永盛茶餐廳 (Changed Hand) New Restaurant

琴晚在外賣app叫左個菠蘿咕嚕肉同酸菜魚外賣，菠蘿咕嚕肉份量偏少，只有4，5舊，食落都好重粉味。而酸菜魚更為離譜，食同聞落有陣咖喱味同辣味，完全沒有酸味。無下次😪

由于门外没有招牌，加上只有一个小门，平时经过时也没有留意这家店。今天经过时见到他们在店外煮煲仔饭，大炉上放了几个砂锅，溢出阵阵的久违了的煲仔饭香。在店员热情游说下，决定了晚饭的去处。餐牌上共有14款煲仔饭，价格都是55-60元，加18元有油菜和饮料。饮料先上，不想喝咖啡奶油，就点了可乐煲薑，味道略甜，也没什么惊喜。套餐的油菜是唐生菜，加上熟油和豉油，不过不失。过了10分钟左右，煲仔饭上桌了。鱼腩煲仔饭有几大块鲩鱼腩，鱼肉还带点鲜味，加上是厚切，很有口感。在豉椒和薑丝的配合下，没有吃到腥味。蒸肉饼饭有不少料，咸蛋、咸鱼和土鱿渗出香气，另外又加了腊肠，令整煲饭更丰富滋味。两个饭都不错，如果饭能干爽点会更有饭香。

午餐外買個味菜牛肉炆米，等左10分鐘有得拎，回到office一打開已經覺得好乾，食左一口，完全覺得係炒米咁又乾又無味，跟住見到條黑色以為係燶左，我夾走佢但覺得好硬，之後用手拎起佢看看，發現原來係鐵絲。立即唔食拎返去餐廳，我去到餐廳到比返個男上年紀收銀員睇有鐵絲，佢反應好淡定話“咁我幫你換一個”，最後我都係退錢，由於飲品我無拎返去，所以佢扣返飲品錢。但佢除手就丟左個米粉，完全無意改善。呢間野大家睇路啦！

點了兩個餸。椒鹽鮮魷數來數去得九細件，仲要是翻炸的，口感硬過石頭。薑蔥鷄就薑同蔥十分多，但鷄的份量就連一隻鷄肶都無，底下就墊了很多白菜魚目混珠。騙錢騙自己，點解要甘樣呢?

放工見到有煲仔飯就試下啦好耐無食發覺出奇地好食 正呀材料又足夠 飯焦又香老細仲幾親切 問你夠唔夠食 唔夠可以加飯..以後唔洗出去旺角 廟街到食啦 近近地火炭都有環境都乾淨唔錯

由於隔離出名啲果間星期一至四先有set dinner, 於是試下呢間煲仔飯，$50，物有所值，茶餐廳環境，不過老細都幾有人情味，唔夠食仲可免費加飯。好食過廟街果啲，又近火車站，寒冬一流

啲飯平靚正，份量充足，唔單止啲飯夠多，仲要啲餸次次都大大碟，仲要比你添飯，一定飽到你食唔落。員工同老板又好隨和，成日問你夠唔夠食，又推介你邊啲抵食啲，佢地會講返叫啲咩會收貴啲，又同你講返送啲咩嘢。有時老板仲會比優惠學生哥，收平幾蚊。最重要係相對於附近其他餐廳，地方好闊落，坐得好舒服，地方又乾淨。啲枱抺得好乾淨。同埋啲嘢食，多款式之餘，仲要好好味，次次食都忍唔住會添飯，有時仲會添兩次。係附近必選之食！

天氣凍左好多, 竟然今日屋企無人煮飯，近近地就黎附近經常光顧既地方食飯雖然凍冰冰唔想落街, 但食飯係必需, 大概六點幾既時候就自己落左黎食唔係上班既日子, 工廠區比平時少人但餐廳依然有開, 老闆依舊同我閒談最近近況無人煮飯, 卻係依度感到一點溫暖佢拎佢地手寫餐牌比我揀火腩確係男人既浪漫, 所以我揀左火腩枝竹飯 $40份量都幾多,都幾大碟飯, 而我最愛既枝竹都一樣多唯一少少不足就係醬汁有少少鹹, 但都可接受既食飽成個人暖晒, 又可以番屋企繼續打機啦~

果日早上經過唔太餓想食少少野,就入去....睇下餐牌(如本網頁上餐牌/外賣紙,但已加了價)見有麵食,就叫左個五香牛腩麵食 $11個侍應話: 咁飲乜?我話: 唔洗, 有 D 咳 (事實)個侍應話: 吓... 果個? 叫上面果個咪仲抵!!! (指住餐牌/外賣紙上的"百搭早餐 $20)我話: 唔洗喇, 就五香牛腩麵啦...跟住侍應用手指按住 "2:30p.m.暫停供應" 只露出前面 11:30 果一截, 跟住話: 而家都未到 11:30, 冇喎!!!我話: 佢寫 " 11:30-2:30p.m.暫停供應 " 喎....跟住侍應死死地氣落單, 再走去櫃位大大聲話: 剩係叫 $11 蚊野喎....收銀(好似是老闆娘咁款)細細聲講左兩句, 個侍應就冇出聲去入單.....跟住麵來了, 牛腩十分肥, 佔了超過一半, 但味道還可以的, 但麵(是即食麵) 又硬又 UN, 非常唔掂....跟住拿單到櫃位找數, 在拿錢的時候見老闆娘咁款的女人, 想了一會說: $15 蚊啦!我明知佢搏大霧, 就照俾一個 $10 蚊 加 一個 $1, 佢收左面有難色, 我行左幾步, 佢叫: 喝~ $15 蚊呀我行返轉頭冇出聲,