波仔記車仔麵 (Closed)

新開左間車仔麵店,裝修幾有60年代懷舊feel,所以試下,點了4個餸,試了王牌魚餅,老闆說是自家制手打,好吃,加上價錢平民,北角區值得一試的香港特色小店👍🏻

被踏實嘅內部裝潢吸引，走進這三十年嘅車仔麵品牌，試試它的虛實。我叫左三餸嘅米線，加左腩汁同小秘製辣汁。三餸係分別有冬菇、蘿蔔同牛筋腩。講真，三款餸都無咩驚喜。叫冬菇嘅原因係睇下佢炆得入唔入味。食落係食得出烹調者唔係齋烚或依賴哂個湯，但就真係唔算入味。另外，蘿蔔又煮得唔夠腍同入味。先唔好講佢選材唔係特別好，就連入味程度都睇唔出誠意，確實有點失望。冬菇同蘿蔔都係9蚊款，牛筋腩就貴少少，要11蚊。同樣，佢又係唔腍唔入味。湯底如果唔係加左腩汁，我估都係清左少少。辣汁就係無咩層次嗰種，一味得個刺激喉嚨，無話辣得來香。希望今次經驗只係剛開業、未熟悉大眾口味嘅開始，日後期待更多進步。儘管評價如此，我都希望有多啲客人光顧，多點鼓勵這些香港地道小店，保留香港特色味道。

湯底，偏淡面，正常豬紅，正常豬皮，有些不夠軟大腸，偏淡大辣，應該是中辣吧桌上的辣醬跟整碗面的味道不配個人比較喜歡濃味的車仔麵。這裡有撈麵，可能效果會好一點，因為醬料沒變稀了，味道會濃一點。

得知波仔記車仔麵在北角開分店，剛好今天經過這邊，就入去試一試。真係值得一讚！不論味道同口感都食得出灣仔嘅水準。因為好多鋪開分店，水準味道都有所下降，佢地keep倒，真係低讚！據我所知北角店係第二代接手管理，果然虎父無犬子，青出於藍。佢地更有突破性驚喜，北角分店多左個秘製辣汁！！！因為灣仔做左咁多年都無自己炒嘅辣汁，鍾意食辣嘅我，總覺得差咁D野咁。今日試過個辣汁真係喜出望外。呢個辣汁我認為勝過好多所謂因辣出左名嘅車仔麵辣醬辣汁，好想知佢地落左D咩＠＠，都幾肯定遲D好快又上雜誌又上咩香港10大車仔麵，到時要食倒又要排下隊啦