泰亞萊海南雞專門店

Open Now

Now Closed

泰亞萊海南雞飯專門店係多區，例如荔枝角，新蒲崗，石門，葵涌都有外賣店現在係深水埗福榮街97號地下地舖係一間堂食店今日星期日我們係午市時間黎到位於深水埗可以堂食的店舖，已經坐滿食客多數叫海南雞飯，豬頸肉飯，豬手飯等等，我都叫左海南雞飯$58，青咖哩豬頸肉米粉$56，椰汁糕$15，蝦餅$8飲野係龍眼冰$8同泰式檸檬茶$8海南雞飯配一碗雞湯有雞腳，冬瓜，非常足料雞肉份量多，非常嫰滑皮下脂肪又少青咖哩豬頸肉米粉大大碗米粉好滑，爽埋湯底碗有茄子做配菜茄子非常淋豬頸肉炸到金黃色青咖哩湯好惹味炸蝦餅金黃色脆卜卜蝦味濃椰汁千層糕椰汁味香濃彈牙微甜暖暖地，岩岩蒸起，夠晒新鮮

收咗工肚餓真係想食返啲好嘢，行完深水埗高登之後去咗附近一間泰國餐廳。間餐廳轉做海南雞飯，係真係好食嘅，值得一試。我揀咗佢個海南雞飯套餐，另外加咗少少小食。個海南雞飯好味，海南雞肉有雞味，唔係嗰啲白烚雞肉，配返經典醬料，酸甜可口，特別惹味。佢仲附送咗個湯，好夠火候。飲品我就叫咗杯青檸梳打，甜度完全可以自己控制，因為係自己加嘅。至於小食真係要提一提，佢個蝦餅真係超級好食，鮮蝦肉勁惹味，然後炸完之後仲係好有彈性。真係未試過食過咁好食嘅蝦餅。

2個人叫咗海南雞飯，凍奶茶，咖哩蟹肉飯龍眼冰話說夜晚求其食，本身冇打算寫食評，所以冇影到相，海南雞飯，量好少，肉質偏黑，隔離左右有四份，我果份好少，唔夠人地一半多，D肉又唔靚，好黑，之後食完忍唔住問個女人（估老闆娘）佢態度一般話係咁喎，我即場O咀，講番味道雞飯一般般啦，D醬汁同水門差好遠，湯還可以，最唔掂係龍眼冰完全冇乜味，太多冰，好稀，反而蟹肉飯有D驚喜，咖哩好味，又唔使自己拆肉，可以翻兜。

今日去深水埗做嘢。做完嘢,已經好肚餓了,係附近有間食泰國菜,就入去醫肚。地方乾淨,舖頭唔算大,大概有30個坐位,可能附近都多餐廳,基本上都唔使等位。坐低後,服務員好快就遞上餐牌。招牌海南雞飯套餐 $58海南雞上枱有驚喜,睇個樣已經好靚,雞皮爽口,雞肉嫩滑,好有雞味,份量都幾多,點埋泰式醬汁一齊食,的確唔錯。油飯：油飯微黄,好香,不油膩。餐湯:冬瓜雞腳湯,冬瓜湯清甜,消暑解渴。珍多冰 跟餐(+$8)今日都幾熱,飯後一杯清涼爽甜。

深水埗搵到依間CP值高主打海南雞嘅泰式餐廳嘢食抵食夾大件 質素亦幾高🐓招牌海南雞飯（$58，轉髀加$10）一上菜賣相好吸引 份量好夠雞肉好嫩滑 雞皮保留到爽滑口感油飯亦做到出色 食落有好香黃油味配埋足料冬瓜湯食得好滿足但醬唔夠酸辣🦀泰式黃咖哩蟹肉飯（$60）黃咖哩汁係偏甜果種配埋青椒同紅椒調味 帶少少辣個汁用嚟撈飯食一流至於主角蟹肉 份量好夠肉質都保持到爽滑🍤泰式炸蝦餅（跟主食加$15）表皮炸得好香口蝦餅餡保持到好彈牙 蝦味濃郁🥗泰式酸辣鳳爪（跟主食加$15）酸酸辣辣好開胃 鳳爪雪得夠凍食落好爽口🍹椰汁涼粉冰（跟主食加$8）涼粉一條條 用飲管都好方便食到椰汁好香🍹龍眼冰（跟主食加$8）調味做得幾好 唔會過甜膩好重龍眼味

好友從外國回來,因為疫情已經3年無返香港。就即刻約佢食飯,佢話好想食海南雞飯。我即刻上網揾下,見到有人推薦深水埗「泰亞萊」海南雞專門店,就帶佢試下。入到去.環境唔錯,地方乾淨企理,服務員態度好。招牌海南雞飯$58海南雞已去骨,色澤金黃,雞皮爽滑,肉質好嫩。油飯粒粒分明,個飯配埋冬瓜雞腳湯,非常足料又好味。冬陰椰子雞四寶湯金邊粉$58呢個真係有驚喜,冬陰功椰子湯底夠濃郁,四寶包括雞肉、墨魚丸、豬肉丸、扎肉,仲有秀珍菇,勁大碗,夠曬飽肚。椰汁涼粉冰 跟餐(+$8)涼粉刨到一絲絲,飲到椰奶味,好正。珍多冰 跟餐(+$8)珍多冰與別的不同,除了有一條條的綠色,上面仲有大樹菠蘿肉,口感清爽。泰式炸蝦餅兩件 追加(+$15)一碟兩件,蝦餅炸得香脆,脹卜卜,點埋甜酸醬,爽口彈牙。泰式千層糕 追加 (+$15)千層糕煙煙韌韌,微甜,唔錯。

又嚟深水埗搵嘢食，我同個friend 行咗好耐，見到有間泰亞萊海南雞，我係紅磡嘅時候成日食，可惜紅磡果間執左，今日就入去懷緬一下啦！原來新鋪午餐時間都係爆滿，好彩我早小小嚟食。兩個人叫左一個海南雞飯，一個泰式青咖喱 豬頸肉湯金邊粉，一個炸蝦餅，一個 泰式椰汁糕，一杯汁冰一杯泰式奶茶，埋單$160,都算係平，茶記一個午餐都70蚊。而家我兩人食咁多都係$160，抵！抵食係其中一個因素之一，重點係要睇下個海南雞得唔得！雞肉望個樣就幾靚，食落肉質嫩滑，雞皮彈牙唔肥膩。油飯望落個顏色就唔係太黃，但食落竟係淡淡雞油香、香茅同紅蔥頭嘅味道。忍唔住食晒成碗飯。跟飯上嘅雞湯又濃又香，真材實料。青咖哩金邊粉湯底好香嘅椰汁、檸檬葉味、青咖哩味非常突出，豬頸肉爽口彈牙。我追加左炸蝦餅同椰汁糕，都係正常出品。飲唔泰式奶茶同椰汁冰都ok!

天氣熱就係想食啲涼拌菜。位於深水埗嘅呢間泰式餐廳，除咗海南雞飯，仲有唔少涼拌小食選擇，啱晒心水😌餐點份量都幾大份，非常抵食👍🏻 泰式酸辣鳳爪經典嘅泰式涼拌小菜，酸辣味道非常開胃。佢唔係普通嘅鳳爪加酸辣汁，仲有洋蔥、蔥、香茅、紅蘿蔔等，材料豐富。 泰式炸蝦餅爽口彈牙，配埋甜酸醬，富有泰式風味。 招牌海南雞飯雞肉非常嫩滑，唔會太肥，雞皮唔會痴住肥膏。配塔埋秘製嘅海南雞醬，有少少辣，愈食愈過癮。 滷水豬手湯米粉豬手米粉都好吸引！切片嘅無骨豬手滷得十分入味，仲有滿滿嘅骨膠原😂好Q彈。加咗炸蒜令米粉更香。可以配塔埋四種調味料，有唔同風味。

泰亞萊去深水埗行街…大家食乜多。我就車仔麵…蝦籽水餃…腸粉…蛋牛治…有時去西九食下叻沙。真係好多選擇。今次見到呢間泰菜幾多人就去試下新野。海南雞飯 要左雞胸…雞胸肉幾嫩滑…個泰式辣汁都調得好惹味。個湯好足料…啖啖都有冬瓜蓉…好飲喎。個油飯唔好睇佢成碗白飯咁…食到好香配料同唔油…唔錯扎肉撈檬 扎肉份量都幾多…個魚露又唔會太甜蝦餅 熱辣辣炸起 有蝦味同幾彈牙無骨鳳爪 賣飛弗 正常發揮最後仲有個甜品…好煙韌…椰汁好香龍眼冰 朋友話唔錯 主要唔會太甜青檸梳打 呢杯野應該全宇宙都差唔多啦🤣🤣 不過呢度細心糖水分開上…我就當然走田 係深水埗行街凸然想食泰菜…可以黎試下

出身華僑後裔的我，父母都喜歡食東南亞菜，所以不時都會有他們去食，這一次和媽媽在深水埗逛街後說想食泰國菜，經過這間泰亞萊覺得很抵食，當然不會錯過😝✏️位置（9/10）：玩具街前段，接近黃金商場，地點方便✏️環境（8/10）：雖沒有華麗裝修，但環境亦算不錯，乾淨衛生✏️服務（8/10）：侍應有禮貌，上菜很快✏️食物（8/10）：食物味道都不錯，重點是性價比很高🌟招牌海南雞飯 - $58海南雞除了雞翼外都是去骨的，啖啖肉，香滑惹味，沾上附上的辣椒醬味道很吸引，伴上一碗雞油飯，味道吸引😉🌟泰式青咖哩豬頸肉湯米線 - $56青咖哩湯底十分香濃，米線及配菜都很入味，尤其茄子特別美味，豬頸肉份量多又有咬口，整體味道很不錯😘🌟泰式豬肉燒賣 - $15有三粒大大粒的豬肉燒賣，豬肉味香，亦夠爽口，頂上的辣椒醬亦很美味呢☺️🌟泰式千層糕 - $15口感非常軟滑，椰漿又多又香，啖啖甜甜味美😍🌟龍眼冰 - $8跟主菜只需$8真抵飲，清甜龍眼味，好味又解渴😊🌟青檸梳打 - $8同樣只需加$8，酸酸甜甜，開胃爽口😋🏠泰亞萊海南雞專門店 (深水埗) 📬地址：深水埗福榮街97號地舖

📍 泰亞萊海南雞專門店（深水埗）深水埗岀名平民價錢食高質食物，美食天堂～經過買漫遊卡，突然想食海南雞飯，入去食番個雞飯先！當食飯個陣，己經人山人海，有堂食有外賣🥡聽到旁邊食客嘅對話，大家都推薦朋友過黎食呢間餐廳🍴好評不斷👍🔸招牌海南雞飯皮厚爽滑肉嫩，雞味都唔錯幾濃，配泰式酸辣汁～油飯粒粒分明帶點煙韌，濕度剛好，油潤度恰到好處，香茅味好突出～冬瓜雞湯清清地，無味精特別好飲～🔸泰式青咖喱豬頸肉金邊粉青咖喱做湯底，帶有點微辣，唔會太稀，濃度岩岩好，金邊粉夠晒韌度，豬頸肉有5-6大件， 外面微香脆 ，厚肉肥美 ，充滿香茅味😍🔸珍多冰椰汁濃稠，粉條軟滑，份量很多，入口是香甜，好窩心既口感

深水埗成日都隱藏好多價錢貼地又好好味嘅餐廳，所以次次係黃金買完嘢都會四圍捐搵嘢食，今次都唔例外，比我哋搵到呢間海南雞專門店，佢性價比真係好高招牌海南雞飯 $58雞肉份量都算多，雞肉嫩滑帶有啫喱層，油飯望落無乜色水，但食落又幾香幾有味😏 跟嘅湯就微辣，有雞腳仲有一大嚿蘿蔔，咁嘅質素，58蚊無投訴👍🏻泰式青咖哩湯粉 配豬頸肉 $56老闆推介我哋揀米線，真係無揀錯，好吸湯，勁入味，入味程度係你齋食米線都食到青咖哩果種獨特嘅味道，而且豬頸肉份量巨多，見到係原塊切開，肉嫩惹味，無得彈😙泰式炸蝦餅 +$15蝦餅蝦味好濃，口感紮實泰式炸蝦春捲 +$15用米紙包住去炸，其實佢係外形似春捲，實質係成隻炸蝦嚟，都幾好味泰式奶茶 +$8泰茶一般都甜到漏，呢杯就啱啱好啦，平衡做得幾好青檸梳打 +$8呢到嘅青檸梳打係自己落糖水，非常好，啱晒飲少甜嘅人，梳打底備酸，食嘢前飲返啖都幾開胃

朋友仔一向超級無敵鍾意食海南雞飯，呢日嚟到深水埗佢一見到呢間海南雞飯專門店，見到餐牌咁抵食，就狗衝咗入去喺呢個香港物價騰貴嘅地方，已經好少有咁平嘅堂食嘢食，一個海南雞飯講緊$58，其實外賣都好少可以做到。海南雞飯餐廳出餐嘅速度係極快，呢個價錢海南雞份量一啲都唔少，啲雞仲要好滑同埋好有雞味，睇得出老闆好有心機經營。黃咖喱蟹肉飯蟹肉超級多，用嚟撈飯好正，少少辣辣地咁樣，好開胃。炸蝦餅 + 泰式酸辣鳳爪每個餐可以另外加錢配小食，我哋今次就配咗炸蝦餅同鳳爪，熱辣辣上碟，味道都唔錯。鳳爪彈牙酸酸辣辣咁，開胃又解滯。泰式千層糕呢個千層糕完全唔甜，好香斑斕味，連唔好甜野嘅朋都食咗成兩粒總括而言，呢間海南雞專門店好抵食，食物質素亦都唔錯，侍應都好好服務態度，會再嚟食！

喺深水埗行街，老公話想試一間泰國野喺附近門口見到咖喱蟹肉飯張相老公已經流晒口水我就見到呢個冬陰椰子雞四寶湯粉吸引D果然寫得香濃惹味確係香濃惹味不過我就覺得個湯底酸左D D D D反而老公勁愛，係咁飲我嗰個湯😂老公果個飯，我反而覺得好好食😂蟹肉又多，咖喱汁又香濃仲有我最喜歡多配菜🤭結果最後大家都欣賞大家嗌嘅嘢食然後係交換食🤣口味嘅嘢真係人人唔同😂不過呢間都好值得嚟試吓嘅性價比都好高👍🏻👍🏻

福榮街開咗間🎉New泰店🇹🇭見午市唔駛等位就入咗去🥢追加咗3️⃣款小食都好正只係$10-$15蚊細細碟，可以試多啲～泰式木瓜沙律｜泰式炸蝦餅2/件｜泰式椰青糕🥢招牌海南雞飯已去骨嘅雞，滑嫩皮薄啖啖肉，醮埋㊙️製泰汁真喺胃口大開 嗰黄油飯亦好軟熟。附送湯＂冬瓜雞腳湯＂清清甜甜解膩唔錯🥢泰式青咖哩豬頸肉湯金邊粉豬頸肉爽脆有嚼勁，同埋有茄子同芽菜配料分量相當平均😍嗰湯底我都好鍾意椰香味好重，食到辣的都可以試吓～特飲椰汁𣲙｜龍眼冰+$8🈵整體一讚👅味道正宗👃🏻色香味俱全🙅‍♀️又無味精。仲有全日❌免加一👫2人同行💰170！經濟又抵食