沙隴餐廳

Open Now

Now Closed

茶底不錯, 炒粉麵飯都有鑊氣。最基本個西炒飯唔係福建炒飯同埋乾炒牛河變濕炒牛河。但不建議食小菜。可以$40左右食到個快餐, 有埋嘢飲, 仲想點吖！推介快餐個咖哩雞翼飯, 西炒飯, 煎肉餅飯, 乾炒牛河和星洲炒米。

話說去咗朋友度打機，平時都會嗌呢間嘅外賣自取，好多人喺門口等，今次試一入去食，入得嚟夠舊式食店梗係要試一試佢啲炒嘢，所以我叫咗個芋頭叉粒炒飯，而朋友就叫咗個粟米肉片飯。個飯會有鑊氣，粒粒分明，味道好好。因為太肚餓，我都係食到一半先記得影相😂😂而朋友嗰個因為都差唔多食曬，所以我就冇影😅同枱見到啲人食炒公仔麵好吸引，下次過開嚟再試過

牛腩河粉超好吃，湯底很濃郁，牛腩很多，而且都很大塊，燉的很軟爛咬起來一點也不費勁，強力推薦！工作人員也有很好很溫柔，很有人情味的一家小店，怪不得飯點的時候那麼多人來吃推推

呢間餐廳無論有食過定冇食過，相信好多住大埔嘅人都識，無論平日定假日，經過裏面都係坐滿人。餐廳面積唔算好大，好多時都要搭枱，餐牌就有超級多款式選擇，快餐連飲品都只係 $45 蚊定價都算合理，而晚市小菜最貴都只係 $80 蚊非常吸引，搵日有機會都想試吓。今次叫咗沙嗲鮮魷飯 ($52) : 上枱時熱辣辣之餘份量幾多幾大碟，雖然沙嗲味唔算太濃郁，不過鮮魷就真係無得頂非常新鮮，食得出唔係急凍貨，肉質嫩滑帶鮮甜味，其他茶餐廳真係食唔到。

呢一度可以話係大埔街坊嘅食堂，座位同一般茶餐廳無異，都係比較狹窄嘅，但係大家嚟得呢度都只不過係食一個快飯，所以都唔會太過介意。而且，大家都知道呢間餐廳嘅嘢都係大件夾抵食。雖然係咁，但餐廳嘅炒粉麵飯都非常之有鑊氣，即叫即炒。呢間餐廳仲有一個可愛之處，就係餐牌上面嘅炒粉麵飯其實係可以自由組合嘅。就好似呢個黑椒豬扒炒意粉為例，其實餐牌上只係有黑椒雞扒炒意粉。但餐牌上有其他嘅食品包括左豬扒，所以就試吓同侍應講話想要黑椒豬扒炒意粉。咁侍應都係會幫手落單，廚房亦都會相應出餐。炒意粉夠鑊氣，份量其實夠兩人食用。另外一個朋友點了福建炒飯，同樣份量十足，而且因為有加入芹菜一齊去炒嘅關係，食到陣陣嘅芹菜香味。

好地道老街坊感覺嘅茶餐廳, 做街坊生意, 價錢經濟實惠, 放lunch黎到, 第一次食呢間, 叫左個快餐, 茄汁豬扒飯加凍奶茶, 茄汁酸甜岩岩好, 豬扒份量夠飽肚, 煎得幾香有少許燶邊, 凍奶茶正常👍

下午茶餐，一杯奶茶，一碗雞翼麵，30蚊，真係窮人恩物。百物騰貴，飲杯奶茶都十幾廿蚊，叫個下午茶餐，30蚊，有四隻雞翼，size不算細，都算得係好抵食。叫呢個餐，都要撞手神，有時新鮮煎起，真係唔錯；有時凍咗就差少少。叫呢個餐，竅門係要小湯，因為如果係新鮮煎起，就唔會浸淋咗啲雞翼😂個面可以叫佢淋啲又得，硬啲又得，除咗可以轉米粉可粉，仲可以轉生麵，都算係比較特別。至於杯茶，奶茶輕淡口順滑，可以；咖啡是少燶味偏酸少少嗰隻，不是我杯茶；加埋一齊杯鴛鴦反而幾得😂另外餐廳裏面衛生環境都算幾好。

大埔 家常便飯首選👌🏻人來人往 家的感覺✋🏻呢一間舖頭係屬於比較有特色嘅茶餐廳🔥非常夠地道💪🏻價錢亦都比較貼地🤣食嘅係街坊嘅人情味🥳雖然裝修比較簡單😊但係食物比較新鮮😊無論係受到疫情影響🥲菜心嘅價錢亦都冇變到😂都係20幾蚊就已經可以食到一碟油菜🤝良心餐廳🍴地點：大埔安泰路1號大埔廣場地下71至72號舖名稱：沙隴餐廳好去評分🎖(5個👍🏻為最好）- 環境：👍🏻👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻———————————————————————————

喺大埔長大嘅人一定有食過沙隴佢係嗰種講唔上超級好味、但係夠濃味、夠casual嗰種茶餐廳😆家庭生意經營，唔會特別好服務，但勝在地道，常餐ABCD十年如一日，食嘅係熟悉嘅味道，新年都唔太加價星期六日朝早唔知食乜嘢，沙隴就係我屋企人嘅首選 😋 奶茶好正，夠茶味，我都鍾意常餐C餐茄汁豬扒飯夠多汁，又燶邊A餐豉油王雞髀飯配蔥油都正成日好多街坊都係選擇常餐水餃同牛腩都唔錯當然唔好expect坐得好舒服🥲 茶餐廳都係迫

今日到沙隴餐廳食早餐，呢間食店係我出世前己經開左，算是大埔的老字號。朝早10點30去到的時候已經好多人，好彩等左5分鐘左右已經有位，仲要係卡位。我三個朋友叫左百塔早餐，價錢都係$30，三樣餸。我就叫左個雞翼米線，都係$30。朋友的早餐質素都可以接受，炸菜好好食，午餐肉亦是煎香左，蛋就可以再選煎蛋同炒蛋，2種食法都唔錯。我要的雞翼米線都好抵食，因為有食4隻雞翼，而且係熱辣辣，應該係炸完無耐。我自己會加多少少佢地枱面會提供的荔枝醋，會更加好味開胃。食物的質素不錯，但服務態度就不可恭維，我地其中2杯飲品好耐都無來到，差唔多食完個陣，終於忍唔住去問啲阿姐。我地係一個叫左熱奶茶，一個叫左樽裝朱古力奶，但阿姐聽到之後，只係話佢地有好多外賣，然後就走左，又無再去追。咁奶茶都算，樽裝朱古力奶係喺佢地個雪櫃拎出來就得，又關外賣咩事呢? 結果又要等多陣，再搵多個阿姐問先至追到。我唔係第一次食呢間店，係由細食到大。好多時堂食的話，偶然都會即場聽到有人投訴。呢件事真係令我覺得呢個店的食物質素穩定  但服務也是穩定地強差人意。

大埔一間歷史悠久嘅茶餐廳而佢嘅快餐menu... 亦都唔知幾耐冇換過喇 😂今日循例記錄一下，是日午餐⭐️ 快餐：粟米肉片飯 落單果陣唔小心講錯咗「粟米肉粒飯」... 即時被侍應糾正返：「係肉片呀！」😂 做咩咁緊張... 知喇... 係肉片丫嘛 🙈🙈其實睇真啲，哩碟應該叫做「蛋花粟米粒肉片飯」佢飯同汁嘅份量其實好夠 👍🏻 但係如果佢個汁多返啲粟米嘅味道，會好味好多如果食慣濃味嘅人，哩碟粟米肉片飯，應該就未必啱食喇 😅⭐️ 熱檸檬利賓納如果大家試過其他餐廳嘅利賓納，可能都會遇過有色冇味嘅情況...但係沙隴茶餐嘅利賓納，冇遇過哩種失望嘅情況真材實料 👍🏻 唔會慳住慳住咁，夠哂味檸檬雖然係好考刀工嘅薄切，但係都俾足4塊！近乎3分1至半個檸檬咁多 ☺️所以如果哩到沙隴，大家都可以試一試佢 😋

沙隴餐廳係大埔好耐歷史，有二十年以上，住开大埔的人多數都食過，大家有讚有彈勒。我自己就幾鐘意食，味道幾好，最重要係夠平，仲係堅持賣四十元左右送杯飲品的良心餐廳，而且長期都有好多街坊幫襯，想食多數都要排一陣隊。我个日就食左个咖啡雞翼快餐，真的好快，五分鐘送到。

餐廳外型絕不吸引，位於大埔廣場地下。 堂食或者外賣都有幾樣必食之選， 第一樣星洲炒米， 有鑊氣係基本， 炒得乾身，咖哩味濃，大大碟夠兩個人食，價錢合理。另一款係咸魚蓉煎肉餅，簡直冇得頂，可以講係全大埔最好食嘅肉餅飯三甲之一。鍾愛腐乳通菜的朋友，真係要試試，不過會偏鹹，可以自己倒起少少腐乳汁s。 佢哋嘅老闆好好人架，好有人情味，好多街坊客幫襯佢哋，無論早市午市晚市都好多人。

返學前想食啲甜野，於是就叫左沙隴嘅奶醬多返黎食冒著熱氣嘅奶醬多，金黃色嘅麵包同多到漏出黎嘅奶醬真係好正佢用嘅花生醬仲係有花生粒嘅，真係好好食偶爾食下呢個$14簡單高質嘅早餐都唔錯

今晚想食沙隴嘅蠔油撈伊麵，去到人唔太多，10分鐘左右就有得拎喇但返黎一開盒發現佢比左撈麵我雖然有啲失望，但唔想再落多次街，今日就試下撈麵吧唔好睇相好似好少咁，但食落好大份好飽。麵好爽囗，加上佢夠多蠔油(有啲鋪頭比嘅蠔油唔夠真係失色唔少）撈埋食好惹味呢個蠔油撈麵可以再有，27蚊，又便又飽肚，有時諗唔到食咩食呢個都唔錯。不過下次唔好比錯外賣我就好喇。(下次我會叫佢個蠔油撈伊麵食下)下次打電話去叫定外賣可以唔洗等咁耐