泉記金喜來海鮮飯店 (Closed)

2010 新的開始, 一家大細又出動打邊爐, $88 平靚正又唔駛執嘢, 實為最後一日假既大衝刺<主打食物>肥牛/雞肉/豬肉牛丸 (好新鮮, 必食) 生蠔 (好肥美, 必食) 蝦 (好新鮮)雞子豬膶多款丸多款菜 (自助)多款麵 (自助)啤酒/水/汽水任飲 (自助)食物不能盡錄<服務>~食物嚟得好多, 雖然有漏單情況, 但可接受.~每當舉手支援, 實有一個侍應當左右, 收碟效率都 ok溫馨提示 : 假期好多人, 唔想白行就最好7點前到.

七月十二•晴 晨早來漁灣街市買點東西，當然亦順手上來熟食中心吃東西。原本想去吃炸三腸，但人多到插針不下，反而這邊較鬆動。見只是想吃碗豬扒丁，那裡也不應有太大的分別吧，就來了這裡。 但想也想不到，分別還是頗大的。見碗隨著即食麵拿來的，還有湯粉及麻油，心裡暗叫不妙，滾水丁又重出江湖。煮過即食麵的都知，湯粉也要滾起至好味，拿來沖熱水，得個鹹字。唯今之計，當機立斷，立即止蝕，將熱水倒去，混入大半包湯粉，再加麻油，當撈麵吃，還叫不至於total loss。 豬扒硬硬的，腸仔也乾乾的，反對多士幾好吃，而熱咖啡都不錯。 不過單是這個清水湯底，已經值得「喊面」一個。

一行7人响西貢行山行咗幾粒鐘, 又攰又餓, 跟住就直接搭698R巴士到柴灣打邊爐, 是關某人同某人食過話好抵, 任食仲要任飲, 又有海鮮併盤送... 又有混醬... 又有 ...<環境/地方/時限>真係好有 feel, 呢d天氣所有人都打邊爐, 仲要係用石油氣爐, 地方唔算太迫夾, 地下亦唔算dirty, 不計時限<服務>ok 喎, 果晚全場爆滿, 無漏單之餘仲要好快到<食物>熟食 (要自己出去拎, 手快有手慢無) - 炒蟹, 炒蜆生食 -送既海鮮併盤 (賴尿蝦, 蝦, 蟹) - 超新鮮出色而新鮮食物 - 生蠔, 蜆, 肥牛, 墨丸, 魚類, 菜, 豬膶醬油 - 可隨意混, 不另收費飲品任飲 - 細支裝汽水, 康師傅檸茶/綠茶, 啤酒備註 : 平日 $78, 假日 $88, 小童 $60 (不收加一, 亦不需湯底費)7人共消費 : $600

今日同朋友黎哩度打邊邊, 7點黎到打到11點左右, 任飲任食鴛鴦湯底. 其實最後都係同一個湯底... 不過都叫左先.個湯底勁味精. 搞到狂飲汽水, 好彩d 汽水都係任飲今次d 蜆好多隻都識郁, 食落冇乜沙, 好味!田雞今次有田雞脾喎! 雖然都係得一隻半隻, 好過冇啦, 叫一次食一隻都好啦雲吞較鹹, 上次真係覺得好食, 今次食完一粒就唔想食豬膶, 唔爽, 好沙既感覺, 唔多鍾意.竟然冇烏冬, 唯有退而求其次. 第一次打邊食河粉, 又ok 喎, 唔斷先, 同埋都幾滑又有點彈牙最後我都係食芝士丸同魚皮餃, 哩兩樣最正啦請埋朋友都唔過100, 又多野食, 真係好抵!仲可以一邊食一邊睇電視, 不過個電視冇乜聲.唔駛驚哩d 熟食中心冇冷氣, d冷氣超勁!

今日，係我地一班同事做到死死下既補償!中午聽到同事話夜晚既"平民夜總會"好正(不要想歪念)我地夜晚就真係去試下 ! 結果真係想像之中的更正!!!!!我地幾個唔知頭唔知路上左去，見到都好多人下...就問一問阿姐幾錢位 .........78$78' 無聽錯，係$78'唔加一，任飲(有酒飲 )座底後，點野食，有海鮮..............正.............食左幾轉之後......已經係2.5個小時我地休息，吹下水....又食.....最後，我地食得5太多海鮮.......個.湯底變左做海鮮湯....再加多隻麵去食...........湯底比我地飲左一半..................回味無窮......

搵咗好耐都搵唔到D好平的任食火鍋,於是去了同事介紹的這間,佢都未食過,不過見到好多人食.我地就去試吓.一行八人去了這裡打邊爐,$78/人,學生就$60/人.用舊式爐同埋石油氣的,好有懷舊FEEL.環境就麻麻,因為係街市,所以要求唔高!食物方面,今次選了鴛鴦湯底同埋皮蛋元茜湯底,都唔錯.選擇都ok,d肥牛同芝心丸都唔錯,菜任取的,都幾多同埋幾新鮮!另外,送了兩碟海鮮. 有蝦,蟹同扇貝等, 勁多蝦,不過不是太新鮮,我地八個人都食唔晒一碟,因為海鮮我地麻麻.汽水,維他奶,啤酒,樽裝水任飲,全部都係支裝汽水來的,好正!因為係任食來的,呢個價錢都好抵食!下次可以再去.

尋晚同朋友4人一同去漁灣村街市打邊, 係朋友介紹我地去的.夜晚全層都變左做打邊邊, 都唔知哩間鋪叫咩名囉.不過橫掂都係比個笑臉, 寫o係邊間度都冇所謂啦!火鍋任飲任食每人$78. 爐係用舊式爐+ 石油氣任飲有維他奶麥精啤酒, 真係幾特別.其實打邊邊飲汽水最開心, 不過佢有麥精, 唔好蝕比佢, 飲左5-6支!湯底有沙嗲湯, 鴛鴦湯, 皮蛋芫茜, 粟米蕃茄, 我地畏左皮蛋芫茜.每台送一碟海鮮. 有蝦蟹同扇貝, 都食唔晒我地另外剔左蟶子同蜆, 只係寫左個1字但竟然咁大碟但蟶子比較多沙. 蜆好新鮮, 仲見到一隻郁緊架!哩度d 野食都幾多選擇菜同雞蛋可以自己出去拎, 加水自己加.有肥牛滑牛, 都係肥牛好食d. 一黎黎好大碟.朋友話魚皮林左, 最好淥下先食, 唔好就咁食丸有芝心丸同蟹子丸, 哩兩樣係我最鍾意食, 食到超飽都仲要繼續叫!田雞! 賣飛佛, 不過佢當然唔會比田雞脾, 只係比個身, 骨係多d, 但好滑! 好味呀!鯪魚滑, 冇咩彈性, 都係墨魚滑好食d, 不過哩度冇魚皮餃都幾好食, 淥左好耐都唔會散, 個皮仲煙韌, 不過拎過黎o個個賣相真係麻麻雲吞!! 值得推介, 唔好睇佢細細粒, 一食落去

有職員聲大夾惡話"入面唔俾打邊爐",但入面十檯有五檯都係打緊邊爐囉!又有人話"打邊爐唔俾訂檯"......但之後問多兩問,佢地就惡死到搵人恐嚇,自己唔夠料串就亂咁串人,開口埋口都粗口!咁樣對客人,好巴閉嗎?我不一定要食的!d職員真係要去返幼稚園學下禮貌!野食,不在話下la,睇見石油氣爐旁有n支煙頭,仲見到戶外的地方有小強走行!店內職員食煙,係咪違反控煙條例及消防條例?!大家以後要小心選食店!

我地一行7人去左泉記食. 佢地有冷氣, 同埋d野食都有保證咁我地叫左有"高" 瀨尿蝦 $80幾黑椒牛骨仔煲油泡田雞炒'顯'炒飯同自己釣既魚d 瀨尿蝦點知冇;高; 咁就同個經理講, 佢都好好, 改番我地個價錢牛骨仔煲好香, 好好食. 不過好似少左d油泡田雞 ok炒'顯' 好好食!! 好'野'味呢餐飯食得唔錯!! 幾好味, 下次想去試下佢個打邊爐. 好似任飲任食, 而且聽食過d人講都ok.. 等我試左再上黎同大家講~

這裡不算是時常幫襯，但每年春秋二祭之後都會拉大隊來這裡，因除了不需擔心排隊等位之苦，還可即場享用祭品而不會受到白眼，況且這裡的炒粉麵飯鑊氣夠猛，都算是一個不錯的選擇。是趟過來，真的各色其式，有的點了常餐、牛腩粉麵、豉油王炒麵、班腩飯、星州河…；後者三款炒粉麵飯真的鑊氣夠猛，入口還是辣咀的，熱呼呼過足穩乎，食味可惜偏咸，否則分數都會幾高。地方真的不敢恭維，想要乾淨的這裡絕對不會過來；招呼亦不會預算很好，因阿姐們大多事情忙過不來。這裡亦有中式點心供應，試了所謂潮式粉果及牛肉球，只能說是街坊價錢，食味真的不敢恭維。

o係附近返學, 有時間就過黎食飯。作為一個大排檔, o的野食都ok啦!呢食物都算黎得快,如果趕時間就唔好叫干炒牛河,一定有排等!$19有一大碟飯同一枝飲品, 自己o係雪櫃揀可樂﹑維他奶, 乜都得, 都幾抵食。佢地o的服務真係麻麻地, 上菜果時左穿右插, 都幾嚇人。有次, 早餐去食有點心同盅頭飯, 我地本來想慢慢叫, 但果個阿姐見我地人多, 係咁放o的點心上我地檯, 好似逼我地要咁, 搞到我地果日埋單每人要成$30。

黎過幾次家庭聚餐，都係因為老人家貪呢到唔貴，唔想後生使錢。其實呢到地方係街市樓上，環境衛生認真嘛嘛，地方大，檯又多，人又多，又嘈又大煙。講返食，一般飯館質素，絕對冇驚喜，但地方大檯數多，廚房出菜唔係續檯起，係儲ORDER一次過炒再分，所以上菜超慢，每樣餸相隔都差不成兩個字先有得食，咁食法每次都食唔飽。侍應呀嬸好明顯唔夠，叫人冇人，茶唔自己加水肯定冇人理你，餸食完冇人收，服務可以話冇乜。如果唔家庭聚餐，自己就唔會黎啦，絕對係街坊大排檔服務同食物質素，冇得苛求。

有次上去食lunch，條春卷裏面有隻細小強，第一時間通知伙記，佢一手取手便算，仲話補返比我地，仲敢要咪！

本來想試kc 兄讚不錯的香江茶餐廳，但他們很早關了門，老公見這間很多街坊捧場便選了這間買外賣。蔥油雞半隻- 一定非新鮮雞，老公話味道ok，我覺肉質麻麻。椒鹽骨- 略鹹肉質略實，證明沒有下很多梳打粉。菜遠牛肉- 也沒下很多梳打粉，菜心都幾多幾好味，牛肉一般啦，略油。這幾味的份量都很多，加一個飯，埋單約$150特別鳴謝到柴灣買外賣給超級大懶人小頭的老公。

其實我一個星期都會上去兩三次既,環境唔差, 價錢都ｏｋ既...最好就叫餐...$20-$40都得既...我食佢個個咖喱雞扒都幾好味...佢個餐仲包埋飲品...加埋二十幾蚊咁上下啦...我果幾次去都係食tea嫁咋...dinner未試過...如果下晝得閒冇野做...同朋友上去食下野都OK既...ｄ野又多又飽！！