Video
Read full review
2021-03-31
789 views
泰國咁多間泰菜，呢間係openrice係少人寫食評。門面裝修簡單，一間唔顯眼既泰國菜。但價錢親民，又好食。今晚2個人食，本身想食燒肉放題飲啤酒，最後都係去左九龍城食泰菜，放題式咁點菜食。1. 司奄（螄蚶）男朋友一見到有司奄就話要點，我本身未食過。第一次食。焯到岩岩開口，剛好熟，仲有點血。其實有少少驚驚...但食落去又幾鮮味，暖暖地。有d海水味咁。配埋個泰汁一流。2.沙嗲12蚊串，外面買一串都唔止呢個價，仲可以堂食。抵到極。4串起，點左豬牛雞腎各1串試下。沙嗲汁甜甜地幾好味。豬肉有驚喜，少少燶邊好香口。又唔會好啖啖肥豬肉咁。好好食。牛肉麻麻，感覺乸到d肉冇乜質感，可以不點。雞肉正常，不過不失。腎好大嚿，係好抵既。但太大嚿好困難咬。如果切薄d會更好。因為飲酒關係，我再點多次沙嗲今次2串豬墨丸牛丸墨丸係好難食，一團粉，冇口感冇墨魚味，冇魚味，蛋旦都不如。牛丸細細粒，有d似泰國食既豬肉丸，幾好食。3.牛肉生菜包以前食過豬雞蝦既生菜包。今次就試下牛肉。生菜包都係豬好食，牛肉有d粗，唔夠香。不過好彩佢d香料夠。4. 柚子蝦沙律酸酸甜甜好好味，柚子又好食又夠甜多汁。沙律汁唔會太咸，岩岩好。蝦就普通雪
今晚2個人食，本身想食燒肉放題飲啤酒，最後都係去左九龍城食泰菜，放題式咁點菜食。
1. 司奄（螄蚶）
男朋友一見到有司奄就話要點，我本身未食過。第一次食。
焯到岩岩開口，剛好熟，仲有點血。其實有少少驚驚...
但食落去又幾鮮味，暖暖地。有d海水味咁。配埋個泰汁一流。
2.沙嗲
12蚊串，外面買一串都唔止呢個價，仲可以堂食。抵到極。
4串起，點左豬牛雞腎各1串試下。
沙嗲汁甜甜地幾好味。
豬肉有驚喜，少少燶邊好香口。又唔會好啖啖肥豬肉咁。好好食。
牛肉麻麻，感覺乸到d肉冇乜質感，可以不點。
雞肉正常，不過不失。
腎好大嚿，係好抵既。但太大嚿好困難咬。如果切薄d會更好。
因為飲酒關係，我再點多次沙嗲
今次2串豬墨丸牛丸
墨丸係好難食，一團粉，冇口感冇墨魚味，冇魚味，蛋旦都不如。
牛丸細細粒，有d似泰國食既豬肉丸，幾好食。
3.牛肉生菜包
以前食過豬雞蝦既生菜包。今次就試下牛肉。
生菜包都係豬好食，牛肉有d粗，唔夠香。不過好彩佢d香料夠。
4. 柚子蝦沙律
酸酸甜甜好好味，柚子又好食又夠甜多汁。沙律汁唔會太咸，岩岩好。蝦就普通雪藏蝦啦。成個夾埋就好好食。開胃。
5. 炸蝦餅
蝦餅係我食泰國菜必食的。呢間雖然開一半，但都好大碟，份量好足。好姐食。送酒一流。
6. 泰式炒粉絲
晚餐又想食d主食，又唔想食好飽肚既野。
點左個炒粉絲。有肉碎同蛋仲有d菜。
好夠鑊氣，蛋好香。加點辣汁仲好食。
我記得呢個係48蚊，好抵食。
7.燒鰂魚
魚肚中間放左香茅香葉等既香料一齊燒。
一來到香噴噴，啖啖肉。貼住魚皮既肉仲正。好想連埋皮食。但又有魚鱗同好多鹽，都係冇食到。但真係必點燒魚。
最後2個人放題式咁食左8碟野，4支大啤。埋單＄616。有點誇張，但又好滿足。咁樣食開心過食放題或者buffet。又可以慢慢坐，冇限時又冇人趕你走。開心的一餐。
Post
