飯定麵都好搭而且豬雜一食就知新鮮，無冰鮮果種雪藏味對於中意食邪惡豬雜嘅人黎講真係要一試，款式多多，但試過夜d 買部份材料會賣曬，想試曬甘多款就要早d 去啦而且我好中意佢嘅枸杞湯，夠曬大碗，一個人可以分兩餐飲外賣加餸一流

叫外賣食湯夠清唔咸唔唔係重味精豬雜新鮮豬腸冇苦味新鮮，平時有啲餐廳一食就知啲腸唔靚有苦味肺都好白好乾淨豬心好爽口彈牙係幾正下次想試埋個糊椒味湯底唔見有豬腰如果有豬腰就正

凍冰冰，飲左2啖個胡椒湯底，成個人暖返晒！😍😍😋😋，仲配埋個新鮮豬雜。聽師父講，每日8點返來洗豬雜，保證日日新鮮🥦🥦！！！有下次，試佢個枸杞湯底，聞到都流晒口水🤤

元朗出名多野食，今日行過見到間新開無耐既豬雜粉麵，咁邪惡既野梗係啱哂我，即刻入去食返碗。入到去老闆好好招呼，話開左無耐，食完比啲意見佢。我望完餐牌就揀左個三拼米粉，有豬心，豬肚同豬肺，本身諗住走青，點知老闆話唔係落葱同芫茜，係用唐芹同炸蒜油，咁我就試下佢啦。磅粉來到見到個湯有啲乳白色，問左老闆係用豬骨，豬雜同雞煲成，飲左啖覺得好鮮甜，帶有少少胡椒味。因為係用新鮮豬雜，所以就唔使用咁多胡椒僻味。個豬心好嫩口，豬肺滑溜，豬肚彈牙，食得出好鮮，不過揀左米粉唔係幾掛湯，應該配白飯會好啲。食到最後都聽到老闆同廚房傾緊點改良碗豬雜湯，聽得出佢哋都好用心佢，希望下次來會仲好食啲！

老實講，我平時行過都唔發現有間豬雜店，前日膽粗粗去試下。點知中伏，第一湯冇乜味，好淡，胡椒味唔夠，唔知以為飲緊清湯，第二d豬雜食到有雪味，好似炆得唔太夠入味，所以我冇食曬，整體黎講，唔太好食，應該會唔會再有下次！

鍾意食豬雜，難得有一間主打豬雜的小店，肉丸還是新鮮豬肉打的。叫了雙拼米粉，粉腸跟豬肉丸。米粉應該係新竹米粉my favourite, 夠咬口。湯好夠豬肉味，可以成碗飲晒佢，粉腸同豬肉丸材料都很新鮮，粉腸冇香港其他普通粉面店食度果陣苦味。本來冇諗過寫食評，食晒先很滿意所以得食晒既相推薦！