沙嗲佬

Open Now

Now Closed

因為太熱太揦手唔成勢，所以我哋冇影到相，但係食完都覺得需要上嚟寫個post，因為呢間嘢真係絕對值得我哋嗌咗三串，一串牛一串豬同埋一串雞腎。咁我就食咗串牛先，其實坦白講個牛係偏肥嘅，但亦都係因為佢有啲肥所以先咁好食(啲邪惡嘢都係好食啲）當然其實我最想讚嘅係佢個醬😝佢個醬真係畫龍點睛。雖然話係沙嗲但係其實唔辣嘅，而且仲有少少甜添，真係超鍾意個雞腎都好得，因為佢個雞腎係好爽，加埋個醬真係一流！個豬其實唔係唔好食，只係個牛同個雞腎太西利，對比之下就會覺得普通咗啲，但係係佢燒得好香我哋喺星期六夜晚時間大概等咗10分鐘，其實我哋行一圈翻翻嚟拎就差唔多，下次真心會再去

太安樓掃街，呢間係我嘅首選遠遠已經聞到燒烤香味，拿拿聲柯打第一轉：豬牛雞各兩串（$128）等咗18分鐘有得食，沙嗲汁香濃掛身，通常其他店嘅肉串都係薄片，呢度嘅肉串大件有咬口，有肉汁，燒得香口，襯熱即食，因為第一轉好食😋即時再追加和牛第二轉：和牛兩串（$66），老闆話要等30分鐘，年初一大慨有三份一食店有開，照落單，我哋邊食邊等夠鐘即刻去拎，相對第一轉，和牛串令人失望，冇調味，冇肉味，只係肥，不過下次嚟都會再幫襯，食返D基本嘢

聽聞呢間店老闆同筲箕灣印尼沙爹屋嘅老闆系親戚唔好問點解史努比會知😂呢間沙嗲串燒價錢偏貴 賣相極其醜樣😂但味道出奇地好食😳‼️冇諗過會有驚喜🤭我哋嗌咗豬牛雞各一串本身史努比就偏好雞 爸爸就鐘意牛結果系豬最有驚喜😂老闆用炭火燒即叫即燒 等咗10分鐘左右 攞上手熱辣辣 喺呢個咁凍嘅天氣食啱晒🥰.先講醬汁史努比嗌咗少辣 沙嗲醬超級厚身 每一啖都會食到香濃沙嗲❤️花生醬味道都幾突出 但冇蓋過沙嗲嘅香之如仲食到一粒粒嘅花生碎👍🏿因為花生味濃厚嘅關係 呢款沙嗲系偏甜嘅 甜中帶少少辣 幾啱我哋口味😆如果愛辣人士應該可以嗌中辣或者系大辣😂👍🏿豬肉串燒 $19表面燒到有少少燶邊位 勁香食落冇任何燶咗嘅苦味咬落去feel到有汁爆出嚟😳好juicy肉質一啲都唔鞋 仲好嫩tim😍呢個就系用炭火燒嘅好處 佢可以燒到外面好香但唔會燒乾晒啲肉😎Hold到更加多嘅肉汁先做到咁juicy超級好食 史努比覺得可以encore!味道: 9/10性價比: 8/10.👍🏿雞肉串燒 $19呢個系連皮燒嘅 平時食炸雞都去皮嘅史努比今次竟然冇去皮!?因為佢真系痴線地香燒到雞皮有少少脆 食到雞油香但完全唔覺油膩🫣雞肉非常之嫩滑😛真心值得一試

雖然係太安樓，不過係街舖黎，唔係商場舖即叫即烤，所以係要等一段時間，推薦落單再去買其他野然後番黎拎就剛好串燒唔算平，不過都好大串沙嗲醬香濃富花生味因為用炭火烤仲會有烤肉既炭燒同煙燻味，微微燶好正肉質都唔錯，唔乾柴又冇雪味，唔係好梅果d劣陣肉可惜可能我好夜先黎已經冇晒雞翼喇

🇭🇰沙嗲佬·沙嗲串燒豬肉 l 沙嗲串燒雞肉 $16呢間鋪頭夜晚9點先開架 所以如果大家想食既話記住預岩時間過黎😈佢個沙嗲超級厚身 而且好香花生醬味 好掛肉🤤佢個沙嗲汁係偏甜少少既 個辣既後勁係之後先黎 我自己覺得小辣唔夠惹味 可能嗌中辣再惹味啲🌶️😏之後佢兩個肉都燒得好好味 完全唔會柴 尤其係佢個豬肉好juicy 而且燒到少少憹邊咁 好正😍😍😍·📍西灣河太安樓地舖A28C·#rbyeat #rby好去處#rby西灣河#rby港式

香港非常好食嘅沙嗲串燒！店主用炭爐燒串燒，肉質好juicy，有少少燶邊，正！沙嗲醬夠多花生，好濃郁！到東區一定要食！！辣度有少、中、高，汁可以另上，唯一不足係要等十分鐘左右，因為啲肉要燒。每次到西灣河一定買十串以上，有相為證。

今日同老公去太安樓掃街，呢間沙嗲佬已經好多年，最緊要係個秘制沙嗲醬真係好正，醬汁惹味，少少甜，最重要係有粗花生粒，而家價錢平民，最貴都只係$18牛肉同雞翼外國都有少少焦香，但入面仍然juicyP.S. 呢間店夜晚8點先開，有時甚至更夜，所以唔好咁早嚟呀

Every resident in Taikoo/Sai Wan Ho/Shau Kei Wan must know this famous vendor that’s only opened at night in Tai On Building. Every time I buy skewers here, I would have to wait in a long queue because basically many people in this neighbourhood would pay a visit to Tai On Building simply to enjoy a nice siuyeh (late meal)!You can choose chicken/beef/lamb skewers. For the satay sauce, you can choose the level of spiciness. As it’s immediately grilled upon order, it’s still very hot and you can t

晚上十一二點想食宵夜 於是黎到西灣河嘅太安樓夜麻麻仲有好多舖頭選擇 見到有間舖頭細細間叫做沙嗲佬。都有幾個人排緊隊 聽朋友講呢到既串燒都好出名 淨係開夜晚幾個鐘做零晨時份生意於是我哋都叫咗2x 牛好似$15/16元一串同埋腸仔$6試下先大概等左7-8分鐘就拎得啦不過見到負責燒既男士冇戴口罩😷😅😅有啲愕然 食落口啲醬汁係幾吸引 有花生香味，好食嘅都叫做 啲牛都唔錯 有少少韌啦整體可接受 下次有機會都會試吓其他嘢。

住係呢頭咁耐真係冇試過食呢間😂個營業時間好尷尬，好似只係宵夜時段落完單等叫no. 紅腸同雞肉幾好食，個沙嗲醬都有花生香味又唔會過鹹牛肉較柴就比較失望對比下雞肉有汁，牛肉就真係乾身啲喇衛生呢啲就咪提啦，太安樓喎😂😂總結來講價錢唔貴都幾合理下次宵夜時間路過都會過嚟買返串

身為串燒痴，每逢見到類似串燒嘅物體，總會忍唔住要試，中日泰越馬印芸芸串燒中，最鍾愛的始終係有風味的街邊小檔沙嗲，而沙嗲佬的就是我暫時最愛。從以前伯伯的年代已聞風而至，記憶中好味卻未至於專程到訪，只記得那黑漆漆滿是油煙的舖面，今年偶然到訪，已由年輕檔主接手（不知是否伯伯親戚），卻有驚為天人的感覺。- 肉質軟諗卻未至於無質感- 醬料不會過多，恰到好處，惹味之餘保留了肉味- 炭火由生燒到熟，不會已熟番熱，肉汁得以保留，亦充滿炭香- 有大中小不辣選擇，而少辣真的是少辣，適合不同需要從用心逐串烤熟，到醬料是逐串放上去，看得出是誠意之作，引得我一星期三晚到訪，特別推介雞肉，有雞皮香又肉厚，好味！

太安樓出名多嘢食係人都知架啦每次黎親唔係食海南雞飯就係食雞蛋仔再唔係就係食炒麵。。。但係每次都食唔到好出色嘅串燒囉🍢🍢🍢🍢因為每次都開好晏，而我地每次都好早就嚟到掃街今次終於有緣等到沙嗲佬開門啦，即刻嗱嗱臨嗌返幾串先不過都要等一陣，因為我哋前邊有好多柯打我哋嗌左一串雞腎，一串牛肉，一串蘑菇串牛肉燒得好脆身，又唔會乾，保留左牛肉嘅水份，好有肉味，配埋沙嗲醬好出色呀雞腎同樣出色好爽口，正既！蘑菇就比較唔出色，因為比較乾身

即係咁，一向食串燒我都唔介意有少少燶，覺得仲惹味，但呢串雞翼同呢串以翠玉瓜係咪燶得有啲誇張？本來以為串雞翼無事，點知一撥開啲沙嗲醬，唉，又係咁，究竟係燈光太暗師傅睇唔到燶到咁，定真係覺得無所謂？如果正常燒到咁燶，我都唔係期望會燒過第二串比我，但起碼剪走啲燶先比客人吖，雖然個沙嗲醬ok，但為咗健康拒絕生cancer，最後翠玉瓜三分之二無食，雞翼要係咁咬走平時最愛嘅雞皮先食😢，只能說，無下次！！完。

去到太安樓除左係入面掃食之外，經過果條迫滿人既食街出去，見到有個燈籠掛起左，即係沙嗲佬開左門喇，緊係要整番幾串嘆下喇。店仔其實真係好細，一邊窗放滿左一串串野食，之後一邊係落單位，落完單就見到師傅拎起扇瘋狂咁撥個爐就夠正宗。叫左招牌既《炭燒蜜汁烤乾魷魚片》($19)，一大塊燒起之後見住店住掃上好多蜜汁，一打開包裝滿瀉既汁，魷魚片乾身有咬口都幾香。好貼心咁分開袋住唔同醬汁既野，等唔同汁既野唔會撈埋一齊，《蜜汁串燒秋葵》($10)一串五條，燒完之後仲好爽口唔會乾爭爭。肉類叫左《沙嗲串燒牛肉》($14)同《沙嗲串燒豬肉》($13)，沙嗲真係好香同好有花生味，不過肉好似燒得過火左，有啲韌同好痴籤。店名：沙嗲佬地址：西灣河太安樓地舖A28C餐牌:

講起西灣河可以話食野掃街拎一百蚊出黎食到你飽都無咩難度太安樓入面隨便都見到三五成群既人買緊野食想當正餐既又有粉麵飯想口痕搵野咬既又有大量小食,而係今晚正正就係口痕友今晚我既選擇係沙嗲佬沙嗲佬都唔係第一次食,寫佢食評就係第一次好耐以前佢未上鋪已經買黎食..佢燒既肉串真係唔錯唔好以前喇,就講今次今次我ORDER左兩串,豬肉同腐皮劵個醬汁都好重花生味,再配以燒肉串個感覺係唔同既,唔係辣肉入味,明顯唔係就咁放入雪櫃解凍同你燒個隻仲有燒起上黎都唔燶,又香口,同之前一樣冇失水準