泰豐無骨海南雞飯外賣店

Open Now

Now Closed

突然想食海南雞就發現呢間外表平平無其嘅店。收工時間都見到人唔少人幫襯～見到價錢只係$37就即刻買！買緊嘅時間已經聞到店舖飄住啖啖嘅海南雞味 。份量一啲都唔少，油飯顏色唔深色，但已經夠晒味，食得出油香味。而雞係嫩滑而且有雞味，食落一啲都唔嚡。配埋酸酸辣辣嘅醬，好開胃，重口味人士必備。仲有多雞款揀都只係$55，而其他小食都只係介乎$10-$30，下次再買黎食下。呢個價錢就食到海南雞飯，真係物超所值，會再食😋😋

荃灣嘅物價比較偏低，買餸食飯都比較平，係附近返工可以試下呢間無骨海南雞飯，食左年幾都係加左一次價，味道亦保持住好高嘅水準，除左海南雞飯好食，佢地嘅涼拌小食都出色，不過小食數量有限，而當中蓮藕係最受歡迎，晏少少去都俾人買曬😵

今日收工去荃灣揾食，發現一間未試過既海南雞店，價錢只係$35，好抵！睇落店面好乾淨，我就決定試下佢地嘅招牌海南雞。食到第一口雞肉，真係驚喜！佢D雞夠滑得嚟緊，入口即化，令人感到舌尖上嘅享受。飯都煮得夠入味，每粒米都吸收咗醬汁同雞肉嘅鮮味。最令我驚喜嘅係佢地嘅雞腎浸得脆而有咬口，真係好出色！個質感同味道完全配合返成個整體風味。整體黎講，呢間海南雞店真係值得推介！如果你想食正宗又美味嘅海南雞，不如試下佢地啦！

呢間海南雞真係不得了！ 平時收工唔想煮飯，食海南雞夠晒健康！這家平價海南雞飯店的招牌菜肯定就是海南雞飯了，35$份！雞肉非常嫩滑，肉質非常鮮美，讓人一口接上一口。配上特製的油飯，吃起來不油膩但可口，絕了！涼拌雞腎和雲耳也是非常值得一試的小菜，雞腎口感鮮嫩可口，搭配秘製醬汁！清爽的雲耳和脆爽的青瓜、蓮藕，讓人的味蕾得到了充分的刺激。而且最重要的是，這些小菜的份量非常足，真的是超值。十蚊份炸！最後，要說的就是這家店的秘製海南雞醬汁了。這個醬汁的味道非常獨特，有著淡淡的甜味和微微的辣味，非常適合搭配海南雞飯和其他小菜。總之，這是一家值得一試的平價海南雞飯店，如果你喜歡海南雞飯，絕對不能錯過。

荃灣既海南雞飯非常多，之前係社交平台見過有人推薦呢間小店就幫襯下，又真係幾唔錯喎！$35一個飯真係見少賣少，個飯係油黎，但係唔似出面咁油，好香！雞非常滑，係連雞胸都滑個種！完全唔硬，之前試過一些好硬既海南雞，又凍冰冰咁，呢間好滑，應該係即叫即斬。個泰醬係精華！暫時未食過呢種味，好適合點雞🐓。個雞湯好濃，飲得出係真係原材料煲出黎，唔係雞精湯，好飲。買個時有2、3個客都叫1隻雞、半隻雞，似乎街坊都係食開呢間既雞。下次都試下買雞加料先！😋不過美中不足係要等一陣，前面有其他客叫幾隻雞，師傅需要少少時間。

前日(19-9-2022 Mon)喺素悅軒食完晏後買嘢返屋企,買隻雞返屋企煮?天下咁熱,唔想開爐煮嘢喇,買現成煮好嗰啲啦,手撕雞?好似麻麻.宏泰嘅又似係鹽水雞?點好呢?記起呢間海南雞專門店,於是走嚟,半隻一定唔夠,咁一隻啦,盛惠$175.00,要兩個外賣盒裝,薑蔥蓉同辣辣地嘅醬汁都係孖上.返到屋企打開睇,雞皮較淺色,食吓先,口感好滑,味道偏淡.2.8分o衣o家睇返之前啲食評, 同樣係冇俾青瓜,係咪淨雞唔會俾?服務:唔係好掂,我想開口買嘅時候,個中年男店員背住我,我嗌唔該兩聲,佢都冇反應,我就嗌買嘢呀,佢至擰返嚟應我.到最後佢俾晒嘢我至講聲多謝.

前日(6-4-2022 Tue)老公放工原本去悅和買腐乳,但已閂咗門,於是佢走嚟買我哋上月幫趁過後,佢念念不忘嘅無骨海南雞(食評係2022年3月3日刊登嘅呢篇: https://www.openrice.com/zh/hongkong/r-%E6%B3%B0%E8%B1%90%E7%84%A1%E9%AA%A8%E6%B5%B7%E5%8D%97%E9%9B%9E%E9%A3%AF%E5%A4%96%E8%B3%A3%E5%BA%97-%E8%8D%83%E7%81%A3-%E6%B8%AF%E5%BC%8F-r748143/reviews),佢用$90.00買半隻返嚟,打開睇,顏色依然係咁靚,但,冇青瓜嘅?呢個質素同上次食嘅都一樣,不過佢哋好似成日漏俾青瓜,漏俾青瓜就係令海南雞缺少咗一部份.抵食係2.7分

27-2-2022 (Sun)同老公買餸,經過開咗一段時間嘅呢間,有開門喇,買完餸行返轉頭買啦.我哋嚟到,要一盒$35.00嘅海南雞飯,亞姐打開飯煲舀飯時,我嗅到油飯好香嘅香味,買咗諗住走,由於接近午飯時間,不如買多盒俾爸爸,咁就買咗兩盒.返到屋企,執好啲嘢,老公就打開嚟食,油飯嘅份量唔少,海南雞去晒骨,啖啖肉同juicy又暖,雞味好濃;油飯味道唔太濃,口感正常,比想像中冇咁油.而醬汁係辣辣地嘅.