泰屋

Open Now

Now Closed

今晚老闆請食飯，帶左我地去附近嘅泰屋，我其實想試呢間泰菜好耐喇， 因為有人話佢地嘅船粉好好味，夠地道。今日唔知係我地好彩定係因為平日，所以八點鐘去到都唔使等位。坐低每人一碗船麵一個椰青係指定動作。我想試個泰屋船河很久了， 果然好好味， 湯底夠濃帶微辣，料足份量多，真係正！不過我覺得兩個人share一碗比較好， 留肚食其他野嘛🤭。另外點左個鐵板蠔餅，滾熱辣上枱， 蠔仔又肥又大粒， 鮮甜冇腥味，最緊要唔油👍。加多份泰式炸鰂魚，魚我唔食但個汁同配料酸酸辣辣好好味。再炒多碟芥蘭叫做清啲🤭呢度環境唔算舒適， 而且鑊氣好起上嚟仲會有啲嗆喉煙眼添， 但勝在價廉物美兼有風味吖嘛👍👍下次要帶媽咪去試先！

之前一直都聽講九龍城很多泰國餐廳，這次朋友帶路來了這間泰屋嘗食，味道都幾正中，開初朋友叫了個芥蘭苗我還以為是中國那種，後來上菜發現完全不一樣，是泰國的那種，牛肉加上泰式漿汁都很不錯，三個女人仔叫了4個菜+2個椰青都吃五曬，不過唯一不是太好的就是，廚房在緊門口位置，油煙比較大咯

食泰國嘢食嚟食去都係嗰啲，見到依間餐廳有船河，而且價錢又平又大碗，所以揸車嚟食。不要對餐廳內部裝修有太大期望，預咗隨時會有冷氣機滴水，滴到你啲嘢食。地方尚算寬躺，入座時差不多九點所以冇咩人，兩個人坐咗張10人枱，雖然遠離廚房，但仍然有啲油煙攻眼。叫咗個生蝦刺身、船粉(金邊粉）、咖喱海鮮包同埋椰青。生蝦刺身有驚喜， ＄88 有7隻蝦，大大隻好新鮮，蝦頭仲要炸到脆卜卜，好好味。船粉好足料，有豬肉丸，豬肉，一條條唔知咩嚟但係都幾香口，分量好大可以兩個人食。咖哩海鮮包南瓜比較多，海鮮比較少，都好味ge, 仲有好多九層塔，香料方面一啲都唔吝嗇。建議趁熱食，因為耐咗個包會諗。同埋咖啡汁多又比較鹹，可以叫多個薄餅點下。椰青好好飲好清甜啊，刮埋入邊啲肉食，好似豆腐花咁好滑，大讚！兩個人食咗＄260左右，唔使加一，非常抵。好味程度：生蝦刺身>椰青>船河>咖哩海鮮包

睇左泰國領事館介紹既香港必食船麵假日夜晚八點零過黎 等左半個鐘先有位入面燈光較暗 而且環境比較局促 好彩唔洗撘枱 所以唔太迫椰汁沙冰本來我地諗住叫椰青，店員問我地有冇飲過佢哋嘅椰汁沙冰，話推薦沙冰裝滿一大個椰青，仲倒多左一個杯既份量比你，兩三個人叫一個share 都夠！而且好冰好好味，透心涼生蝦刺身蝦頭會炸香 不過略嫌炸得唔得乾身同好多油蝦新鮮爽口 有7隻 size偏大 幾新鮮鐵板蠔仔炒蛋蠔仔都幾多，炒得幾香幾好味到主角 豬肉船麵個湯好濃，一飲就飲到用藥材同好多香料煲出黎，配料有炸豬皮，豬肉，豬肉丸配料味道唔錯，不過湯比較出色泰式炒椰菜苗次次食泰國菜都一定會叫椰菜苗，因為食其他國家既菜係食唔到，呢到既味道都ok菜式味道樣樣都幾好，而且價錢抵食個人最推薦船麵同椰汁沙冰但環境比較差 而且佢地廚房就喺門口，抽風好差，就算我地坐店既中間位置，食完個身都好勁油煙味，如果之後有地方去，就唔係好建議嚟啦。如果唔介意衫褲一陣味，晚餐一大班朋友黎食下野，都幾有泰國風味既

之前見有人介紹過呢間泰屋食泰菜，我哋今日又去試下！印象中，上次同屋企人揾食就係喺隔離，當時媽咪仲想買門口d蝦片，不過最後都係冇買到～入面完全無裝修，好似真係去咗泰國果d地道舖頭！不過好似得一兩個樓面，冇乜人招乎，有人走咗好耐都未有人執枱。本menu 有d痴笠笠～青木瓜沙律酸may may ，好味，同泰國果d好接近。冬蔭功酸同辣都適中，份量足夠2個人飲！菜脯煎蛋蛋餅煎得香，菜脯粒鹹味適中又爽脆。雞肉濕炒河D河粉好鞋麻麻地飛天通菜D通菜好老

九龍城一向是美食集中地，尤其泰菜這次繼好了友人一起去試試這一家泰屋小店的裝潢，是泰國的味道哈哈友人選了河粉我選了金邊粉！好好吃！湯底超濃的！上面有肉片、豬肉丸我愛上它了我們還點了生蝦，也不錯蝦肉厚身，蝦頭炸得脆脆的不錯哦！最後我們點了木瓜沙律，這個記普普通通了這一家，我會再去吃船麵好好吃，下次再試試其他菜色，我還聽到老闆和食客說「推薦椰青沙冰」超大一杯那位食客更說好好喝下次去吃 我一定要試試看另外一提，這店是小店來著，坐位有點窄，需要搭枱的我推薦喜歡泰菜的朋友去試試看！

係九龍城食過甘多間泰菜！呢間係最難食最恐怖的一間☹️入到去好似入左廚房甘d油煙好勁！坐得好窄又迫夾！仲有接受不了係一路食一路d蚊滋飛黎飛去，冷氣完全感受吾到有！最後佢所謂最出名的炸側魚認真係食緊炸魚皮甘，全部都係炸粉！真係好失望

放假飄左去九龍城食泰國野🤓😋專登去哩間小店食船河😍🤩哩間店舖的員工係泰國人嚟的☺️嘿嘿可以揀河粉 金邊粉同埋米線 小妹揀了河粉 佢嘅湯底真係好濃郁 真心正嘅🤤🤤份量都幾多 食哂都已經飽了😄😀泰式生蝦都不錯丫 新鮮大隻啖啖肉🙂🙃佢個汁都係酸酸甜甜 都幾開胃的☺️☺️不過如果凍一點會較好☺️like!!!泰式青木瓜沙律又係好食嘅 好入味 酸酸辣辣好正喔 好有泰式的味道喔😝😛好想再encore!!!!哩間小店雖然位置坐得窄 但食物真係整得幾好 幾值得支持下😊☺️

未試過呢間，打電話嚟訂位，應該係老闆娘嘅泰國女子用唔純正嘅廣東話接咗我嘅訂座要求，仲話「七點半見」。凖時嚟到，同個港人員工講，佢就話「陣間同事會處理」。等咗好耐，再問咗個泰國男子同個泰國女子都愛理不理。泰國女子（應該係老闆娘）開始派飛但冇理訂咗位D人。跟住個泰男就話「太多人，唔會理訂咗枱嘅人，要重新攞飛」！實在太過份！完全唔尊重客人！嚟幫襯支持唔係必然！就算好食都好，亦有其他選擇！冇位就唔好接受訂位，呃客人！

因為報紙剛剛報完手忙腳亂唔知漏單定錯次序我等左半個鐘都無得食旁邊比我遲入座家庭就食緊了我叫船河，佢叫船金邊粉無俾錯人呀唔同類食物就有機會唔同部門出快過我好正常一樣係湯麵類就有問題人多會慢我明白漏單錯次序就唔接受碗船河係ok 的但無心機食了另外，河粉偏少，葉都多過河要提交多於200字以上方可評分你又幾戇居

今日老友一齊到九龍城唱K，夜晚食飯就去附近搵餐廳，呢度成條街有好多泰式餐廳，隨便揀咗呢間叫咗4樣野，半隻泰式燒雞（嗰日有優惠58蚊半隻），香芒香茅炸側魚，蒜蓉包同埋黃咖哩牛肉（本身想叫紅咖哩，店員話黃咖哩好食d）泰式燒雞唔錯，香噴噴，配埋佢個辣椒醬別有一番風味，個人感覺如果熱d就好。黃咖哩牛肉：食落好香，裡面好似有滑蛋，口感綿綿的，味道好似一d都唔辣，牛肉嫩滑，都係嗰句，如果熱d就好香芒香茅炸側魚：有驚喜，令人眼前一亮，不但賣相靚，味道都好正，香料味道勁吸引，香茅味道突出，間中都食到香菜味，我好鍾意，而且酸酸辣辣咁，好開胃，佢肉已經起好炸好，所以都酸啖啖肉，但我個friend連骨都食埋，可想而知有幾吸引，呢個味道就比較辣。最後蒜蓉包好抵讚👍，熱辣辣脆卜卜，蒜蓉味好夠，最正嘅係佢有埋蒜蓉粒在面上，本身我地只係叫咗一份蒜蓉包，但食完之後真係忍唔住再叫多份！

好食喎哩間泰國嘢又！生蝦厚肉爽彈，醬汁酸辣醒胃，對我嚟講已偏辣，好在辣味只纏繞一陣就會散去，唔會辣到失控。蝦頭仲炸埋比你，上枱仲暖暖地，炸得香脆但係偏硬左少少好耐冇食過好食嘅泰式串燒，雖然豬肉同雞肉嘅醃料一樣，滿滿的東南亞風味，但係豬肉口感比雞肉出色，唔會薄到紙一般，又唔會燒到乾，保持到外面香口入面鬆化。唯一不足就係沙嗲醬爭啲，略為淡味稀身咖喱海鮮包，濃郁惹味充滿蛋香，都算近來食得最滿意的咖哩了，鐘意佢配南瓜同煮，但海鮮可以不提，咖哩先係主角。豬仔包烘得香脆，吸哂啲咖哩食，非常滿足。兩大個澱粉質亦非常飽肚見到個湯底都覺得開心，香濃嘅船河湯底呀！雖然味道未係最好嘅一間，爭少少層次，但做到濃郁味道已經好滿足，好感動，加埋同上嘅香草味道又再提升，但真係咸咗少少。豬肉丸同豬肉片亦都唔錯

啱啱星期二去食、咖喱蟹有優惠價$198個咖喱汁煮到啱啱好又唔太甜，唔太辣。點埋蒜蓉包索晒啲汁啲蟹肉本身都好好味、份量夠晒兩至三人食馬拉盞椰菜苗亦都好好食、燒豬頸肉亦不錯再加條鹽燒烏頭

眾所週知，食泰國菜識食一定去九龍城搵食，然而，眾多選擇，呢間小店相貎平平，但性價比高。價錢相對較平，而且食物的質素高，誠意推薦！沙嗲雞同豬，配上沙嗲醬。沙嗲味濃，好香燒烤味。青咖哩雞，雞肉嫩滑，味香濃，叫個多士點汁一流冬蔭公湯，料充足，有多款海鮮。味濃香辣，好惹味香炸鰂魚，一片片剛炸起的魚肉配上惹味秘製醬，單是賣相已令人垂涎三尺，而且只係88元，超讚呢個椰青清甜無澀味，新鮮環境就一般啦，但食物夠地道，而且價錢合理，是唔錯的泰菜之選！

有朋友話想食泰國菜, 眾所週知九龍城最多選擇,  二話不說選址九龍城. 上Openrice本來想選高名次既, 但因為太餓啦, 見到門口Menu好似都不錯, 是但啦~點知錯有錯著, 尋到寶! 環境一般啦, 燈光唔算好充足, 個地下好冼, 由個枱面到本MENU都有少少痴lup lup. 不過大菌食細菌, 最多用水沖一沖, 冇嘢既.  酸辣生菜包(豬) $78炒得好香, 又夠酸又夠辣!! 生菜都算新鮮! 好味喎! 泰式生蝦 $88嘩!! 第一次見到會跟埋炸蝦頭!個煆頭非常脆口, 除咗對眼, 我成粒拍哂!內面鬆脆, 裡面仲係有肉, 唔乾! 好好食!生蝦好新鮮, 仲要有7隻咁多! 抵食呀!! 馳名冬陰公 (S) $63飲冬陰公最驚既係有唔新鮮既椰油味, 呢個完全冇奇怪椰油味, 卻非常夠香料,  好正!!酸度辣度都好夠, 裡面仲有一大隻蝦!我地order咗個細既, 但已經夠三個人飲!  馬拉盞炒椰菜苗 $88呢個菜叫做貴啲, 但值回票價!!鍋氣夠炒菜係真係唔同啲, 熱到辣口嗰種感覺真係好開心!馬拉盞味好惹味, 個菜好甜~(有時椰菜苗會苦, 但佢條條都咁好食!) 泰式炒金邊粉 $55見到個樣就知正宗