波仔記車仔麵 (Closed)

❥ 四餸車仔麵 + 凍飲 （$59）同事話喺北角個邊有間好正嘅車仔麵，所以我地喺正午時分（體感50度）之下由鰂魚涌行左15分鐘過去，就嚟焫著，心諗：如果唔好食返去打死佢(￣Д￣)ﾉ 好彩去到覺得CP值幾高🤩貪心嘅我一如概往叫左四餸麵同一杯野飲  (枝裝可樂但我唔記得左影）😎麵底要左河粉， 餸就要左蘿蔔、魚皮、魚餅同冬菇～ 河粉份量好多，好滑同唔會好碎～ 蘿蔔係咁多個餸入面最出色，好燶味同好淋，好好食😋 魚餅都好彈牙同好香，冬菇好入味，魚皮都好香但唔太夠脆：（  佢仲可以加汁，我加左腩汁同咖哩汁，腩汁好香同有啲辣，好正🤩之後加多杯野飲，凍奶茶，茶味偏重同埋偏甜（已經叫左少甜），所以如果大家去可以叫微甜～ 麵加野飲 $59，附近午餐食飯差唔多價，但佢啲野真係好大份，所以CP值高🤩🤩 附近返工嘅人可以去試下～～

❥ 四餸車仔麵 + 凍飲 （$59）同事話喺北角個邊有間好正嘅車仔麵，所以我地喺正午時分（體感50度）之下由鰂魚涌行左15分鐘過去，就嚟焫著，心諗：如果唔好食返去打死佢(￣Д￣)ﾉ 好彩去到覺得CP值幾高🤩貪心嘅我一如概往叫左四餸麵同一杯野飲 😎麵底要左河粉， 餸就要左蘿蔔、魚皮、魚餅同冬菇～ 河粉份量好多，好滑同唔會好碎～ 蘿蔔係咁多個餸入面最出色，好燶味同好淋，好好食😋 魚餅都好彈牙同好香，冬菇好入味，魚皮都好香但唔太夠脆：（  佢仲可以加汁，我加左腩汁同咖哩汁，腩汁好香同有啲辣，好正🤩之後加多杯野飲，凍奶茶，茶味偏重同埋偏甜（已經叫左少甜），所以如果大家去可以叫微甜～ 麵加野飲 $59，附近午餐食飯差唔多價，但佢啲野真係好大份，所以CP值高🤩🤩 附近返工嘅人可以去試下～～

難得嚟到北角，無理由又食快餐，終於俾我發掘到學校後面有間好潮既車仔麵貪心啲叫左4餸菜係必需既！豬大腸多到魚蛋都好大粒！我加左腩汁，有啲後悔，越食越咸，但係整體都好食既！夠入味，可能我又無啦野飲，咸到有少少頂唔順。幸好個蘿蔔唔係煮到溶果種，如果唔係就GG了，無筋，都算清甜。唯一挑剔下係個魚蛋，粒多，鬆泡泡，如果轉返細細粒咖哩魚蛋就更正正啦！下次再有機會我就唔加腩汁啦，可能會叫撈，但撈又無得浸魚皮...呢個價錢都算係抵架啦！平時頂多食三餸架咋！肥肥

今日同朋友去咗北角睇下有咩食😆發現咗有間車仔麵店 我本身好鍾意食車仔麵所以就入咗去食啦！佢可以任選湯底同埋餸 我叫咗響鈴同埋魚腐，同埋湯底叫咗少辣，加咗杯凍檸茶就35蚊，對我黎講都算幾平！每個餸有兩件，不過不失。麵嘅份量就好多啦，所以就算兩餸麵都好飽。河粉好彈牙，唔會太腍，個湯底都好香，個秘製辣汁係咖哩汁咁嘅嘢，放喺個匙更上面。我叫咗小辣就覺得可以再辣啲，下次食會叫中辣！啲餸嘅味道就不過不失，魚腐好食啲🤪同埋想讚下佢個凍檸茶，我叫咗小甜小冰佢真係做到，有好多所謂有幫到你小甜小冰嘅嘢飲都係好甜好多冰😂 呢杯就好好！大讚！

自認係車仔麵fans 食勻香港多區的車仔麵 波仔記係唯一一間令我一去再去嘅！忙完一日最好就係去食自己鐘意嘅野 鐘意嘅味道 充電！推介 一定要點佢嘅秘製雞翼尖同雞翼 好夠味！豬紅爽口！特製魚餅好味！今晚點選湯麵 中辣辣道啱啱好！醒神！今晚加班後已經好餓啦 麵店光速地為我送上熱辣辣嘅車仔麵 好幸福呀！推介 大家尋找幸福味道

今日難得放假，梗係去搵男朋友仔拍下拖啦🙈玩咗成日，最後一站我哋去咗北角嘅波仔記食個靚麵～依間麵店一啲都唔難搵，北角站一岀再行前幾步就到👍🏻入到鋪頭，裡面嘅裝飾擺設都好有懷舊feel，不過我覺得佢個LED logo最正，打卡一流🤣依度麵同餸嘅選擇都算多，而豬紅就係老闆嘅推介🤫老闆同我哋講，佢哋嘅豬紅冇渣易入口，所以非常值得一試👍🏻👍🏻👍🏻但我個人比較鍾意嘅唔係佢哋嘅餸，而係佢哋嘅秘製辣汁，又香又夠辣，啱晒我依啲重口味嘅人🤤我哋今次總共嗌咗7個餸2個麵，有豬紅牛筋腩等等，埋單都只係80蚊，正～😋

這家車仔麵裝修帶點懷舊風，tick紙自選配料、啡色摺枱摺櫈有大排擋feel，品種選擇偏少，不過我心目中最經典的蘿蔔、牛腩、雞翼尖等都有，貴精不貴多嘛，反而覺得現在很多摩登車仔麵加太多新式配料沒有以前吃的車仔麵風味。這次已經是第二次來，叫了齋、芝士腸、牛筋腩粗麵，齋有三大個份量十足，我最喜歡吃牛腩，很入味，試吃了一件蘿蔔（我妹的）夠淋，夠入味，正可惜當日腸胃有點不舒不敢多吃所以我才沒有點，下次一定叫一份。粗麵偏硬，還是配米粉好吃。

午膳時間光顧北角新店波仔記車仔麵，餐廳裝潢有心思，有點兒懷舊的風格。午膳時間尚算坐得舒服，環境衛生坐得舒服。餐單上選擇唔算多，典型車仔麵餸可供選擇。午膳時間唔算擁擠，入單無耐，店員已經將車仔麵上枱，見到大大碗車仔麵嘅我除左流哂口水之餘仲瞪大左雙眼👀。比想像中大碗，啱哂肚餓到打鼓嘅我！腩汁湯底，清而不膩。睇見正正方方嘅豬紅🤤好新鮮！另一碗係牛腩魚腐生菜米，足料。總結價錢相宜，食材新鮮有驚喜，抵食之選！😋

見佢近排先開，今日lunch就食呢間喇！入到去好懷舊既感覺呀咁我就叫左豬紅，蘿蔔，雞翼尖佢個蘿蔔超入味啊,必叫！雞翼尖都好食！不過豬紅就有啲鞋口喇！同埋佢個辣醬唔係普通果啲辣醬而係咖喱魚蛋嗰啲咖喱辣醬，所以我好中意食，次次去到都要叫大辣再用蘿蔔點住黎食唔食得辣都唔緊要！佢係用匙羹裝住啲咖喱辣醬，食唔到就唔落落去湯到囉！佢係牛腩汁湯底，我幾乎飲晒成個湯😂不過佢嘅樓面得一個人，有時見佢都幾忙，咩都係佢做哂一腳踢～

我一直去開鵝頸橋街市上面個間，今日無唸經過北角，見到開左分店，馬上試下，味道無變，地方乾淨，裝修都幾年青人，多一間選擇，唔洗專登去街市上邊，新分店地點方便。會再去！。

本人真係好鐘意食車仔麵, 聽同事講附近開左間車仔麵，今次終於搵到機會黎試下。雖然佢個推介係車仔撈，不過我果日就想食返D有湯嘅麵,就叫魚蛋、蘿蔔、豬皮、雞翼。先要讚下d蘿蔔夠哂入味，又唔會太冧，爽口，拿捏得幾好。豬皮爽脆亦都好入味。不過雞翼就淡少少，食得出係瑞士汁煮，可以再老得入味啲。有個可惜嘅位置係魚蛋竟然唔係咖喱魚蛋，可能因為要迎合唔食辣嘅人，總覺得有啲可惜。另外要讚嘅係個湯同個秘製辣汁！辣得黎感覺無咩味精feel,食完唔會渴！我成碗當湯飲哂。

車仔麵係香港特色之一, 雖然好似只係幾個餸煮埋一碗麵簡簡單單, 但要煮一個令人回味記憶猶新嘅車仔麵就一d都唔簡單,行過見倒，點都要支持下。呢間車仔麵係岩岩新開，灣仔都有間，去到發現老闆店員同顧客嘅關係非常好，應該都係家庭式經營，一入到鋪坐低已經好有親切感。可能裝飾新淨，又有懷舊feel, 吸引左好多後生嘅office 男女。＠＠碗麵一到，飲咗啖湯先，味夠濃以不渴喉，唔覺係味精湯，正！豬紅好滑，夠入味，我加左個辣汁，覺得超正，可能我本身鍾意食辣。所以真係加哂分。香港好多車仔麵個辣都唔好食。所以我地哩d好辣之人，覺得好重要，一個車仔麵，配上一個好食好香嘅辣醬，其實已經加好多分，拎我唸起文記....不過雞中翼就可以做得入味D。我見佢地出名係傳統車仔撈麵，老闆介紹魚餅、雞翼尖、撈油麵好正，加上辣汁唔會因為個湯溝淡左，聽佢咁講，下次真係一定再過黎試下。＾＾

得知灣仔鵝頸橋波仔記車仔麵喺北角開左分店，緊係去試下。基本上所有餸大致同灣仔差不多，多左魷魚、同一個秘製雞翼。不過雞腳就無做嚕，聽佢地講哩邊好少人食，試業時仲有。另外多左個秘製辣汁@@ 就等我試下先！個秘製辣汁講真真係唔錯，唔會得個辣字，有層次嘅味道，配麵真係好岩。辣得黎亦唔會搶晒其他湯底同車仔餸嘅味道。個人認為北角最好食嘅車仔麵！能做到生意廣展，又有新突破，又keep 倒水準真的不易。更何況係已有三十多年嘅香港傳統。

今日去北角做嘢， 下午茶時間周圍行吓，因為實在太耐冇黎哩區。行入七姊妹道，見有間車仔麵裝飾懷舊風，門口有提到灣仔老店嘅分店，原來係鵝頸橋嗰間波仔記，就緊係入去試吓。佢地介紹我試下新加嘅最辣汁配撈麵，我揀左油麵試下。出奇地絕配！呢個秘製辣汁，同佢哋一貫作風一樣，食完唔會口渴，對我來講唔算好辣，本人食開譚仔小辣。不過味道真係幾香，食得出有沙茶醬同咖喱味，仲有説不出的香辣味。真係要你哋自己親身嚟試先知。不過真係值得推介，好配合車仔麵。其他嘢都保持到灣仔的水準。

今天難得假期過去北角找朋友聚舊，經過七姊妹道看到新開的波仔記車仔麵分店，看到門外的秘製雞翼尖馬上口水流流立刻馬上試過究竟。最特別的是他們依然保留着玻璃支裝大可樂在外面的車仔店已經見少賣少了，這個已經值得加分啦今次叫了魚餅大腸雞翼尖撈麵配上他的自家製辣汁內裏的沙茶味非常濃烈，但又不會搶過他整個面的風頭他的魚餅看得出是有煎炸過的，但是不會很油的，吃下去非常之香口，另外我專程入去吃的秘製雞翼尖更加不會軟林林，不會煮得過爛看看招牌原來這間店已經有30年歷史，加上富有香港特色的裝修，在這個北角區的舊區裡，對於我們這些喜愛本土文化的人來說，更加要大力支持，希望大家都多多支持本地的”香港味”小店💪🏻💪🏻💪🏻💪🏻💪🏻💪🏻