泰風情

Open Now

Now Closed

［泰風味之選］第一次午餐走到九龍城食，選擇最泰味的泰風味。裝修簡單，座位舒服服務員親切甘介紹午餐的推薦是咖哩午餐選擇多，泰式的選擇都算多，有炒金邊粉、湯粉，也有冬蔭功炒飯海南雞飯無得輸，雞夠滑。我最鐘意的是泰國的香料和那種酸酸、甜甜的辣汁如果唔夠，每張枱都有不同的調味料，可以因應口味添加友人點了青咖哩雞青咖哩比平常食的辣，但友人一邊吃一邊說有點辣，但很過癮青咖哩裹面有主菜雞肉，也有配菜有茄子、豆角、紅青椒正常買單都不貴，午餐價錢差不多最後，離開店，不忘想影翻張門面照

我之前以為呢頭是但一間泰國餐廳都會好食，原來係咁錯嘅～～～呢道嘅價錢唔貴，上菜好快，份量都幾細⋯⋯咖哩入面啲肉係用水煮完先撈咖哩汁簿餅勁油～～生菜包唔多豬肉粒，但勁多肥豬肉粒，半透明果啲想話菜會健康啲吧，但原來雜菜煲係炒完放入個煲度⋯⋯我地叫嘅沙津係應該辣的，但唔辣之餘仲要好salty，係勁salty先岩串燒係最無問題，啲肉份量都幾多未食過唔辣的泰菜，我地叫的差唔多全部都有辣椒，但全都唔辣加偏salty如果唔無侍應姐姐好，會食到好激氣

10月15號，一行七人突然約喺龍城食泰菜，佢嘅串燒就食過幾次，對面開咗間餐廳，一於就試試佢啦！一坐低當然叫佢哋招牌菜，招牌豬手，炆得幾淋唔錯，個底仲墊左啲鹹酸菜，幾開胃，個汁咗收得乾少少就更好！再來一個招牌海南雞，色澤買相唔錯，幾滑同埋有少少雞味.炒椰菜苗，正常水準.石斑冬陰公湯，魚應該唔係咁新鮮，個湯咁濃味都掩蓋唔到D腥味,唔合格.豬肉生菜包，點菜時已經叫佢吵得乾身啲，都OK正常應有水準.黑毛豬串燒，燒完肉質都仲係好淋，只係個人口味覺得蜜糖多左少少，燒烤果然係佢哋拿手菜.明爐烏頭，呢個真係麻麻地，都係傳統做法較食，整體菜式尚算合格！

每次去九龍城一定會食泰國菜，總會先買幾條串燒在街邊獨食。眾多九龍城泰式菜館子，一直都有光顧泰風情串燒！雖然晚上好大機會要大排長龍，但配上祕汁和獨特的燒烤方法，真是十分惹味。最近還發現原來呢間店子的對面是可以堂食呢！與一般的泰國菜差不多，都有泰式沙律、小食、燒烤、湯、海鮮/肉類、蔬菜、粉麵飯類等特色風味。想不到原來是主打全日套餐，豐儉由人；豪食又得、慳慳地都可以食到抵食套餐～但聽聞店子的炒蟹挺出名，一於試試咖哩炒蟹 $ 268有興趣可連蒜蓉包/薄餅一齊食，更滋味！個人覺得撈汁配飯是最好食～呢隻肉蟹都幾大隻，要配上開鉗器才可以將鮮甜的蟹肉連根拔起蟹鉗位置有滿滿雪白色的蟹肉，大廚加入了海量洋蔥、豆角和三色椒混在咖哩中，還有撈檬的沙律菜伴碟，賣相都幾吸引！ 雖然黃咖哩不會好辣，但都是充滿泰式風味，十分適合初嘗泰菜的朋友～剛巧同行友人不是太吃得辣，要了少辣，都吃到濃郁的咖哩香味。下次想試下招牌爆炸蟹！

出開九龍城，午飯時段周圍都好full係門口行左幾間thai ，呢到menu 都不錯。想食雞飯就幫親我叫左招牌海南雞飯$52 set睇相好似係推介黎，於是就試下個set 有包湯，清清地送下飯海南雞份量都ok多，夠食雞肉調左味，再點汁已經不錯油飯軟硬ok飲品揀左青檸茶(不用加錢)青檸味幾重，透心涼整體性比價算高

隔左兩個幾月，沒食泰菜，心思思又想食，唔想阿媽煮飯咁辛苦，知她喜歡食泰菜同辣，便一家大小去食泰菜。又見快開學，沒咁多時間同他們食飯，要開心食返餐。餐廳佈置清雅，餐桌排列整齊，食飯聊天的好地方。海南雞，雞肉嫩滑，無多餘脂肪，啖啖肉，點上酸辣醬汁，更開胃。泰式炒雜菜，清翠、新鮮、爽脆、只是份量少左些。咖哩軟殼蟹，軟殼蟹炸得香脆，啖啖肉， 唔油膩，連殼都食埋，點上咖哩又另一口味，咖哩唔係好辣，比較稠，薄餅吸收左咖哩汁，層次分明，連南瓜蓉都好入味，口感豐富，一道菜，都可以食出幾道風味。椰青，冰涼通透，啖啖清香甜，椰肉嫩滑，夏天必選飲品。

親友住近九龍城噶啓晴邨，約吃飯，當然離唔開食市開到成行成市的九龍城區，泰國菜是我地的首選，太多泰菜啦，都唔知選邊間好，行過呢間，比佢過名吸引了我地入去食。裝修都好雅緻，坐得幾舒服，明亮，似西餐廳格調。招牌豬手： 豬手炆得好腍，皮與肉分離，食落唔似豬手，點上特製酸辣醬汁，唔油膩，有膠質口感。沙爹串燒：用上黑毛豬串燒，用蜜糖搽上燒烤，甜蜜野味，香噴噴，仲有焦糖香味，嫩滑爽口，冇喳，先食唔好點醬食，再點上醬食，個人喜愛食原味，不點醬，食出原汁原味。泰式海鮮炒飯：炒飯香口，粒粒晶瑩，海鮮爽口，色香美味。龍眼冰，食泰菜，當然係唔少得泰式飲料啦，冰涼清潤，是食泰菜的好拍擋。

每年都會幫襯樂善堂訂月餅，今年亦不例外，但今次取貨要到九龍城，非常不方便。但諗深一層又幾好，有一段日子沒踏足過九龍城可順道去食正宗泰國菜，諗起都囗水流。雖然比起以前碓係少了泰國菜館，但仍然選擇不少。找了間比較樸素的泰國館，不須任何裝潢，只要食物水準ok就得啦！最近有點熱氣上䐉，飲番個椰青水清潤下。清涼透心，椰肉鮮嫩似食豆腐花。鮮蝦柚子沙律每次都係指定前菜，因為太喜歡泰國柚子獨有的清香氣味，配大蝦，再撈少許酸甜醬汁，無得輸。星馬的海南雞好出名，我卻認為泰國的海南雞亦毫不遜色，一樣好味。鷄肉嫩滑沒有多餘脂肪，食得健康又有營。不用加任何醬料，原汁原味最好味。炒碟飛天通菜，火喉鑊氣夠，鮮嫩，真係好食到飛起....！久違了的泰國菜大満足！

今日放假落左九龍城按摩，完左都五點 ，好多泰菜落緊場，揀無可揀入左泰風情。自小熱愛泰菜、亦有朋友是泰國人閒時會過兩招泰菜煮法，所以味道到底有無料黎一試就知。呢間野 裝潢港式茶記格局，一入門口 有位泰國店主已安排四人座，其實因為晚飯時間未到姐目標明確 肉碎飯加蛋！ 先講觀感 ：同泰國一樣，隻蛋可以太陽式上更好味道及價錢：不錯，屬平價高質，以師傅功力應可再收貴一點，辣度可再微調強烈一點。* 自己寫評一直會將味道價錢一起考慮，所謂我比得出，你要煮得好！服務： 初頭無特別 中段因為杯檸茶重手左，叫小甜但小得濟,飲到澀澀地， 最後老闆娘送左碗蘿蔔肚湯, 的確窩心 ps碗野都係好好飲

加班之後食消夜, 跟同事到九龍城搵食, 兩個人百幾蚊!坐得舒舒服服,一排卡位夠晒闊落,又有清涼冷氣, 又可以盡情吹水講是非, 泰國姐姐服務態度親切又有笑容, 真係坐到我唔捨得走.佢on diet 就食鮮蝦柚子沙律, 味道夠晒清又冇澱粉質!酸酸甜甜的, 這個好開胃, 上菜速度快!沙律混合了很多鮮蝦~~金柚~~加上沙律汁.清新+惹味+醒胃!不錯! 不錯!我就一定要食得飽嘅, 泰式什薈湯粉.湯底好香好甜, 紅色嘅原來係泰國南乳,大大碗河粉食到飽.味道夠晒特別, 又有丸又有肉, 仲有男人的浪漫---豬紅!絕對係足料有口感既......好傳統既泰式椰青. 下次來要試埋個招牌海南雞飯.

今日突然想食Thai 菜當然去九龍城啦但係又唔想去啲乜姐店排咁耐隊所以就搵左間新裝修嘅見門口套餐價錢好抵食唔使諗即刻食套餐c 238冬陰公見到成間鋪都係泰國姐姐感覺上菜式應該幾正宗所以冬陰公係一定要order嘅蝦醬炒飯鹹魚炒芥蘭芥蘭炒起嚟味道夠鹹香芥蘭又夠爽脆嫩口燒豬頸肉呢個一邊食一邊讚不絕口肉質入口又爽又甜肉汁非常之多甜品

一行11人訂位特意去食，叫了16個餸。海南雞飯-雞肉嫰滑、不錯併盤-賣相和食物質素超級差，全炸物、炸蝦餅勁乾身，用三層架方式擺放，完全格格不入。刺身蝦一碟只有6隻，賣$5x.普通新鮮。最後一班朋友離開時話好像無食過野咁，但每人夾左$140。

去得九龍城食嘢當然會試吓泰國嘢，因為我聽朋友講求其一間九龍城嘅泰國野都會比其他區嘅好味，原因係競爭大，所以我就試吓呢一間叫泰風情嘅泰國餐廳。門口就已經見到有位泰國姐姐喺度帶位，不過是已經落地生根的泰國人，識講廣東話～店入面亦都會播住好有泰國風情的音樂。講一下我吃了什麼，我叫左豬頸肉，黃咖哩同埋炸蝦餅，飲咗一個椰青同埋一杯椰汁珍多冰，另外再加兩碗白飯因為要食黃咖喱～豬頸肉的肉質真的好脆，還有肉汁流出來，醬汁方面不會太辣所以我會比較接受到（我是不太吃辣的）份量也非常之大！黃咖哩則是更適合我這一種汁撈飯的人，而且又香濃的椰香味，對於我這種椰子控來說根本就是無可抗拒！在說說炸蝦餅～外面炸得酥酥的，咬下去會沙沙聲，入面更有蟹肉味，一般來說其他的都會只是麵粉加一點點的蟹肉，所以我會覺得他們是真材實料。我們兩個人吃了291元～（當天我認為自己叫得太多，所以打包了可以第二天再吃）

都有一排無食過泰菜，今日就黎左泰菜集中地九龍城搵食，經過泰風情感覺不錯，就試下你啦老公叫左杯椰汁冰，上面有一條條大樹菠蘿半隻海南雞，去晒骨，每舊都好滑，連雞胸都滑嘟嘟，好味豬雜河粉，上既時候連埋不用既醬料任加，豬雜夠晒多，個湯底好甜，無味精，河粉係捲埋一舊咁，好得意，$35實在好抵食馬拉盞炒椰菜苗，椰菜苗好新鮮，份量都唔少，但略鹹黑毛豬串燒，平時多數都食沙嗲串燒，今次係醬燒，肉質好淋，但就愈食愈鹹呀座位好好坐，夠晒空間，一d都唔逼，香港餐廳黎講都算難得

難得放假，老婆大人話想食泰國菜，而泰國菜，我就即刻唸到九龍城，今次就試下呢間o係大街既泰菜啦！可能因為今日去既時候都算早，大約6點，所以人唔多，唔駛等位打開個餐牌，d野食都幾平wor，大約50-60蚊，所以同一個價錢，o係呢度可以試多幾個餸！最後我就透過店員既介紹，食佐幾樣佢地既招牌菜泰式海南雞（半隻）$88，好大碟，雞係微熱既，唔同平時食開凍冰冰既感覺，雞好嫩，好滑，好有雞味，配埋個酸辣醬汁，好好味泰式什薈湯粉（$35），呢個係店員推介既，望落有d似狗仔粉，食落我覺得正過狗仔粉！首先個湯底好香甜，仲要冇味精，問落先知佢地個湯底係同豬骨同埋雞骨淆制既，所以係絕對足料既，而湯粉係用好傳統既泰式粉條，好有口感泰式黑毛豬串燒半打（$88），一般既串燒食得多，所以今次就點佐個特別d既黑毛豬黎試下，黑毛豬既豬味原來真係比普通豬濃好多，但係我就覺得佢整得咸佐少少，要點多d醬汁消一消味馬拉盞炒椰菜苗（$65），椰菜苗真係好好味，有香甜既菜味，呢個菜絕對係穩陣之選椰汁冰（$25），椰汁味好濃，但係就比較多冰，所以好快就飲完，但係佢就落佐d大樹菠蘿味既條條落杯飲品度，食落好refresh，正埋單大約$3