泰風情

Open Now

Now Closed

一條麻甩佬，唔知食乜好，行到泰國鋪，叫雞依吓肚！油飯香口（ok）點🐔醬料（夠濃）杯咖啡（超濃）🐔冇乜味道湯十分清淡下次試試散叫，睇吓其他食物如何先，再稟告咁多位大神！

因為自從去完泰國返嚟，就一路好想食番泰國嗰種船河粉味道，今日就入嚟試咗呢間，我叫咗佢個下午茶肉碎船河粉，個餐仲包埋龍眼冰只係38蚊仲要唔使加一，真係好抵食 個湯底我叫咗黑湯，食出嚟嘅味道完全同泰國一樣呀，好開心 以後可以多啲嚟食

好耐無食泰國菜，聽朋友推介呢間泰風情，今日來指教一下海南雞，一入口喜出望外，雞肉滑溜彈牙，絕非一般冰鮮雞可比，正正正正正生蝦刺身，好新鮮，相信唔係雪藏蝦，唔錯，正正正招牌鐵板炒通菜，好好味，小弟從來唔好疏菜，但竟然不自覺食個不停，如果唔中意食菜人士我會推介呢個，正正正正豬雜粉，從未食過，今日一試又唔錯喎，清清地幾好味，正正正黑毛豬串燒，不得了，好正，微微炭香入口小小酸味，豬肉夠厚身但鬆軟有口感，正正正正正總結:兩公婆居然都食到咁多野，實在無令我失望，去九龍城食泰國菜嘅不二之選

星期六去左九龍城 快三點諗住搵個泰式下午茶食下 不過睇左幾間都冇做下午茶 有D就有午餐 有D乜餐都冇單點 最後揀左近近地呢間午餐連飲品 仲可以揀青檸水不用加＄ 招呼都可以 最少一入去馬上問幾位安排入坐揀左泰式風情炒飯 仲有乾炒河（豬）飲品 奶茶好味 又濃又香 下次要再點靑檸水唔錯 不過偏甜都幾酸 未必個個受到泰式風情炒飯點的時候不知道是什麼料黎到先發現同乾炒河有九成似 主要都是豬 芥蘭同蛋 飯本身炒得乾身粒粒分明 好香 好好食不過豬肉就是差D 係發大左白曬身嘅無味豬肉乾炒河一樣有鑊氣 乾身可口 一樣衰左係D無味白豬肉到 芥蘭都幾老下 有D難咬份量好足 好飽 40幾蚊包凍飲 不挑剔豬肉無味嘅話佢D炒飯炒河真的算不錯有機會會再去餐廳𥚃面廁所非常污糟 一路去一路有D小蚊滋飛來飛去 同後巷D廁所差不多 ...

泰風情十二點係九龍城買完野諗起黎九龍城一定要食泰國野！所以就睇下有咩開左但原來接近12點左右都唔係好多泰國餐廳開左見到泰風情有人係門口招客就即刻去食入到去見到唔係好多空位應該因爲差唔多午市見到menu嘅餐係泰國餐廳黎講都算平$30-40都有一個餐個侍應好nice佢聽到我話唔食得太辣就向我介紹啲食物最後決定叫個燒豬頸肉飯有好特別嘅辣好好嘅配搭好夠汁好濃味啲豬頸肉亦唔會太老內裏嘅肉質都算幼嫩而且仲有龍眼冰都幾清甜有幾粒厚肉嘅龍眼肉整體感覺都好好！份量好足夠！服務都好好！

今天早上剛巧有事要到九龍城, 便試一試那裏的泰國菜。進到餐廳, 侍應便很熱情地請我和朋友坐下, 也很貼心地為我們介紹各款菜式。我點了個只需$48的海南雞飯。點了餐才兩分鐘, 兩杯龍眼冰便已送到枱上。這裏的龍眼冰喝下去有陣陣仙草的味道, 在夏日喝下去真是透心涼。不過一回, 海南雞飯便送上桌了。這裏的海南雞飯雖然只有一種醬汁, 但是自家製的, 既不會太辣, 吃下去也有酸甜的味道, 配搭份量足夠的海南雞, 絕對值得一試👍唯一美中不足的, 是油飯並沒有雞油香味, 例湯亦沒有特別之處。

今晚無約朋友食晚餐，本來想返屋企求其煮個麵食算，但夜左收工，又懶得返去又煮又洗，所以求其揀左間泰國餐廳食個便飯算！路過呢間泰風情，見人唔多，就入左去食，點知就中左伏叫左個海南雞飯+杯凍飲，見到碟飯真係呆一呆，雞既份量唔多之餘，又瘦又薄無咩肉；好後悔唔記得夾起影張相🙄雞唔鞋但無味、飯望落夠油但食落無油香，如果再比我揀，我寧願去大x樂食。食完最終都係要返屋企煮麵食。可能你會話$50幾蚊想點丫？你可以貴精不貴多，但依家又唔精又唔多

今日一行五人出咗嚟九龍城搵食，同事第一時間建議去呢間泰風情。 啱啱由泰國🙏🏻🙏🏻🙏🏻返泥嘅我，見同事咁好興致當然冇問題啦！👌🏻😊😊一坐低見佢餐牌飯、粉麵各有幾多不同的選擇，我地叫咗豬手飯丶扎肉河粉丶海南炸雞飯等等⋯首先🐷🐷豬手飯真係幾唔錯，入口烟un，唔會太肥膩同又唔漏，不過掛住食唔記得左影相。其他粉麵則保持一貫泰式粉麵水準，所以在這裡不多說了。重點推介呢個海南炸🐔飯，究竟炸左既海南🐔仲係咪海南🐔呢？放心，原有既海南特色依然保留，例如油飯、醬汁同個湯。就連個炸🐔都保留住海南🐔既嫩滑，炸粉厚度適中，而且仲多左份惹味，加埋個汁真係一流，值得一讚！！👍🏻👍🏻呢個好有驚喜又好味！！😋😋

我是第一次寫食評的，因為這次實在太不滿了。話說父親節請了父母到家作客，因知道九龍城的泰國菜有名，本想叫點泰國菜給老人家試試，於是在某外賣網站訂了1份咖哩、2個青菜、1條蒸魚、1份炒菜、2份薄餅。訂購的時間是7點前，系統預定的送達時間是下午8:15。以為1個小時的預備時間應該十分充裕，誰知道這是一場等待賽。下午8:00: 系統顯示尚餘29分鐘，然後一直停留在這個時間；下午8:15: 與外賣網站聯繫，客服說未能聯繫到餐廳下午8:16: 客服表示聯繫到餐廳，但餐廳表示未能提供食物準備好的時間；速遞員已經到達，收到食物後將第一時間速遞；下午8:19: 我自行打給餐廳表示不滿，餐廳表示尚有一個菜就好了；下午8:39: 網站客服指餐廳說青咖喱沒有了（即餐廳在下訂單後1小時39分後才處理！！）。我馬上表示可以換成其他咖哩代替；下午8:59: 我再打給餐廳，還是說在準備！！對不起，我的耐性到了極限，馬上通知客服取消訂單。你相信一家餐廳2個小時都未能提供所點食物嗎？我確實不相信。 我估計是老闆因為店裏現場太忙了，所以為了在現場多接待客人、增加翻檯率，只能犧牲外賣的客人吧！結果，在我家的各位就這樣餓著肚子

點了明爐酸辣烏頭。本來想先吃再叫其他。因通常魚都會等耐的。怕叫其他食物來魚都未熱。但由於下單有問題，店員非常有禮告知。又介紹幾個好味小菜先吃。大廚更親自介紹鐵板蝦醬炒通菜。真的好好味。還介紹紅咖哩牛腩。去骨海南雞飯。好滑的雞。飯熱、夠油香。重送甜品。呢的咪叫留客囉。

我媽在西貢的泰國菜餐廳，由我小學開始已經開門營業至今，陪伴我已經差不多三十年的日子。泰國菜餐廳自小已經陪伴着我，我幾乎每天都在吃「泰式海南雞飯」，我早已對我海南雞飯的味道，跟不同流派都完全了解。「海南雞飯」大致上在港的流行款式，主要分為「泰式海南雞飯」和「馬來西亞式海南雞飯」兩種。泰式和馬式海南雞飯的最大分別，就是飯餸擺碟方式各有不同。泰式的海南雞飯，一般都是以雞油調味炒成的油飯作底，然後再稍為以香料為雞醃味，煮熟再將雞肉切絲，把雞絲鋪在油飯之上，再配上點雞來吃的泰式豆瓣醬，就成為很多香港人喜歡吃的「泰式海南雞飯」。「泰式海南雞飯」這種食法，跟泰國賣海南雞飯的小販，在泰國街頭即席製作並售賣海南雞飯，食客坐在泰國街頭的檯櫈上，盡情享用的海南雞飯十分相似。相對於泰式海南雞飯，馬來西亞和新加坡的海南雞飯，則偏向飯與餸另外分開上，飯多數是以黃油炒成，以比較美觀的方式上檯。相對泰式海南雞飯，在街頭即席食海南雞飯的方法，只能說在馬來西亞，與新加坡的熟食中心食海南雞飯，感覺會比泰國舒適了一點。但泰國人在街頭售賣海南雞飯，亦是他們獨有的方式，我們無可厚非。九龍城向來都是以泰國菜館眾多而聞名的地區，今次

九龍城泰菜多，今日去泰風情食泰國午餐～午市套餐選擇幾多，而且配飲品，價錢亦唔算貴。咖哩好香，撈飯一流。雞肉嫩滑但唔太入味，反而做配菜嘅茄子同豆角入哂味好正不過咖哩對我黎講有少少太辣，食到出哂汗><友人點嘅海南雞飯，冇骨海南雞食落好嫩滑，醬汁偏辣，不過好開胃隨餐附送嘅青檸水，味道偏甜，如果清淡少少相信會更清新，亦更好配合比較濃味嘅飯菜總括來說，午餐價錢可以話係超值，份量亦冇因此而縮水。加上服務態度好好，店員好熱情，係一餐愉快嘅午餐！

今日黎到九龍城搵食了。 行左好耐終於行左去泰風情呢間泰式餐廳.....事不宜遲好快就叫左兩樣野食了！呢碗係雞翼湯河。 味道幾好，但份量就小了....大食既人注意！呢個就係香葉肉碎煎蛋飯！ 味道方面肉碎裏邊加入了豆角粒，令到成碗野好冇咁dry....d汁簡直係神級 超好味😋個蛋又煎得幾脆....總括黎講 呢間餐廳野食方面唔錯既！唯一要改善既地方就係野食份量果方面可以在多小小！食飽之後，去左格黎間野買雞蛋仔食。呀！佢呢到雞蛋仔又幾特別，心裏邊有餡...仲要有成6、7種比你選擇！ 我就簡左紫薯味！由於即叫即整，所以等左成三個字先有得食.... 掛主食都冇睇間野叫咩名😂

好少出九龍城，因為唔太食得辣野，所以好少會入泰國餐廳。餐廳出面有show到唔同既套餐，有湯有野飲。不過見到餐牌之後，最後決定叫小菜第一個餸係炸春卷，加埋醬汁就好好食雖然覺得個春卷唔係好夠熱，不過都好脆卜卜之後係好有份量既原隻菠蘿海鮮炒飯菠蘿好甜，加上有肉鬆有蝦有蟹柳同提子乾，唔錯唔錯跟住就係老闆推介既黑毛豬串燒，menu冇架老闆推介時話呢隻黑毛豬好有豬味加埋d 醬汁，辣辣地又真係好好食最後就到製作需時既鐵板蠔仔煎蛋熱辣辣又脆卜卜，不過個人比較鍾意多d蛋侍應姐姐仲請我地食甜品今次係自家製既椰汁糕服務好好又有效率唔收加一仲要送甜品下次有機會一定會再泥

呢間泰風情之前同屋企人離食過，記得味道係唔錯噶，印象最深刻噶係燒黑豚豬肉，好好味架。今晚得自己食飯，淰住買外賣食，就淰起泰風情啦。一去到，有個姐姐開門比我，我話我想買外賣，區立刻請我入去坐低先。一坐低，就遞上餐牌，仲有杯熱茶比我，仲好好態度甘同我講解d菜式，推介左幾個菜比我。呢度噶價錢都比較實惠，菜式都唔少。奈何我得一個胃，食唔到甘多野，於是就揀左個最愛噶飛天通菜同泰式蟹肉炒飯。等噶過程中都見到店員們好熱情甘招待其他客人，笑容仲好好添。好快脆份外賣就得啦，走果陣個姐姐仲送我出門口，服務態度實在太好啦。一翻到屋企，立刻打開飯盒，份量都唔少架，特別係個飯，好香。呢個蟹肉炒飯，蟹肉都幾多下，不過略嫌個飯味道淡左小小，可能係因為平時食開噶泰式野味道係比較濃。總體離講，價錢又平，份量又多，味道又唔錯，最重要係服務好好。下次會再同屋企人去食噶。