泮利居

Open Now

Now Closed

平日我經常飲茶，但少有的潮州菜配合中菜元素，感覺新鮮。午市入座後15分鐘已座無虛席，點心加炒粉麵的選擇多，我今次主攻潮州菜式。荔枝奶皇球造型加分，外層酥脆不油膩，饀是流沙奶黃，惹味。潮式水晶包有兩款口味，我偏好香甜豆沙味。懷舊咕嚕肉以雙色米粉炸成的器皿盛載，好搶眼，咕嚕肉酥中帶軟，酸甜好開胃。紅燒乳鴿肉質細嫩，鹹香好送飯。瑶柱蛋白炒飯炒得好有鑊氣，炒到粒粒分明，完全無油膩感。清心丸綠豆爽至愛的潮式糖水，清甜清熱氣。配合汽水，好解渴。

烏溪沙站附近有一間質素幾好嘅潮州菜餐廳 -- 泮利居，住附近嘅小夥伴應該知道，係一個家庭聚餐或者朋友聚會嘅好地方，唔使去到太子或者西營盤咁遠食潮州菜。餐廳裝修都幾靚，而且乾淨企理，臨近聖誕，我遠遠就畀佢店面嘅聖誕樹裝飾吸引，係喎！又就嚟到聖誕節喇😄😄🤩🤩🤩🥳🥳鹵水鵝肉🪿 $148鵝肉肉質細嫩，鵝皮Q彈，保持到鵝嘅獨有香味，底層豆腐嫩滑，完全吸收上層鵝皮油脂同鹵水汁嘅味道😍😍🤗🤗潮式梅膏骨 🐷$118梅膏骨係潮州特有菜式，主要係用咗潮州特有嘅梅膏，鹽，糖再配合生炸嘅一字排而成，新鮮炸起嘅一字排脆香可口，梅膏醬酸甜開胃，令人一試難忘。 梅膏骨有別於酸甜骨， 由於無用到白醋，少咗一股沖擊口腔嘅霸道酸味，梅膏骨相對柔和好多😄😄😀😀🤩🤩沙爹韭菜豬紅🐷 $78豬紅入口即化，份量都幾多，韭菜清脆嫩綠，完全唔會食到有渣，沙爹汁濃郁好味，唔會過鹹，恰到好處，不論作為前菜定係主菜都好開胃🤭🤭😍蠔仔肉碎泡靚粥(碗) 🦪 $68食潮州菜又點少得蠔仔粥呢，蠔仔鮮甜飽滿，一啲都唔腥。見到粥底用咗大量肉碎同方魚淆製而成，整體口感層次豐富，係理想嘅澱粉質之選，一碗係夠兩人份量食嘅😀😀😁😁整體環境坐得舒適，枱同枱之間唔

🌟餐廳：泮利居📍地址：馬鞍山烏溪沙路8號迎海薈地下3A號舖💰價位：$101-200⏰營業時間：星期一至日08:00 - 16:00/18:00 - 21:30📱電話：26395066同事知我鍾意食潮州菜，今晚帶左我去馬鞍山新開主打新舊融合潮州菜既「泮利居」，兩個人撐枱腳，輕輕鬆鬆歎返餐DINNER～———————————————————🔹 菜甫肉碎煎蛋傳統潮州菜式菜脯肉碎煎蛋，味道咸香，雞蛋餅煎至外層香口，蛋味濃郁，加入肉碎及香脆菜脯粒，層次感十足！好有家的味道～———————————————————🔹 潮式炸芋蓉鴨件估唔到呢啲款工序繁複又傳統嘅菜式，呢度都有得食！外層既芋蓉炸至香酥可口，更加入豆味濃郁既腐皮夾雜係鴨件及芋蓉之間，色香味俱全，令人回味無窮，好滿足～———————————————————🔹 紅燒乳鴿紅燒乳鴿亦係我嘅至愛～呢度既乳鴿炸至香脆熱辣辣，肉身嫩滑多汁，令人食到津津有味～———————————————————🔹 潮式炒麵線最後以一個傳統潮式家鄉炒麵線作結～麵質煙靭爽彈，配料加入蝦肉、魚肉皮、蛋絲及香蔥絲，夠哂豐富，食得好滋味～———————————————————😋

lunch time嚟食, 話所有炒野要至少半個鐘, 叫個牛飯又話牛仔粒賣哂, 轉做粉面又話出前一丁賣哂, 落單要個客講號碼, 員工連自己menu有咩都唔知, 上菜連汁都可以嚟錯, 問個客將就下食住先得唔得????? 落野飲可以4杯錯3杯, 熱飲變凍飲仲要唔三催四請先請換. 換完仲要張單照收凍飲錢, 唔出聲都扮唔知話打錯野食一般般, 正正常常平平無奇, 員工態度一般, 落錯單情況唔小, 搞錯哂野食, 環境尚算乾淨, 成日封左三分之一位唔開, 無人帶位

今晚家庭聚會預早食中秋飯，因家人大多在馬鞍山居住 ，朋友介紹呢間潮洲菜，上星已試過一次朋友食飯，食物美味，價錢ok，因此今日試吓訂中秋晚飯，今日酒樓人多，但食物保持水準，份量足（潮州菜呢講算係中上）最後都係食唔晒，飯要打包😄但房間較細，電視又壞壞哋，好彩食物有質數，服務態度好，會再幫襯👍節日菜價錢優惠，泊車又有免費兩小時，馬鐵又方便，家庭或朋友聚會好地方，下次會試吓茶巿食物，聽講都係幾好，希望有驚喜

🔹潮式春菜煲 $98正正常常，冇太大驚喜🙌🏻不過佢有落豬油渣，同菜一齊食會冇咁油膩🔹滷水雙拼 $188我哋叫左滷水豬耳➕鴨片 原本以為得依兩種，估唔到佢會另外加鴨肉同豆腐俾你，變相都抵食🙌🏻🔹潮式酥炸蠔仔餅🦪 $108有四大塊✌🏻✌🏻我哋4個人食都夠都幾大塊，但唯獨係佢落多咗油，油益味重咗🥹🔹蒜香肉碎蒸陳村粉 $88呢個陳村粉係落蒜茸🧄食落都好重蒜味 亦都爆得夠香，但係唔夠汁🥹🥹食咗一陣已經吸晒汁😰如果佢落肉碎嘅話，成碟口感會好好多🔹潮式反沙芋 $108依個甜品都幾多舊，唔洗爭 熱辣辣上碟做成餐飯最後嘅結尾 但佢炒得唔夠沙🥹因為都食得出一塊塊糖甩出嚟，只係另外加砂糖🤍聽閒有午市，點心都ok👍🏻如果喺附近返工、住嘅朋友，有興趣可以試吓～𖠋𖠋𖠋有加一服務費𖠋𖠋𖠋

今日終於見識到，這個食市非常有問題，食物差、餐具不整潔，漏單服務只會推向你問題，人手不足夠，環境舒適度不好，冷氣唔足夠，請各位不要中伏，投訴無門根本不理會，只可以在這裏提醒各位，謝謝🙏

前排新開張已經試左次，今日咁岩又約左一班同事食lunch就即刻決定去飲茶，枱夠大坐8-9個人都可以，服務可以接受，侍應加水都好快手。講返啲野食，無黎一排，有好多新點心，最特別嘅係啤梨樣既咸水角同荔枝奶黃球，個樣勁cute，食落個咸水角好香黑松露味，咸香咸香好有驚喜 其他點心都好好味，馬蹄糕好有黑芝麻味，兩者加埋，勁match陳皮牛肉球，牛肉球多汁因為我地人多所以叫左幾個小菜，個梅菜馬友魚，一上到枱大家都好surprise，份量足，而且梅菜味勁香勁重，送飯一流呢間酒樓真心超推薦

馬鞍山終於有好食嘅餐廳啦！已經係第三次過嚟食，每次嚟食都有新菜式好驚喜，好放心喺度試新嘢！多咗個甜品個樣好似荔枝熱辣辣咬落去好鬆脆，又有一個造型係啤梨嘅鹹水角都係有驚喜又好食。滷水一樣好好食，厚切啖啖肉，豆腐仲要係好新鮮…嗯嗯嗰個紅色腸粉咬落去個皮軟熟裏邊有鬆脆口感。所有食物無論係點心定小菜上枱都係熱辣辣嘅，有鑊氣梅菜魚入味有驚喜送飯一流其他配套都覺得越嚟越好。價錢都好公道值得再來！

今日係烏溪沙迎海薈路過一間比較有特色的潮粵菜餐廳，門口鹵水檔相當吸引。抱住試水心態入去試試菜式如何，果然不負所望，令人眼前一亮。我地4個人，點左6個菜。強烈推薦大家來試試。椒鹽白飯魚🌟🌟🌟🌟🌟冰鎮燻蹄🌟🌟🌟🌟🌟椒鹽牛仔骨🌟🌟🌟🌟🌟鹵水拼盤🌟🌟🌟🌟🌟沙爹韭菜豬紅🌟🌟🌟🌟🌟水瓜烙🌟🌟🌟🌟🌟我自己本身就住沙田附近所以特別好搵。菜式特別，鍾意潮粵菜噶朋友仔一定要來試試。地址就係烏溪沙地鐵站B出口出來，迎海薈地下3A

每次来香港必来的打卡的餐厅！卤水鹅每次必点！从肉到骨头到卤水，每一部分都充满着温润而细腻的清香，和烧鹅是截然不同的两种风味！还有卤水豆腐也是极力推荐！吸满了卤汁的豆腐简直不要太美味！！这里的肠粉也很推荐！不论是牛肉肠还是叉烧肠，闭着眼点都是好吃的！粉的口感富有弹性，加上酱汁，美味鲜香！还点了新推出的点心，也是超级好吃！而且这里的服务员都很nice！虽然明显人手是不太够的，她们满场跑，但是都能尽量满足我们提出的需求，点赞

星期六飲茶成個場缺乏冷氣，空氣不流通，侍應竟然完全置之不顧。個個流着汗搵餐牌撥扇食嘢，同服務員投訴但聽完就行咗去。為何管理階層置食客感受於不顧！簡單如推一個風扇出嚟都沒有安排。食環署肯定需要檢查依間食肆，因為空氣不留通構成食客安全隱患！食物一般，服務態度差，不去也罷！

繼上次食過，覺得味道不錯，今日再食多次睇下水準保5保持到。首先，人手真係5夠，好難搵到侍應。其實見到佢地個個都好忙，真係停5到，但落單紙跟餐牌不一致，補水暖壺一個個是空的。。。。5想搵侍應都5得。今次大枱多了，但枱與枱就逼咗d。。。今次點餐有叫新菜式，也有翻炒菜式。我個人覺得水準係ok，但都有失手之作。1. 金銀蒜蒸龍仔腩飯($148)：飯底比較乾，無香油味、無荷葉香，如果無蒜伴食，真係乾哽白飯。魚比較近尾段，多骨，5算嚿嚿係腩2. 潮式紅燒豆腐($98)：一般，無乜特別3. 沙嗲安格斯牛肉炒芥蘭苗($128)：保持水準，好味~4. 懷舊咕嚕肉($98)：仍然這麽好食，讚～5. 普寧豆腐($88)：外脆內嫰，好似臭豆腐，但無臭味。附上鹽水汁，我未感受到有咩作用6. 潮爆野味雞球($98)：爆香雞球，好香又惹味7. 蠔仔餅($108)：今次5掂，太多油，同埋今次餅粉漿比例不好8. 潮州糕燒三寶($88)：即係芋頭、蕃薯、白果，加上桂花糖漿蒸，幾清甜，不過性價比太低。。。

今午三五知己去試試這個地方. 感覺不錯. 員工也好友善. 菜式選擇多. 鹵水拼盤好好味. 不得不提的是豬紅. 入口質感超好. 叉燒包肉餡非常足料. 燒賣大大粒. 朋友們吃到停不了口. 滿足 ！

听朋友推荐最近附近开咗一间新餐厅 好好食呀唔错呀带咗爸爸妈妈过嚟大家都试吓环境唔错餐具都几好新派餐具第一次见到酒楼适用咁靓嘅餐具 可惜啦地方细嗰啲如果地方大啲呢就应该好好㗎啦 环境比我感觉几舒服嘅装修几靓下嘅 食物几好食 好味好符合我最近有新菜式几好食嘅。晚餐中午我都觉得几好食 如果出品再靓啲我就会影多啲相㗎啦可惜出品如果师傅做店长见到希望可以提高出品靓仔啲嘅 就好啦