泡沫茶 (Closed)

當想食甜品時，我第一時間會諗起食呢間三撈西米露。 三撈裏面包括有椰果，珍珠，丸子。 你可以揀涼粉底或者西米露底。 椰果爽口， 珍珠煙韌， 丸子帶少少甜味， 再加上花奶和椰奶， 令西米露好香好滑。 令人一試難忘! 值得推介

呢度嘅珍珠奶茶十分好飲，同大型連鎖店嘅唔同，佢唔會淨係有甜味，反而係茶味同奶茶好平均咁融合左，但如果係鐘意奶味較濃嘅朋友可能會覺得呢度嘅珍珠奶茶唔啱口味，買之前要留意返喇。即叫即炸嘅鹽酥雞同豆角好惹味，炸粉唔會過厚再加埋調味做得好，唔會食到覺得好油膩，令人忍唔住一啖接一啖，再加埋每舊size唔會過大所以唔會食到好狼狽，用嚟做宵夜一流。員工嘅服務態度好好，有時佢地仲會同你傾下計添係一間有人情味嘅小店，唔會話只係當做緊買賣，好溫馨。