泰國佬海南雞飯專門店

Open Now

Now Closed

第一次食呢間海南雞飯，openrice 睇食評相幾吸引，經過呢區就試一試。 叫左海南雞飯和牛肋條飯外賣。但一打開，做咩事呢，牛肋條得幾粒嘅，味道都一般。海南雞都係一般。 有一點點失望。

海南雞飯度度都有唔少，今次介紹係位於大埔味道唔錯嘅海南雞飯雖然外賣店，但人流一直冇停過，出餐又幾快手雞肉真係好滑，雞皮爽，啖啖肉，而且油飯好香搭配酸辣醬汁超級開胃，唔食辣嘅人都接受到！性價比好高，已經食過唔少次，真係好抵又好味

寫明星期一到五外賣自取有85折，冇寫唔包套餐，買個肉碎煎蛋飯套餐外賣連凍飲 76蚊，但散叫62蚊仲有85折， 完全冇同我講， 我話唔洗野飲轉散叫， 又話唔轉得話已經落左單，首先我唔明點解外賣套餐冇折， 又冇寫明； 好啦，我以為套餐有幾巴閉， 話有青瓜/木耳、唔叫都唔俾，要提先俾，一野鼓油咁細成盒掉比我，唔想俾咪唔好俾囉！ 永遠唔會再幫襯！ 呃錢！

最近呢幾個星期都要在大埔上堂，午餐時間周圍行睇下有咩岩食，忽然見大大隻字寫「$32 無骨海南雞，學生 -$2 + 送飲品」，雖然外賣店，但人流一直無停過。*無骨海南雞飯 $32 好快手，落單俾錢後即刻有得拎。起初呢個價錢無抱太大期望，一打開外賣盒，有8-9件雞，雞皮爽，雞肉嫩滑，件件都啖啖肉有鮮味。酸辣汁好開胃，唔食辣的朋友都一定會接受到，而且份量多到可以撈曬成盒飯。油飯好香，粒粒分明，口感乾身彈牙，份量比較細食的會剛剛好，如果想飽肚 “多飯” 只需要 +$1，真的好抵食。P.S 學生考頭三仲有免費海南雞飯，呢家物價咁高，已經事隔多年無遇過咁有良心的小店，希望大家多支持。

有一次朋友介紹話呢度啲海南雞飯真係好正，仲同我講海南雞飯加雞最低食，買了一次比呀仔食，一向奄沾嘅呀仔都話好食，今日一個人係屋企，雖然住沙田，但心思思搭車去買黎食，花了超過一小時回都值得嘅，海南雞飯加雞只係50幾蚊，但有成半隻冇骨雞，真係兩個女仔都夠食，啲飯好好味，啲雞牛皮爽肉滑。但呢間只有外賣，沒有堂食。除左海南雞外，仲有拍青瓜，雲耳，雞腳，雞腎都係＄10至＄20,試過雞腳同雞腎都好味。希望呢間舖可一直維持咁高嘅水準

試過一兩次都覺得超抵，有次就索性買兩個雞飯加幾個小食當作晚餐。🤭幾款小食，不會用同一款辣汁，反而是各有不同的辣味木耳爽爽的，大大塊，帶點辣，涼拌非常正；雞腎就是比較甜的辣味，質地夠爽，😀口感一流；鳳爪不算太大隻，但想不到外皮脆口，爽口彈牙，細細隻卻吃到不少皮。😄但它最為代表作，就是海南雞飯，本身飯底非常香，不會有冷飯，一粒粒仍然保持挺身彈牙，可能由於每天生意都不錯。味道帶點雞味又香，但卻不會令你感覺肥膩上邊的海南雞，看似只有一層雞肉，但其實都起碼有8至10件，光顧了幾次，都不太找到雞胸，每每都是雞背或是雞腿，實屬難得。由於他是泰式海南雞，因此之前有一款大有酸味的辣醬，味道微辣，有點蒜香，點雞也好，用來拌飯也好。令一樣意想不到的就是它的冬陰功湯，平日我都不喜歡冬陰功湯，因為味道像酸辣湯一般，反而這兒的冬陰功湯，好像加入了蕃茄再來，但輕微辣，亦都有海鮮味道，和其他街外一味又酸又辣的那些截然不同。要便宜的話，外賣只買海南雞飯，只需$30 ，讓我這般一人一盒飯再加幾個小食，點到好像吃放題一般，也不少$130 ，想不到，在大埔這麼久，吃過最美味的泰式點竟是這間外賣店。😋

泰國佬係大埔係幾出名。點解？我本身都5係好知。直至有機會去買外賣一試。個海南雞飯正在於隻雞夠嫩滑。食落真係皮滑肉嫩，完全有雞香味散發。而個飯係油飯，帶香之餘，食落可口。好襯嫩滑既雞肉。而甜酸醬可中和一下油膩感，令個你食完一口接一口。而價錢好抵，30蚊就有一個甘正既飯，物有所值！木耳爽身，酸辣得宜。但冬陰功湯就失色。偏甜而不辣。對於好辣而好不甜既我，正正係扣分既地方。但個湯係足料既，味道夠濃，飲得出椰香，帶滑既湯。

新年無乜餐廳開少咗好多選擇，見呢間泰國佬有開就買黎試下，叫咗2盒海南雞飯、1盒青瓜、1盒木耳+1盒雞腳，合共$110，心諗$30/盒海南雞飯，小食$10/盒，應該係$90先啱，以為計多咗錢，一問之下原來新年呢幾日紅日每盒飯額外加$10，初五先回復正常收返正常價，明白晒，雖然真心覺得每盒飯額外加$10有d唔抵，但既然都點晒餐就算數啦🙄。等咗大約10分鐘就拎得餐了，返到屋企打開黎睇，賣相都唔錯，有脾有雞胸，配埋個醬少少辣味道唔錯幾好食，青瓜木耳雞腳呢三款小食都好好食，但個人最中意食雞腳，$10/4隻。

#cassiegotaipo-瘦編依家成日都要去大埔山上，今次唔想再食canteen，所以叫左外賣。😋-依間係專食海南雞飯，本身瘦編我係好鐘意食海南雞飯，佢依個雖然係外賣，但都同堂食一樣，好濃雞味，配油飯一流。我用左10分鐘就已經成個飯食哂。😍-重點係店員好醒，估到我地係店員，主動送左幾個小菜俾我地，有青瓜木耳同豬腎。佢個汁酸辣味為主，非常開胃，令到我地食唔停！咁有心嘅小店，希望大家都可以光顧下！😱-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌕 (5)-➡️泰國佬海南雞飯專門店 (大埔)📍大埔大埔墟大明里22A地舖-IG: cassiecwy/ cassiegetfat

今晚屋企冇煮飯，喺隔離餐廳叫咗啲外賣，貪心嘅我哋，覺得唔係好夠，所以決定來加送🤣平時見佢好多人排隊，飯盒又好平，我哋又好想食雞，所以就叫咗半隻無骨海南雞同泰式雞翼尖返屋企試吓。雖然條龍好長，但佢係專做外賣嘅，所以好快就排到我啦。叫完等左唔使3分鐘就已經切好俾我。打開個盒，有啲意外，望落去都幾滑喎無骨海南雞：肉質好滑，連雞胸部份都非常之滑，雞皮爽，再點上佢嘅秘製醬汁，小小辣，但係食到嘅，好夾d雞。泰式雞翼尖：叫咗個小食試吓，雞翼尖超入味，但係有啲辣（我唔食得辣😝）。但係個湯汁好正，我點左少少海南雞，都好夾。平民價來講，呢間真係唔錯，CP值都高，係買外賣返屋企食或者返工lunch嘅好選擇。下次想試下佢個冬陰公湯雞髀飯😋

午飯時間突然見到呢一間海南雞飯只係賣$29，就試試佢買番黎份量唔野少！雖然啲雞睇得出係雪藏雞，除咗雞皮比較厚同埋有啲肥膏之外（不過我都唔會食），飯、青瓜、雞肉同海南雞飯汁都好唔錯！ 雞肉嫩滑，飯是油飯配上雞飯汁一起吃好滋味 好快就「爬」哂成盒海南雞飯了～～

我向來喜歡食海南雞飯不過未必間間都可以做到這店的水準！這兒的雞飯是油飯，雞肉嫩滑美味 （份量也不少，有2層），醬油味道恰到好處*不過食量大的應該要食2盒不過要提一下的是....要買診早，賣哂就會關店的...