泰和堂涼茶店

Open Now

Now Closed

天氣凍冰冰又大風，坐返屋企嘅小巴，仲有成15分鐘先到，咁點好？行過有糖水舖梗係入去坐吓食碗糖水暖下個胃先啦。呢一間舊式嘅中式糖水舖，喺旺角已經好多年，一到冬天就見到佢人山人海叫咗一碗龜苓膏，同埋一碗合桃糊。熱嘅龜苓膏如果唔加糖水食其實真係幾苦，苦得來有一種甘甘地嘅味道，係咪真係有效我就唔知啦，下次都係食返平啲嘅涼粉就算😂食緊合桃糊嘅時候同朋友有討論過究竟合桃糊同合桃露有咩分別😂呢一碗合桃係杰身，普普通通味道一般

天氣轉涼🌬🌬好想食一碗熱辣辣中式糖水🥣🥣呢間傳統糖水舖位於旺角鬧市中，記得細細嗰放學，媽媽會帶我嚟呢類型嘅糖水舖食燒賣、啫哩、豆腐花，好懷念啊🥰依家年紀越嚟越大，開始要養養身子，點左一碗桑寄生蛋茶當下午茶🙈🙈糖水好大碗，只係賣$26，好清甜，好䁔胃，好健康🤭🤭食完一啲邪惡感都無呀！！😋啱晒餵食/口痕人士好鐘意呢度嘅感覺，食完姐姐都唔會催你走，可以慢慢座👌🏻😉有時慢活生活，唔一定要去cafe飲咖啡，有時感受一下懷舊嘅店舖，都有另一番風味～

食飽飯周圍行下，順路食個糖水。我對傳統糖水情有獨鍾，但現時已經買少見少，泰和堂係旺角難得比較方便既選擇。馬來喳咋稀稠度適中，陳皮味比較重，豆類豐富：紅豆、紅腰豆、鷹咀豆、眉豆、西米等，唯獨冇加芋頭，岩曬唔鍾意食鍾意芋頭既我。桑寄生蛋茶呢個係我最愛，熱辣辣既桑寄生茶既清甜又唔漏，適合食到好飽但又喂食既人，解癮冇負擔。碗中粒蛋係普通烚雞蛋，冇咩味的。店內除左傳統中式糖水，仲有其他選擇。總體而言：味道：中中挺挺，如果再少d 糖就更加好喇性價比：唔平唔貴服務：正常，即叫即上，好有效率環境：涼茶鋪間局，座位唔太舒適

今日男朋友介紹咗呢一個涼茶舖俾我食，我食完就覺得，講傳統涼茶舖嘅話，你一定要食呢一間。呢間野睇嚟最出名就係個大補膏，有機會我都會試，不過今次我就試咗普通嘅熱廣東糖水。題外話，有機會嘅話一定要帶外國朋友嚟呢個地道嘅涼茶舖試吓我哋嘅港式廣東糖水呀。呢間野就唔係淨止廣東糖水嘅，仲有其他布甸啊西米露啊等等，但係我最鍾愛嘅呢都係傳統嘅糖水，喺香港來講，呢一類糖水舖可以話買少見少啦。呢一個就係花生糊，盛惠$26 。一句講晒，花生六，花生滑，花生香氣四溢。而呢一個深色少少嘅就係合桃糊，27蚊，佢餐單就寫話係補腎嘅，咁合桃呢其實係補腦，唔止係以形補形啦，其實佢都係Super food 其中之一。佢同樣非常nutty ，且細滑。香港糖水舖好多，當然有啲非常別緻嘅甜品店，但係呢一啲甜品店嘅價位高。相比下，偶爾食呢一類熱辣辣嘅糖水，在我個人來講，性價比極高，當然亦都好好味啦，而且相對健康好多添。畀分時間：8.5/10。

之前路過都以為只有涼茶，後來發現是一家做傳統糖水的小店，看到有評論說碗碟不乾淨，於是打包回家享用，點了一份芒果西米露，味道屬於正常，沒有特別驚喜，下次試試芝麻糊

我個人鍾意食佢地既芝麻糊同埋核桃糊🤤 完全係真材實料, 絕對唔係用粉溝👍🏽 有時我會單食, 有時會單拼🙋🏿‍♀️ 一碗$28 蚊仲要多到滿瀉, 絕對係宵夜既好選擇☺️ 香港而家真係好難搵到間咁傳統既中式糖水店, 重點係間舖係市區易去, 而且價錢完全唔貴👍🏽

是咁的，一坐低後叫左碗芒果西米露同埋楊枝甘露。碗楊枝甘露就無事，但碗芒果西米露食到一半愈來愈覺得唔對路，跟住認真再聞下先發覺碗野有味好似變壞左。當然即刻叫個阿姐（短髮粗聲粗氣）過來，點知對方直接指住碗楊枝甘露態度輕挑話：「碗楊枝甘露都無野就代表無事，全部西米露都一樣！」唔肯換比我，唔緊要！但作為負責人無諗過話會入去試下自己啲野係咪無問題，反而話返個客講到好似係我無中生有咁！？價錢一向都唔係最主要，但貴鋪所提供嘅食物連基本無變壞無變質無變味都確保唔到。呢次經歷亦絕對係我唔會再光顧嘅原因，完。

食完飯想食個糖水，就嚟咗呢度食個中式糖水！唔講唔知，比起西式糖水，寶仔比較鍾意食中式糖水㗎！主要都係因為比較健康番薯糖水($24)寶仔好鍾意食番薯糖水，而呢度啲番薯超級無敵多，多到滿瀉出嚟，可惜番薯太多根每一夠番薯都有好多條根，食得比較麻煩。。桑寄生蛋茶 ($26)張生又揀咗一個健康嘅湯水，成碗食曬，正常味道！星期五簡簡單單食完飯食碗糖水，呢度仲要係寶仔鍾意食嘅中式糖水，又有人情味，大大碗，係一個好開心嘅星期五！

無論係夜晚喺旺角一個行完街, 或者同人食完晚飯想搵個地方hea多陣, 泰和堂涼茶館都係經常諗起嘅地方. 其實佢唔至於好好食, 但係廿幾蚊食碗中式糖水可以慢慢坐, 唔係咁多選擇. 旺角好多都係偏西嘅甜品鋪, 埋單每人通常要半百, 呢到經濟實惠, 雖然間鋪殘殘地, 但食左咁多年, 反而多左情意結. 今次食椰汁黑糯米, 對於飲乜都鐘意少甜嘅人黎講甜左少少, 但完全係接受範圍之內, 熱辣辣幾香甜, 但講唔出有乜過人之處. 黑糯米質地無麥米粥咁好咬口, 但又無紅豆沙咁淋, 處於兩者之間, 想食淋得黎又有啲咬口揀黑糯米就啱喇.一年加左兩蚊, 睇黎好快要改口叫三十幾蚊碗.唔知係咪個樣似紅豆沙, 食嗰時都覺得同紅豆沙個味幾似😅

岩岩同朋友打完邊爐，見時間尚早，而且大家都好耐無見，有啲依依不捨，所以想再搵個地方坐底，一邊食下糖水一邊再傾多陣計先。不過我地成班朋友都唔係咁鍾意食甜野，咁就揀左呢間以中式為主既糖水舖。入面既裝潢一啲都唔華麗，好樸實，同以前細個去既涼茶舖差唔多，而座位雖然有啲迫，但都算坐得舒服，而且會俾足夠既時間俾我地食，唔會催促我地。而食物方面，價錢都算平，而家都好大碗，我地幾個朋友點既糖水，每碗都滿到漏出黎。我地分別點左杏仁糊、芝麻糊、桑寄生、咋喳同埋燉雪梨。全部都好好食！而且無糖精味，唔會係死甜既味道。岩哂我地呢班唔好甜食既朋友仔！

「粉絲椰汁撈芒果」($34)係我位屁孩朋友不斷係我耳邊係咁講「Hou Hou味 真係Hou Hou味」令耳仔軟嘅小編最後揀左呢個甜品 芒果天然香甜 唔係瘋狂落糖漿嘅死甜 QQ粉絲睇落好似米線咁😂食落滑lu lu 配埋椰汁真係絕配！如果椰汁味更香濃就完美啦 怕甜嘅人都可以食👍🏻「凍杏仁豆腐花」($25)原來係杏仁味嘅大菜糕 爽口清甜 冰涼嘅大菜糕係你口中慢慢溶化👅 消暑一流🤪btw 呢間店仲有就黎失傳嘅傳統「麥米粥」🔖-The jelly noodles with coconut milk and mango ($34) is higly recommended by my bestie. That’s why I have chosen this dessert. The mango dices are sweet without the addition of syrup. The jelly noodles looks like rice noodles 😂They are smooth and perfectly match with coconut milk. The iced

經常旺角食完晚飯都會想食糖水，唔想去連鎖店唔想食啲倒模既糖水就可以黎泰和堂涼茶館!唔好以為寫住涼茶就只係黎飲涼茶，其實佢係有埋經典糖水食嫁! 紅豆綠豆芝麻糊俱備，唔食糖水又可以叫杯涼茶降降火今次食左尼個經典古法龜苓膏!味道同出面既好唔同，唔似食一舊膠，係有甘味既龜膠。甘味係每啖食完都有回甘香，你可以加糖水或紅糖咁就岩晒唔鐘意食苦甘味既人啦！成碗都好足料大大碗食極都唔完咁!環境勁有古典味好似返左去舊香港咁，食住龜苓膏回味香港舊式情懷!

其實幾個月前幫襯芝麻糊都仲好好食。。今個月再路過入去試吓啦。。始終開咗咁多年老字號又入去食下今次入去兩個人叫返穩陣嘅芝麻糊同埋試吓合桃糊。。其實我未食過呢間啲合桃糊價錢亦唔平其實都$27。。附近海記有埋合桃碎既沙沙合桃露都係27咋。。芝麻糊上枱唔太熱都已經有點失望。。。估唔到合桃糊真係好糊。。黏住晒口。。完全食唔到合桃味。覺得溝左花生🥜。。而且漿粉太多啦👎👎結果係我食唔到半碗就收咗檔。。因為實在太難食。。好失望囉我諗短期唔會再入去。。其實之前食既湯圓已經變咗質。。粉厚餡少。。實在比其他糖水舖比下去

好一段時間冇嚟呢間老字號糖水舖，望一望個餐牌發現佢加咗價，喺呢區其實唔算貴 所以照樣食佢， 可惜今次中曬伏☻☻☻其實唔係第一次幫襯，之前食過都ok，所以先 特登喺油麻地行過嚟食。我哋四個人嗌左芝麻糊 /合桃糊/ 蛋白燉鮮奶/芋頭西米露。芝麻糊以為穩陣， 一上枱見到灰灰白白，就知道奶嘢啦🤢🤢🤢 碗嘢傑撻撻， 落咗好重米漿，但係好淡芝麻味， 朋友食咗兩啖已經唔想繼續食落去🤦🤦🤦合桃糊同樣落得太多米漿，味道極極極極之淡，完全 一丁點合桃味都冇😫😫😫同平時食開嘅相比，佢落嘅料應1/3都無☠☠☠ 完全唔知放左咩落口😷 試左啖先發現原來芝麻糊都未算最差🤢🤢🤢地獄糖水。蛋白燉鮮奶不過不失，不過似布甸多過似燉奶。芋頭西米露入面嘅芋頭幾粉幾淋，份量適中， 西米露偏甜但食落好味正路，唔錯!!!如果再黎都係會食佢👍

恭和堂香港本土的老字號糖水店…但是我真心覺得一般般…不論是口味，環境，還是衛生上講⋯⋯都很雞肋😐😐😐出品一般般吧，額外加了湯糰，這才覺得好吃一些😐😐😐大概是這個名字…首先，杏仁味道不濃…其次⋯⋯質感太次，明膠還是瓊脂的那些比例太高了⋯⋯