汶萊餐廳 (英皇道)

Open Now

Now Closed

外賣只係$41, 仲要有糖水同嘢飲，今日試咖喱牛腩，咖喱好香唔係好辣嗰d啱晒我口味，薯仔又吸晒d味，牛腩又淋唔黐牙，簡直係追食一粒飯都冇剩，$41份量唔小，食完仲飲埋紅豆沙，連紅豆沙都唔馬虎，食到有陳皮，有下次，唯一挑剔唔收八達通

下午茶$25，葱油紅腸撈麵配鴛央，係算平，但得幾條切成絲的紅腸同少少薑葱，零味道。杯熱央完全無味，只係有色熱水，飲左兩口加兩口麵就走人。其實怪冇生意，怪人地上大陸又典，香港食野中伏機會超高嘛。

好食抵食細心早歺扺到唔信以為係劣食初初唔敢入今日下午茶見到唔少人不防入去一試入到去乾淨企理外賣$41 有飯有飲品仲有糖水野飲仲要有杏霜收銀細落order樓面小心包裝外賣Menu多選擇下次一定要試牛脷系列試咗西洋菜雲吞好食到返唔到轉頭鰂魚涌佳音

初初同事同我講有間新開既餐廳，做$25一個早餐，初時同事以為只可以賣外賣，點知原來可以堂食，試過無中伏推介我的，以現時人工租金黎講，真係唔知點做架，但對我地打工仔，真係一個福音，今日經過見到原來Lunch有優惠午餐，而且都幾多選擇，堂食時同老闆娘傾過計，佢都好nice,對客人態度好好，咁鬼厚面皮既我，當然問下佢點可以做咁平，佢話因為無裝電子支付工具，唔駛比手續費，咁咪平d囉，希望dd小店可以一直維持，加油呀。