泰禾美

Open Now

Now Closed

首先叫咗個開胃菜木瓜沙律， 正正常常不過不失， 之後叫咗個細嘅拼盤， 蝦餅彈牙爽口，春卷就普普通通，串燒雞肉就唔錯，串燒豬肉有小小乾， 另外最令我驚喜嘅就係白灼螄蚶， 我特別叫佢哋整得生啲 ， 真係超級好味， 好多年都冇食過咁血淋淋鮮甜嘅味道， 加埋个泰式辣汁， 真係一絕， 就算之前喺泰國或者其他餐廳都食唔到呢個咁恰到好處嘅螄蚶，另外叫咗泰式炒椰菜苗， 蝦醬炒飯加辣就非常之有鑊氣好香， 總括嚟講都算係性價比高嘅餐廳，值得一試，下次想再食泰式螄蚶一定會再去😋😋😋

作為一個中國泰國混血兒，我極之喜歡香港的泰國菜。食泰國菜呢就一定要去九龍城度食。呢一間都已經食咗第三第四次，都係令我會再想番去食的。一嚟佢價錢平，選擇多，好味都同我喺泰國食嘅相差無幾。特別要講嘅係佢嘅蒜蓉包同埋燒魚。蒜蓉包鬆軟好香蒜味，點咖哩就一流。而佢嘅泰式燒魚，食到我喺泰國食嘅時候嘅嗰種味道。特別嘅一個位就係佢嘅價錢吸引，最印象深刻嘅就係泰式肉鬆菠蘿炒飯，只需要$48。所以成餐飯嘅人均消費並不高，值得再食。

難得去九龍城, 梗係要食泰國菜喇, 但有咁多選擇, 真係唔知點揀好!😮‍💨 經朋友介紹下, 揀左性價比較高既 "泰禾美"!兩個人叫左好多野, 好滿足!🦐生蝦刺身-生蝦鮮甜, 而且好大隻又厚肉, 點上泰式辣汁, 超正!🍢小食拼盤 (s) -有蝦餅, 串燒, 春卷, 份量都okay, 但味道就普通左啲!青咖喱雞 + 白飯 + 蒜蓉包-味道唔錯, 但比較水! 不過個蒜蓉包就真係好推介👍🏻 外脆內軟, 非常好食!明爐烏頭魚-去食泰國菜必食既, 烏頭魚好大條, 酸湯惹味, 滾滾下真係好正!!檸檬汁燒牛肉-份量比想像多, 而且肉嫩多汁, 肉質唔乾, 好食!

宵夜首選，🅱️區閂十點🕙，九龍城係一個方便嘅地方，上菜速度，食物亦係有水準，座位都有空間感，第8️⃣8️⃣8️⃣篇食評推介©️區餐廳🍴真心方便大家😌———————————————————————————🇹🇭泰式生蝦🦐💬泰式酸汁加入蒜片、辣椒🌶️，冷凍爽口嘅生蝦就係咁提升咗😋.🇹🇭原隻燒魷魚🦑💬應該係即燒，最後先上枱，炭爐風味十足😌.🇹🇭串燒雜錦🍡🇹🇭炸蝦餅🦐💬例牌野唔多介紹，熱🔥辣辣就已足夠，宵夜肚餓點都會覺得掂😌.🇹🇭炒金邊粉、生菜包🥬💬全部都係人氣食品，唔洗睇餐牌都識叫，無挑剔嘅水準😋.🇹🇭海鮮濕炒河、鹽燒烤魚🐠💬兩款同樣都咁堅，河粉唔黏稠，配海鮮係最夾，叫埋烤魚覺得開心過明爐上，更香口😋

九龍城食泰國菜就出曬名今次揀左呢間泰禾味食晚餐。吃左泰式炒金邊，豬肉雞肉串燒，炸蝦餅，馬拉盞炒通菜。炸蝦餅👍🏻幾乎去食泰國嘢都一定會叫呢一個菜，呢間啲蝦肉質地幾好，仲食到一粒粒一粒粒蝦仁，唔算撈得太多麵粉！推介👍🏻串燒：呢個好好食，仲有少少花生醬喺面，好惹味👍🏻馬拉盞通菜：係鹹咗少少，但係都炒得幾有鑊氣，幾香。泰式金邊粉：👍🏻呢個一定要叫，配料好充足，同金邊粉個比例幾乎係一比一😂 十分足料下次都會再嚟試其他泰國

這間泰國餐廳非常易找, 位於著名潮州糖水舖附近. 假日傍晚五點半多已經有人排隊, 安排入座後便立即叫餸食飯泰式生蝦 大大隻 啖啖肉 點食泰式汁無得頂😋👍螄蚶Size不是太大隻, 味道有點腥. 本人不太懂欣賞, 朋友就食到津津有味😅木瓜沙律木瓜絲配泰式沙律汁, 夠辣夠酸夠惹味😋👍炸蝦餅炸漿不算厚, 炸得不錯, 不過蝦肉較少, 質感偏實, 不夠彈牙串燒串燒種類可以自由配搭, 最少四串起, 以下分別有豬肉, 雞肉, 雞軟骨&雞腎, 燒得不錯, 不會太乾, 沙爹汁味道都ok咖喱蟹&薄餅咖哩汁味較淡, 蟹肉質素一般馬拉盞炒雜菜馬拉盞味道不算濃郁, 似普通炒雜菜椰青嫩口椰青肉, 味道清新 消暑解渴以上這麼多食物, 埋單都是$7xx, 所以係非常抵食

九龍城就最多泰國菜架啦，不過我經常去既一間泰國菜就係呢間泰禾美了。第一次來係朋友請食飯然後帶我來的，食完發覺價錢同食物質素都OK,之後就經常來了。不過尋晚既宵夜有少少失望，因為我本身係點燒雞亦同牛肉外賣的，點知翻屋企打開發現燒左牛丸比我，都算了，可惜個牛丸麻麻地🙂。燒雞翼就還可以啦，保持一貫水準，已經唔算焦啦。同時我仲點左個飛天通菜，不得不說，比我之前食的辣好多😭😭。之前都會經常去打包，可能今次失水準？

天氣咁熱每一次想食泰國菜嘅時候都會諗起呢一間野 今次終於的起心肝打食評今日2個家庭去食 而我最鍾意食既係生菜肉碎（多汁好味）必須會點嘅泰式生蝦串燒叫咗墨魚丸一串牛肉同埋豬肉各兩串（墨魚丸係朋友點比小朋友食） 另外叫咗個菠蘿炒飯 都係必點（因為小朋友中意食）今次泰式咖喱炒蜆有啲令我失望（蜆比平時細隻好多）有咖喱點少得薄餅呢我哋叫咗兩底薄餅好快就比我地清晒另外叫咗菠蘿冰同埋椰汁冰仲有一支啤酒價錢方面相當合理 食咗幾次水準其實都平均係環境比較窄 不過都會keep著黎幫襯

天氣熱，又冇得飛返鄉下，唯有去九龍城尋找一下泰國的味道⋯⋯之前食開隆姐，今次行過見呢間有咁多人幫襯，咁就去試吓啦。生蝦刺身，都夠肉厚同凍，刺身汁都得，酸辣合宜👍🏻知道唔係咁多人啱食嘅獅鉗，本人就最啱，可惜唔太新鮮，亦略欠鮮甜，有啲失望青咖喱雞，有咖喱嘅香辣，唯雞肉太削串燒等咗好耐…仲俾人吹左兩次埋單，我都未吹你全消遲遲未黎，簡直係EQ訓練班如果相比隔離啲串燒店，就真係失色咗啲，冇乜肉香炭香，牛肉串太韌，連個沙嗲汁都吹左兩次，而且唔夠花生味⋯⋯總括嚟講，性價比係高嘅，但係人手唔夠，沒有服務態度可言，食物一般，一試無防，相信九龍城一定有更好選擇。

都有一段時間無來呢度食飯, 因為上次來既時候係壞冷氣, 邊食邊流汗, 所以有少少避忌, 哈哈今次見到門口有 D 人等位, 而入面都見到幾爆下, 咁個冷氣應該係整好左, 等左 10分鐘左右有枱, 不過招呼果位嬸嬸就好似做到好慶咁, 笑容久奉之餘仲有 D 大聲左 ! 轉左兩轉餐牌, 其實都係例牌食返果 D 野, 黃咖哩雞, 配埋薄餅同蒜蓉包各一客, 加個泰式炒通菜, 一條燒鰂魚, 一杯杧果沙冰一個椰青, 咪就係當去左泰國食晚飯首先一來就係泰式咖哩雞, 好香甜既黃咖哩味, 忍唔住食左舊, 但要再等成 10分鐘先來一份薄餅, 諗住佢隔一陣會來埋份蒜蓉包啦, 點知等到個泰式通菜, 沙冰, 椰青同燒魚到埋都見唔到果份蒜蓉包囉, 以為都會來架啦, 等呀等呀, 條燒鰂魚都燒起左, 食左一大半, 先見到果份蒜蓉包, 問嬸嬸點解要咁耐, 佢個答案係話要焗, 真係估唔到焗份蒜蓉包要等成個鐘, 仲要係出到來塊塊個底都係燶既, 仲要點返已經凍左既咖哩汁來食, 本來成餐食物既味道都唔錯, 就係呢份蒜蓉包扣哂分 ! 

泰國咁多間泰菜，呢間係openrice係少人寫食評。門面裝修簡單，一間唔顯眼既泰國菜。但價錢親民，又好食。今晚2個人食，本身想食燒肉放題飲啤酒，最後都係去左九龍城食泰菜，放題式咁點菜食。1. 司奄（螄蚶）男朋友一見到有司奄就話要點，我本身未食過。第一次食。焯到岩岩開口，剛好熟，仲有點血。其實有少少驚驚...但食落去又幾鮮味，暖暖地。有d海水味咁。配埋個泰汁一流。2.沙嗲12蚊串，外面買一串都唔止呢個價，仲可以堂食。抵到極。4串起，點左豬牛雞腎各1串試下。沙嗲汁甜甜地幾好味。豬肉有驚喜，少少燶邊好香口。又唔會好啖啖肥豬肉咁。好好食。牛肉麻麻，感覺乸到d肉冇乜質感，可以不點。雞肉正常，不過不失。腎好大嚿，係好抵既。但太大嚿好困難咬。如果切薄d會更好。因為飲酒關係，我再點多次沙嗲今次2串豬墨丸牛丸墨丸係好難食，一團粉，冇口感冇墨魚味，冇魚味，蛋旦都不如。牛丸細細粒，有d似泰國食既豬肉丸，幾好食。3.牛肉生菜包以前食過豬雞蝦既生菜包。今次就試下牛肉。生菜包都係豬好食，牛肉有d粗，唔夠香。不過好彩佢d香料夠。4. 柚子蝦沙律酸酸甜甜好好味，柚子又好食又夠甜多汁。沙律汁唔會太咸，岩岩好。蝦就普通雪

已經有接近2年冇踏足過泰國突然好想念泰國既味道咁就拎起電話嗌咗泰國菜外賣九龍城非常多選擇 今次隨意叫咗一間今次5次叫咗4個粉麵飯包括泰式炒粉絲 泰式炒金邊粉 泰式炒河同埋蟹肉炒飯 蟹肉炒飯炒得好金香 入口品嚐到蟹肉 炒飯好有鑊氣 而今次最喜歡既係泰式鳳爪 酸辣味並重 好開胃 茄子豬頸肉有小小失望 因豬頸肉數量實在太少豬肉碎生菜包味道辣番d會更理想 但係味道都係好的 而生菜嘅數量都好足夠呢餐飯都總算解咗我嘅想念之情 尚算不錯👍🏽

無book 位嘅情況下，係九龍城隨意地去了這間泰禾味餐廳，特別想食明爐魚點了三個菜：1. 明爐烏頭魚明爐上有很多香料，南薑、香茅、蒜頭、香葉、辣椒 、香芹⋯⋯再加上豬肉碎，另加一大碗湯汁賣相很不錯但因初初因店員忘了給泰式汁，味道覺得偏淡，爭咁啲，後來問店員要了醬汁，點上醬汁後即刻好味好多2. 串燒（鷄腎、雞軟骨、牛肉、墨魚丸）有驚喜，好好味😋上菜時是熱的，少少焦香，調味不錯，很惹味👍🏻3. 椰菜花炒豬肉掛住食，唔記得咗影相，辣辣哋，都幾好味會想再試其他菜式

閒日夜晚冇book位就嚟食，好彩唔洗等就有位！我揀咗菠蘿沙冰有菠蘿絲豬肉碎生菜包：肉碎好味，小小辣，生菜都好乾淨最後食到唔夠生菜泰式炒通菜：原來係用麵豉炒，由底有汁嗰啲食會好食啲馬拉盞炒椰菜苗：馬拉盞炒菜係冇得輸椰菜苗都好好食，唔苦生蝦刺身：新鮮個醬辣辣地幾好食！炸蝦餅：似新鮮炸起，好脆沙嗲串燒：嗌咗豬，牛，雞，墨丸，牛丸雞肉串燒最好食！牛丸比想像中細粒，但又真係有牛味，好味其他都正常發揮黃咖喱雞配薄餅：咖喱有啲重椰味，我唔係好啱雞肉都多，而且幾大條～薄餅超好食！勁脆！點咗咖喱食都仲脆最後叫咗芒果糯米飯嚟幫朋友慶祝生日（自備生日牌）芒果夠甜，但啲飯唔夠黏，裡面有少少粒粒分明嘅感覺不過其中一個朋友反而鍾意呢個口感整體嚟講嘢食都好味，而且仲幾抵食！侍應服務都幾好，叫佢地都好快有人應～雖然環境座位未必係超級舒服，但係都可以接受嘅我地走嗰陣出面有好多人等緊位冇揀錯呀

次次同老公去九龍城食泰菜都必會去呢間貪佢既質素穩定 而且價錢合理今次就帶埋屋企一齊過黎幫襯生蝦 次次黎必食價錢算平 $58 有5 隻有時同老公兩個人黎 我都係自己食晒一碟印象中好似以前再大隻d 椰汁雞湯飲落口酸酸辣辣 有d 似唔辣版既冬陰公好香香料味 雞肉份量多 飲完好開胃咖哩雞肉甜味比較重 無乜辣味配薄餅食都唔錯呢款幾次黎想食都賣晒今次終於試到蠔身偏細小小 唔係好大舊肉加埋d 香料咁食又幾特別串燒唔需要多講燒到岩岩好 肉質仲保持到嫰滑又係必食既一款一定要點多d 個醬 靈魂係個醬度泰式軟蓋蟹配料炒得好香 而且軟蓋蟹走油走得夠乾身泰式無骨鳳爪D 汁夠辣 唔食得辣既朋友仔要小心鳳爪爽口