泰風情

Open Now

Now Closed

行經九龍城，最正嘅一定係泰國野。基本上都食雲九龍城d泰國餐廳，見到呢間新開，而且名又特別，於是決定入內一試，伙同幾個朋友仔哪哪聲坐低點餐。當日星期六晚7點半度，理應餐廳爆晒架嘛，但我地食到8點幾9點都係得兩台客仔。以為新開，但依家回想，終於知咩事。嗌左必食嘅咖哩炒蟹，食落蟹肉綿唧唧，似乎唔係用新鮮蟹。味道認真麻麻。咖哩蟹d汁好似無落足料蛋槳。跟著d嗌左一打串燒，串燒最緊要係d 汁，但調得麻麻地，唔夠香，沙嗲汁有d變味。仲有嗌左個青咖哩炒豬肉，d豬肉....雪藏味而且食落打晒變渣，「鞋殺殺」。炒左碟泰國椰菜，有沙嘅，咩食物質素，有無洗架？炒飯飯粒又硬，海鮮少，得果兩三舊。油多到飯底成隻碟都係。海南雞飯d雞，骨多肉少，雞胸肉好鞋，叫我地點食啊？而且好唔新鮮嘅雞。好似d將壞將壞嘅酸味。係味放左好耐。最正常都係個青椰子水了！唯一新鮮好味道，唉…唔多似正宗泰國菜嘅水準，一次食泰國菜嘅唔太好嘅經歷。諗起買單計數五百幾，3個人，都頗貴，但食物衛生欠佳，以後都唔會揀返呢間，以上純粹個人經歷，以俾即將前往嘅食客借鑒。d相有朋友嘅樣就5係度po了。

點解要俾錢食一間完全不入格嘅泰式茶餐廳呢？且聽我一一道來…… 是咁的。姨媽揸車經過九龍城，係附近搵位泊車準備食泰國菜，誤打誤撞就入左呢間泰國餐廳，見佢裝修靚靚仔仔，諗住應該都乾淨嘅，唔試唔知道，一試就中招喇！！！味道衛生也的确是麻麻。 我地嗌左個柚子沙律，賣相尚且過得去，仔細一睇，唔知係咪覺得客5會食個底盤裝飾嘅生菜，竟然仲有泥同爛葉係上面，柚子肉都偏酸…… 仲有個泰式唔知乜炒飯啊！炒到有d飯粒都窿晒，但係味道算香。如果可以加d新鮮乾淨嘅蔬菜係側邊可能會更好，同埋主要可能落左豬油掛，姨媽話豬油炒嘅野盡量少食，食多都唔健康。只係一般嘅炒飯樣，屋企炒都得！蠔餅好多蛋但極少蠔，唔足料啵！而且蠔仔好細，炒到好咸啊！！姨媽飲椰青水，我飲珍多冰，個珍多冰好似落多左糖精，甜到脷都漏啊！菜式同普通香港茶餐廳差5太遠，想嗌個炒蟹，但見都好貴下，而且兩個人未必食得晒，所以就放棄左。味道同印象中係其他幾間泰國餐廳有差距，買單二百尾，唔太抵食！！

今日經過九龍城見到一間裝修幾舒適既泰國菜館(印象中之前係茶餐廳架)唔理咁多啦，早餐都未食醫飽個肚先，一入內叫左碟海南鷄飯，果然招牌菜哦，鷄夠滑，飯又夠香，最正係佢用既醬汁，好野味，勁好食，食飽埋單，感覺好滿足，下次一定叫埋屋企人來試埋佢其他泰菜先

招牌豬手飯好味, 豬皮軟豬肉淋, 不過太多汁, 令到d飯味太濃, 叫小汁應該完美. 例湯好似落得重手左, 喜歡濃味應該ok.青檸水正常.------------------------------

「海南雞」以去骨的海南雞飯，製法是用上湯浸熟，配搭用魚露、辣椒、青檸、醋同薑蒜製成的酸辣汁點來吃，令成道菜更開胃惹味，「三黃雞」的肉滑「豬什湯」若果我下次再來我一定會再點它，它的湯頭是非常鮮甜，用雞骨及豬骨餚成，是我喜歡的天然甜味。豬什則清洗得非常乾淨，不會有污糟物體及多餘的油脂癡住，入口不會有怪味，這點最重要！「咖喱炒蟹」一般泰國餐廳都喜歡用肉蟹，這裏則用每天新鮮來貨的膏蟹，我覺得各有特式，這裏用的膏蟹真的非常爆膏，咖喱汁比我想像中沒有那麼辣，確係幾惹味，我可以再叫廚師加辣啊。同埋吃的時候最好配白飯或者焗法包，用來撈汁吃就最爽。

唻得九龍城例牌梗係要食返味泰國菜，今日同幾個朋友再唻，發現開左間新店，裝修比起其他連鎖店無咁高貴(連鎖店豪華但菜式唔夠正宗)，但亦比一般正宗泰菜菜館舒適高雅。一入門口，見到玻璃廚部掛左一隻隻雞，坐低後，服務員向我介紹左兩種必食小菜，就係我見到既招牌海南雞及招牌豬手，我相信新開店一定介紹佢地最馳名小菜比我地呢班新客，我地一於試下，再加個柚子沙律，沙爹串燒，蠔餅，蝦醬炒飯，雜會湯粉，豬雜卷粉(泰文又名"龜汁"，又學多個泰文 ^O^)。先唻個前菜柚子沙律，講真我第一次食呢種沙律，覺得幾特別；跟住2個招牌菜上左，我同我班朋友大讚無介紹錯，個豬手多肉又夠爽；而個海南雞勁滑又夠味；個卷粉好正宗，呢種特式泰國粉出面好難搵到；而個沙爹串燒既沙爹味濃而不醎，可以再辣D更好。上幾次我地專程入西貢食泰國野，但水準好唔穩定，今次呢間泰風情就要甜有甜，要辣有辣，醎味都適中，最緊要夠正宗，加上呢間野舒適高雅，服務好，總括比個GOOD!P.S.等餸菜時，我見到全店所有人，包括事頭婆、服務員同廚師，全部都係泰國人但識講廣東話，正宗得有道理。

泰菜是一道吃得人舌頭不會噴煙，但香料總會在味蕾上久而長全的國家風味菜上回講及由新開同區越式餐廳步出，轉角便已發現此店決意明天從臨．．店子裝修上比一貫平民版格局高雅，舒適平日下午不算太多人，可算謂除便就座．．孤零零下午，一人入座當然也是一人餐．．泰式乾炒雞河，色澤上比本土炒河為淺、明顯大家國家醬油色澤分別鑊氣可盛，但絕對是碎濕濕出品、河粉體積切得偏大，但全碟整體就視為偏少加上細粟米仔，泰芥蘭、一兩件西蘭花及雞肉柳、配料份量其實不少但由於主角實在過於碎濕，所以口感上減去不少分數怪我不懂欣賞青檸在泰國雜貨店，五蚊已有三大個平、靚用途廣，亦是泰國香料上不可分缺的主要味道，有別於一般歐洲大路黃檸檬少少的一兩片足以令平平冇奇冰粒加上靈魂