江南食客

Open Now

Now Closed

自己去江南食客買外賣晚餐，點咗生薑豬肉蓋飯($48)同辣豬肉卷+ 牛肉飯卷($50)。成餐整體感覺普通，味道有改善空間，但價錢尚算合理。食品部分生薑豬肉蓋飯($48)：豬肉嫩滑，生薑味道適中，拌飯食落有點家常風味，唔會太重口或者過鹹。份量足夠，飽肚之餘又唔會覺得膩，算係正常水準之內。辣豬肉卷 + 牛肉飯卷($50)：飯卷味道偏淡，辣豬肉嘅辣味唔夠突出，少咗刺激感。牛肉卷亦係普通水平，冇太多肉味，食落平平無奇，冇太大驚喜。⭐食品評分：3/5總體感受江南食客作為外賣快餐店，生薑豬肉蓋飯係不錯選擇，味道正常又飽肚，但飯卷系列嘅味道偏弱，未能吸引再試嘅慾望。成餐價錢平實，但味道仲有改進空間。如果係附近想搵快餐，係可以考慮嘅選擇之一。⭐總體評分：3/5

放工經過見到呢一間韓式炸雞，未試過嘅我，不如叫黎試吓啦！！！叫咗一個芝士年糕腸仔面頭有啲芝士之後個底其實都冇乜年糕有少少韌，普通廚師腸仔冇乜特別豬肉泡菜卷，正正常常嘅韓國壽司，料都唔算好多，冇乜特別咁樣😂😆生薑豬肉蓋飯又係有少少韌，同埋唔算好多豬肉秘製香料炸雞🍗唔鞋，面頭有芝士粉，我覺得都OK，唔差的！！青梅汁無影，個人認為唔好飲😂外賣嚟講10分鐘左右，唔算耐，其實啲炸雞我覺得都OK，壽司正正常常，個芝士腸仔年糕同埋蓋飯就真係麻麻哋！！

經過咁多次今次見無人等就買下啦，我買嘅係原味有骨炸雞，點知伏到爆，拎果時已經覺好輕，一打開，這叫韓國炸雞？明明就係cp炸雞，仲要$100呢盒野，真係伏到爆，無下次

放工經過，買咗個江南紫菜飯卷同埋薯仔沙律.見到佢係即叫即包，幾有誠意應該唔會差得去邊。滿心歡喜返屋企，諗住一路煲劇一邊食，一打開賣相唔錯卷得幾好，切開有成10舊正常size,點知食第一啖飯卷，d飯完全冇味，冇落鹽冇落麻油，係食到d飯黐埋一嚿嚿… 剩係得d餸有少少味… 咁算啦，薯仔沙律諗住實無衰，點知又係完全冇味，完全冇喺韓國食嗰種薯仔沙律甜味，冇沙律醬冇甜味又冇落鹽，好似食緊一個凍咗嘅焗薯仔咁… 一定冇下次

雞肉串以為係韓國當地果種燒雞串打開見到雖然係炸雞，但係巨型size 都諗住ok la一食落有陣臭味，即刻垃圾桶見第二串係香腸年糕串就合格，中規中矩我都會翻啅2串$50有機會試下其他野食希望冇伏😂

食物方面，我買左年糕，多醬，有啲硬， 多魚片 冇堂食，員工幾熱情。店內環境潔淨。都會再購，試下其他菜式。價錢方面，都算平民價嘅。價錢 7/10 味道7/10 食物外觀 8/10 服務員態度 8/10。