泰仔串燒 (Closed)

在土瓜灣住了幾十年基本上也明白到這個地區比起連鎖餐廳快餐店更多的是一些規模極小的個人小店比起現在資訊泛濫一些只注重相機食先的餐廳我更喜歡這個只講求實際的「噏耷」小店在煤氣鼓附近有一間每天晚上都非常旺場的串燒店早些年跟茶爸在13街走路回家的時候很多時會買一些宵夜回家享用到近年才開了這一間泰仔串燒終於在幾個月前才第一次試試這間店串燒店的選擇很多除了串燒外還有湯河、撈麵、炒飯及糖水由於是即叫即燒的關係大多要等上十分鐘如果是點燒魚或雞脾，還有可能要等差不多一個鐘所以我大多是打電話先落單留電話放工上巴士時打電話，到站時剛好可以取貨～perfect!除了串燒之外個人最推介的是炒飯取貨快抵食香口惹味基本上買2人份量的時候我都會點炒飯由於舖頭細細order眾多深夜12時左右最旺場的時候一個爐根本不夠繁忙時間記得早一點電話落單如果不是的話等到花兒也謝了也未輪到你由於今次是一個人晚餐的關係如果點了炒飯的話會太飽吃不到其他款式的串燒我大多會點五串左右今次的選擇是（左起）雞中翼，牛筋丸，酸味味豬肉，菠蘿和粟米頭三樣都是我每次必點的選項菠蘿粟米則是這一次新嘗試基本上每一次我也會點雞髀但今天雞髀沒有貨只好點雞翼了

今日陪朋友買外賣串燒！見到呢間嘢排隊人都好多下，所以問朋友原來話土瓜灣呢間嘢都幾出名！佢有時仲供應埋飯同甜品💓💓💓💓💓而且聽講外賣會到凌晨！的確係一件好事，因為我眼見呢到又唔近地鐵有時半夜想搵夜食都真係難！叫朋友落完單廚師👨🏻‍🍳就即刻燒即刻整，所以食個時要小心如果唔係會辣親😊但真心幾好味道！可能因爲新鮮整。而且聽店員講有時仲會有啲特色泰國糕點，唔駛去到九龍城都有咁多泰式嘢食，正！

昨晚在土瓜灣的牛棚與一位攪藝術的友人談到很晚，跟著他便趕回家慰妻兒，我感到有點肚仔餓，便到牛棚附近開到好夜的「泰仔串燒」吃點東西，結果變成一個人的美味盛宴。此小店主力做外賣，但夜深時卻會擺幾張枱作堂食，充滿街頭泰式庶民風味。佢地既串燒真係平靚正，雖然只是電爐燒的正路貨，但質素真係唔錯。雞中翼及扎肉燒得不算乾身，燒菠蘿有汁，燒粟米夠軟糯。至於燒酸咪咪豬肉就充滿泰式風情。不過，全場我最like的，還是個香葉豆角炒肉碎飯加煎蛋。辣度分小辣/中辣及泰國人口味三種，選了中辣剛好啱晒我這種想食辣又不算吃得太辣的人。肉碎夠味且大堆頭，煎蛋流心，絕對有驚喜。埋單連飲品居然百二蚊有找，抵到爛呢。

經過聞到好香，叫左幾串串燒做晚餐。珍寶腸，豬頸肉，粟米。真係等左好耐，粟米最後等左半個鐘。。。不過個個staff都服務好好，仲提我下次叫串燒，由其粟米，可以打電話叫定先。香腸同豬頸肉可以揀酸辣汁、甜辣汁同沙嗲汁，今次揀左沙嗲，好香好好食。粟米都好甜，等咁耐都值得！今日去到七點幾，見都幾多人叫外賣，個泰仔湯河好似好吸引，仲有燒菠蘿，下次試下先。環境就真係一般，但叫有風味，同埋當時未見佢開枱比人堂食，大家都係叫外賣。

尋晚凌晨2點好肚餓。落街去泰仔食宵夜，成日都見好多人排隊好想試!個泰式河粉超好食，同泰國食到嘅一樣味，個粉超入味，必試!!坐位係街邊位，但有風扇吹住的。食完埋單老細會問意見!! 良心小鋪，繼續支持!

晚上老公11點收工！問我食唔食糖水！買芝麻糊我食！可惜我無咩胃口想食！甘岩係open rice睇到！有人留言話好食！平時都經過好幾次！次次都無咩機會食！見親都有人係佢度食粉麵！原來佢開到清晨4點架！就即叫老公去買串燒！雖然老公買左唔係好多！一串燒墨圓：正！推薦一串燒龍蝦圓：好好味一串燒魚蛋：正！推薦三串串燒都超好味！真係好唔錯！一碗泰式撈麵：麵真係幾辣！係唔錯既！都好味既！但我唔太識欣賞！俾老公食哂！

約左朋友行下玩下，去完牛棚再到十三街，攰就搵個地方坐㡳食下小食，原來開左間新串燒店！係正十字路口位，一啲都唔焗，仲有風吹。我地兩個大人加三個小朋友，食到飽飽都唔洗二百！真·泰抵食！

估唔到土瓜灣開左間咁正宗的泰式燒烤店。而且老闆兼大廚係正宗的泰仔來串燒的選擇亦多，除左串燒仲有泰式河粉，海南雞飯，生菜包，酸辣鳳爪等的式小食。我來到的時間都差不多晚上十一點幾，睇到好多人排隊買宵夜。坐底後我點了幾款串燒有燒一口牛，雞肉， 雞腎， 鵪鶉蛋仲有老闆推介的尖尖魚旦（泰國獨有的從末試過，但小心試可能 上癮）再點埋老闆自家製的三款 醬汁（沙嗲 ，酸辣，甜辣）但當我食想再食有某幾款己經買曬，我問老闆做咩唔預多D貨，佢神回一句：乜你想食隔夜野咩？十個讚為了客人每日食的都係即日醃製的食物所以唔預多保持新鮮咁我唯有下次早啲嚟