永樂燒味小廚 (Closed)

第一次帶娘娘和格格來這裡，樓面不算髒，但也是地茂型茶餐廳，她們倆算給足面子。我先點了個很麻甩的“燒鵝下莊”，甘香，皮脆肉嫩，不愧是招牌菜。格格一向很喜歡吃咕嚕肉，她看完菜單說不知道咕嚕肉怎麼“冰鎮”，好，就點一個吧。出菜了，我們就馬上吃，但一開始時，咕嚕肉還是挺熱的，不夠冰鎮，外面還不夠脆，影響了口感，但吃到三分之一，開始脆了，味道也不錯，如果廚房晚一點把它送出來就完美了。“蒜蓉白菜仔”，正常水準。整體來說，燒味有水準，小菜ok，經濟，不錯。

話說今日路過葵興，隨意入一間餐廳食tea, 點知人都未坐底，有個男待應過黎問食乜，我地好禮貌咁話轉頭先（嗱，個陣餐廳得幾枱客咋，唔忙架），個待應就“妙”左我地一下，之後唔夠30秒，又行埋黎“喝狗”咁嘅態度問我地得未呀？咁耐都未得，行開時仲講左句“妖”睇咁x耐我唔明我入去幫襯有乜得罪佢？總之呢間野我永世唔會食囉好啦，講返食評啦，我今日tea time 去食左叉燒河同燒肉河，叉燒係軟淋嘅，而且入口有好輕微嘅甜味，而tea黎講份量亦都算多燒肉佢切得好大舊，但唔知點解係無皮嘅，即係原舊肉比我，如果想食燒肉皮嘅應該會好失望不過呢間餐廳，我一定唔會再幫襯了，食到一肚氣

葵興永樂燒味生意實在太好，好到多客得濟要趕客中午去吃飯，當時重有很多空位掃過針紙後，就隨意坐之後－個態度兇惡的樓面阿姐過來，問到是否－位系就坐邊位同別一個人對坐，我質問她禁多位為何要迫着坐，有－個男樓面看不下說道我系客人也不鐘意有人坐。但這餐廳－日有這個阿姐下次光臨就有同類事，太好生意為有寧願走遠些到別處用僐

住附近嘅居民，第一次經過見到$20下午茶，入去試吓啦，點知係好伏嘅，經過果次之後就唔敢再去食啦。過咗一排，咁啱有次食飯唔想行太遠，又開返堂食，就俾多次機會佢，點知食佢嘅小菜出奇地好食！🥰🥰黃金茄子，好少茶記會肯整，肯整嘅都未必好食，呢間係其中一間入咗我嘅top list🤤蛋黃味好重，鹹香味好足，唔似出邊剩係得個炸，係冇味要點其他汁，齋食都好好味，又脆又熱又快到，其他餸仲叫咗個台灣三杯雞煲，係好食嘅茶餐廳水準😆值回票價，其他都係十分不錯，飲埋啤酒，好有風味

這晚開車回家，故意繞個小圈來到葵興，買外賣 ...這是一家我很喜歡的街坊茶餐廳，它的燒味超棒，尤其是燒鵝，這晚我發現它門外有幾張寫著外賣餐單的標語，這個“燒鵝上庄拼燻蹄”，才$138，既吸引又抵食，買了一份，回家與娘娘撐枱腳！這燒鵝雖然是上庄，但仍很甘香，盒底裝滿了鵝隴汁，回家馬上做個即食河粉，隔乾水，與鵝隴汁搞拌均勻，鵝的精華被河粉完全吸收，香、滑，盡在不言中！斬完燒鵝，看師父在按頭下凍櫃取出一盒東西，原來是原隻燻蹄，見他一片一片的把燻蹄切成薄片，已不停在吞口水 ... 燻蹄確實入味、爽脆，好棒！

以前樂鐘意食佢炒飯，有鑊氣又大盒。點知一次比一次淡冇味.... 而且下午茶間間有炒飯佢就正價$50幾.. 好食都唔介意，問題係越來越唔好食之餘，個收銀阿姐服務差到爆炸，睇佢聽外賣電話都好似人地爭佢錢咁。 不過早餐又多選擇又唔錯，早餐仲好少見到個阿姐👍🏼😂

我地嗌咗叉燒皇煎蛋飯同星洲炒米，叉燒皇煎蛋飯每份有兩個煎蛋，叉燒嘅份量都唔少，每份嘅份量好大，我地個個都食唔晒份飯😂星洲炒米味道正常，啲粉比較碎，唯一不變嘅就係好大份。但我喺某外賣app嗌咗17個餐，送到嚟得兩個。打返餐廳問，先知原來餐廳睇漏咗單，最尾要自己行去餐廳拎返10幾個餐返去。第一次幫襯，好失望，餐廳除咗講唔好意思外亦都無任何補償。

永樂是我一家食左很多年的飯堂，不止燒味，小菜也是做得很好，實在是gem of the town.之前機緣巧合來此用餐，之後就常常再光顧，欲罷不能！實在是水準穩定的食鋪！今晚又來吃晚飯，我們是想吃叉燒，呢度食未失望過，仍是厚肉鬆化蜜汁香甜，令人垂涎三尺！乳豬脆皮香口，也是一流！咕嚕肉也是很高水準，鑊氣夠，做得外脆內軟，口感甚佳，呢味小菜周圍都有，但可以做得好味又穩定嘅，永樂是我誠意推薦！啫啫生菜煲很惹味，煲仔滾熱辣，有肉碎蝦米，調味剛剛好，用嚟餸飯，可吃兩碗！

今日去左買小菜返屋企食買左3個 但收多我$20我入去同個收銀理論佢竟然話其中一碟豆豉鯪魚炒油麥菜佢話應該收$78我影埋相俾佢睇佢就好難為咁俾返$20我口嗡嗡話唔係收呢個價 算數我即刻忍唔住話返佢如果價錢係錯 你依家出去改返佢唔好好似我呃錢咁最後我攞返屋企其中椒鹽豬扒仲變左有半兜飯認真一肚氣味道方面 呢間啲小菜係好食啲餸好夠味 又有鑊氣啲餸都算多 但成日趁機收多人錢事實擺到眼前都仲唔認基於呢一點我就唔會再幫襯啦再好食都咁話啦

係門面見到寫住肺炎肆虐，黎個午市衝擊大優惠，只限11:00-12:45入座，惠顧每個餐減五蚊，作為精明既C9 當然不能錯過。午市套餐款式眾多，有烏冬、炒飯不等，吸引好多附近地盤工人👷黎食，因為價錢平均45-51 元不等，仲附送例湯及茶/咖，凍飲🥤加三蚊。燒鵝五寶飯： 包括有燒鵝、油雞、叉燒、紅腸、燻啼。飯熱辣辣，好夠份量，好有鼓油香氣，油雞叉燒燒鵝切得好整齊，油雞配上姜蓉不得了，肥瘦適中，蜜汁叉燒燒得好脆口，邊邊帶點焦香，甜度適中。鵝竟然比左脾既部分比我，受寵若驚，鵝🦢貴過鴨嫁💋鵝脂肪吾算多，皮薄啖啖肉，蘸上甜酸汁，十分開胃。可惜是燻啼略為遜色無味。凍奶茶🥤：茶記主打，茶底濃，奶味香，用上黑白淡奶無得輸。總結：平民茶記 燒味出色價錢實惠 誠意之作

這個蠔餅超差，問服務員又不理你，態度超差，後來我聽到另外一個師傅叫不要再賣蠔餅說不夠材料，明知道這樣還要賣蠔餅完成不負責任，很憤怒，真的不知所謂，以後不會再來的

一心到來隱世小店食燒鵝，原來燒鵝要訂架🙏🏼🙏🏼，坐下打算叫燒鵝，店員一句「賣晒」，推介乳鴿及乳豬😋😋😋😋有驚喜🤩🤩🤩超水準的茶餐廳，鄰檯見到一心來的我🙌🏻🙌🏻🙌🏻，遞上鵝件，感到人間有情。😍😍鵝皮脆脆卜卜聲，咬口有內汁，一試難忘，這個要比心心眼😍😍再來乳豬熱騰騰，同樣皮脆肉厚，多吃也是美味，相比下，乳鴿略欠一點特色，但同樣是超班的水準。👍🏻👍🏻🙏🏼🙏🏼

同同事經過呢間茶餐廳，佢地話之前食過唔錯，咁就決定坐底食。因為係LUNCH TIME，好多人，座無虛席!望望MENU睇食咩，都幾多款式簡，估佢唔到最後決定叫A:乾炒豬排公仔面!A:乾炒豬排公仔面: 一食就知正呀喂，公仔面係用出前一叮，話就話係乾炒，一點都唔乾，反而有點濕。豬排經過醃製，唔會死咸。頹食黎講係咁上下，加埋我杯凍奶茶，LUNCH 黎講CP值唔錯，下次想試埋其他。我同事話應該要叫燒味食，因為人地餐廳主打燒味。

用餐時間為12月9日中午12:00客人已坐滿店內大部份位置，一個人來到只能在搭枱。翻開飯桌上的菜牌，驚見至愛的燒腩竟然跟乳豬同價(加$10)，心中忐忑之際發現牆上另有午餐選擇，當中乳豬拼紅腸或燻蹄只是$47，跟餐有熱飲例湯，就決定一試此店招牌乳豬，飲品仍選了熱咖啡。食物甫上枱是失望的，因為燒味份量非常少。如圖所見，乳豬斬得很細塊，加上白飯份量比正常多，更顯得飯餸之間份量不平均。乳豬：豬皮鬆脆，乳豬肉暖暖的，咬落後豬油香氣充滿了口腔。食得到的新鮮出爐，與今天16度的天氣形成強烈對比。唯一不足是份量真的太少了，每件乳豬只有正常的一半大小。燻蹄：本人其實對凍食興趣不大，只是與紅腸兩者之中隨意選擇，故此無感，有興趣了解的食客可自行嘗試。白飯：一般的絲苗米，沒有多餘的水份，份量非常多，飯桶如我即使加了蔥油撈飯亦吃不完。熱咖啡：以一般茶餐廳水杯盛載的即磨咖啡，夠濃而香味不足，亦無咖啡糖提供。總結：47元的價錢能夠吃到新鮮出爐乳豬飯實為超值，但在偏愛乳豬的客人角度會寧願價錢高一些而吃到多點份量吧。唯有下次抽空再來試試大菜牌的雙拼燒味飯供大家參考。

忽然好想好想食燒味，搬咗過嚟之後屋企附近都冇咩燒味店，唯有上openrice 揾到呢間評分幾好，馬上搭車過黎買盒飯滿心期待咁返去。。。。。 一打開個飯盒！！！見到瘦叉同雞胸（我知好多女士鍾意但可惜唔係我杯茶，小女子本身鍾意雞髀同半肥瘦厚切燶邊叉燒，當然咁嘅價錢唔可以要求多多博鬧咩）開始食啦 味道係ok既，雞胸都唔會乾同鞋口，但叉燒真係同之前啲評語一樣幾乾下，另食完盒飯都多多地油。$30蚊質素算係咁只係唔值得再次特登過嚟食。